ପାଟନା,୨୯।୪: ସାରଣ  ଲୋକସଭା ଆସନ ପାଇଁ ଲାଲୁ ପ୍ରସାଦ ଯାଦବଙ୍କ ଝିଅ ରୋହିଣୀ ଆଚାର୍ଯ୍ୟ ଆଜି ନାମାଙ୍କନପତ୍ର ଦାଖଲ କରିଛନ୍ତି। ନାମାଙ୍କନ ପରେ ରାଜେନ୍ଦ୍ର ଷ୍ଟାଡିୟମରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା। ଏହି ସମୟ ମଧ୍ୟରେ ତେଜସ୍ୱୀ ଯାଦବ ପୁଣିଥରେ ଏକ ଗୀତ ଗାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ କଟାକ୍ଷ କରିଛନ୍ତି। କେବଳ ଏତିକି ନୁହେଁ, ସମାନ ମଞ୍ଚରେ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ ମଧ୍ୟ ଏକ ଗୀତ ଗାଇ ରୋହିନୀଙ୍କ ସମର୍ଥନରେ ଭୋଟ୍ ମାଗିଥିଲେ।

ଏହି ସମୟରେ ଲାଲୁ ପ୍ରସାଦ ଯାଦବ କହିଛନ୍ତି, ମୋ ଝିଅ ରୋହିଣୀ ଆପଣଙ୍କ ମଧ୍ୟରେ ଲଗାତାର କାମ କରୁଛି।ତେଣୁ ରୋହିଣୀଙ୍କୁ ବହୁମତରେ ଜିତାଇବାର ଅଛି।  ଦେଶକୁ ଓ ସମ୍ବିଧାନକୁ ବଞ୍ଚାଇବାକୁ କରିବାକୁ ପଡିବ। ଆମେ ଗଣତାନ୍ତ୍ରିକ ସମ୍ବିଧାନକୁ ଧ୍ୱଂସ କରିବାକୁ ଦେବୁ ନାହିଁ। ପଛୁଆ ବର୍ଗ ଏବଂ ପଛୁଆ ଶ୍ରେଣୀର ଅଧିକାର ଛଡ଼ାଇ ନେବାକୁ ବିଜେପି ଚାହୁଁଛି, ସମସ୍ତେ ଏକାଠି ହୁଅନ୍ତୁ। 

ଲାଲୁ କହିଛନ୍ତି, ଆପଣ ସମସ୍ତେ ଏତେ ଗରମରେ ଆସିଛନ୍ତି  ସମସ୍ତଙ୍କୁ ଧନ୍ୟବାଦ। ସାରଣ  ଜିଲ୍ଲା ହେଉଛି ଆମର କର୍ମକ୍ଷେତ୍ର। ଆମେ ସାରଣ ପାଇଁ ବହୁତ କାମ କରିଥିଲୁ। ରେଳ କାରଖାନା, ଫ୍ୟାକ୍ଟ୍ରି,  ଇଞ୍ଜିନିୟରିଂ କଲେଜ, ମଢୋର ଇଞ୍ଜିନ କାରଖାନା, ଆଦି ଆମେ କରିଛୁ।  ଆପଣ ସମସ୍ତେ ବହୁତ କ୍ଳାନ୍ତ ପଡିଥିବେ ଏବଂ ମୁଁ ମଧ୍ୟ କ୍ଳାନ୍ତ ହୋଇଗଲି। ବର୍ତ୍ତମାନ ତୁମର ରୋହିଣୀ ଅଛନ୍ତି, ତାଙ୍କୁ ବିପୁଳ ଭୋଟ୍ ସହିତ ଜିତାନ୍ତୁ । ସମ୍ବିଧାନକୁ ବଦଳାଇବାକୁ   ବିଜେପି ଚାହୁଁଛି। ଆମେ କୌଣସି ମୂଲ୍ୟରେ ସମ୍ବିଧାନରେ ପରିବର୍ତ୍ତନ   ହେବାକୁ ଅନୁମତି ଦେବୁ ନାହିଁ। ବିଜେପି ସଂରକ୍ଷଣ ଶେଷ କରିବାକୁ ଚାହୁଁଛି। ଏଥିପାଇଁ ଆମ ସମସ୍ତଙ୍କୁ ଏକାଠି ରହିବାକୁ ପଡିବ। ସଚେତନ ହେବାକୁ ପଡିବ।’