ନୂଆଦିଲ୍ଲୀ,୨୯।୪: ତେଲେଙ୍ଗାନା ମୁଖ୍ୟମନ୍ତ୍ରୀ ରେଭନ୍ତ ରେଡ୍ଡୀ ଦିଲ୍ଲୀ ପୋଲିସର ସମନ୍। ସୋସିଆଲ ମିଡିଆରେ ଗୃହମନ୍ତ୍ରୀ ଅମିତ ଶାହାଙ୍କ ଏଡିଟେଡ୍ ଭିଡିଓ ପୋଷ୍ଟିଂ କରିବା ମାମଲାରେ ପଚରାଉଚରା ପାଇଁ ତାଙ୍କୁ ଡକାଇଛି ଦିଲ୍ଲୀ ପୋଲିସ। ଜାରି କରାଯାଇଥିବା ସମନ୍ ଅନୁଯାୟୀ, ସିଏମ୍ ରେଡ୍ଡୀଙ୍କ ସମେତ ପାଞ୍ଚ ଜଣଙ୍କୁ ୧ ମଇରେ ଦିଲ୍ଲୀକୁ ଡକାଯାଇଛି। ସମସ୍ତେ ଏହି ଭିଡିଓକୁ ସୋସିଆଲ ମିଡିଆ ସାଇଟ୍ ‘ଏକ୍ସ’ରେ ରେ ପୋଷ୍ଟ କରିଥିଲେ।
ସୂଚନାନୁସାରେ, ପୋଲିସ ସିଏମ ରେଡ୍ଡୀଙ୍କୁ ସେହି ମୋବାଇଲ ଆଣିବାକୁ କହିଛି ଦିଲ୍ଲୀ ପୋଲିସ, ଯେଉଁଥିରେ ସେ ଏହି ଭିଡିଓକୁ ‘ଏକ୍ସ’ରେ ରେ ପୋଷ୍ଟ କରିଥିଲେ। ଉଲ୍ଲେଖନୀୟ ଯେ, ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ଶନିବାର ଦିନ ଆଇପିସି ଏବଂ ଆଇଟି ଆକ୍ଟ ଅନୁଯାୟୀ ଏଫ୍ଆଇଆର୍ ରୁଜୁ କରିଛି। ଏହି କାର୍ଯ୍ୟାନୁଷ୍ଠାନ ସେହି ସମୟରେ ନିଆଯାଇଛି, ଯେତେବେଳେ ଗୃହମନ୍ତ୍ରଣାଳୟ ଓ ବିଜେପିର ଦିନକ ପୂର୍ବରୁ ମାମଲା ରୁଜୁ କରିଥିଲା।
ସ୍ପେଶାଲ ସେଲ୍ ଇଣ୍ଡିଆନ୍ ପେନାଲ କୋଡ୍(ଆଇପିସି)ର ବିଭିନ୍ନ ଧାରା ଓ ଆଇଟି ଆକ୍ଟର ପ୍ରାସଙ୍ଗିକ ନିୟମ ଅନୁସାରେ, ମାମଲା ରୁଜୁ କରିଛି। ଅଭିଯୋଗ ରହିଛି ଯେ, କିଛି ଭିଡିଓ କୁ ଏଡିଟ କରାଯାଇଛି। ଉଲ୍ଲେଖନୀୟ ଯେ, ଗୃହମନ୍ତ୍ରୀ ଅମିତ ଶାହଙ୍କ ଏକ ଫେକ୍ ଭିଡିଓ ଏବେ ସୋସିଆଲ ମିଡିଆରେ ଖୁବ୍ ସେୟାର କରାଯାଉଛି। ଏହି ଭିଡିଓ ସଂରକ୍ଷଣକୁ ନେଇ ଗୃହମନ୍ତ୍ରୀଙ୍କ ସମ୍ବୋଧନ ସହିତ ଜଡିତ ଥିଲା। ଏହି ମାମଲାରେ ଦିଲ୍ଲୀ ପୋଲିସ ରବିବାର ଅଭିଯୋଗ ମିଳିବା ପରେ ମାମଲା ରୁଜୁ କରିଥିଲା। ଦିଲ୍ଲୀ ପୋଲିସର ସ୍ପେଶାଲ ସେଲ୍ ଭାରତୀୟ ଦଣ୍ଡ ସଂହିତାର ବିଭିନ୍ନ ଧାରା ବ୍ୟତୀତ ଆଇଟି ଆକ୍ଟ ଅନୁସାରେ ମାମଲା ରୁଜୁ କରିଥିଲା।
