ମୁମ୍ୱାଇ : କୋଲକାତା ନାଇଟ୍ ରାଇଡର୍ସ ( କେକେଆର )ର ସାହସ ବଢାଇବା ପାଇଁ ଶାହରୁଖ ଖାନ ମ୍ୟାଚ୍ ବେଳେ ଅନେକ ସମୟରେ ଉପସ୍ଥିତ ଥାଆନ୍ତି। ସେ ଷ୍ଟାଡିୟମରେ ଖେଳାଳିଙ୍କ ଉତ୍ସାହ ବଢାଇବାର ଦେଖିବାକୁ ମିଳିଥାଏ। ସବୁ ପ୍ରଶଂସକଙ୍କୁ ନଜର ଯେମିତି ମ୍ୟାଚକୁ ଛାଡ଼ି ତାଙ୍କ ଉପରେ ଲାଖି ରହିଥାଏ। ମ୍ୟାଚ୍ ଶେଷ ହେବା ପରେ ସେ ଖେଳାଳିଙ୍କୁ ଜଣ ଜଣଙ୍କୁ ଭେଟିଥାନ୍ତି ଏବଂ ତାଙ୍କ ସହ କଥା ହୁଅନ୍ତି। ମୈଦାନରୁ ଶାହରୁଖଙ୍କର ଏକ ଭିଡ଼ିଓ ଆସିଛି, ଯେଉଁଥିରେ ସେ କେକେଆରର ଖେଳାଳି ସୁୟଶ ଶର୍ମାଙ୍କ ହେୟାରକଟ୍ର ପ୍ରଶଂସା କରୁଛନ୍ତି। ତାଙ୍କର ଏହି ଭିଡ଼ିଓ ଏବେ ଖୁବ୍ ଭାଇରାଲ ହେଉଛି।
ସୂଚନା ଯେ, ଲକ୍ଷ୍ନୌ ସୁପର ଜଏଣ୍ଟସ (ଏଲଏସଜି) ବିରୋଧରେ କେକେଆରର ବିଜୟ ପରେ ଶାହରୁଖ ସବୁ ଖେଳାଳିଙ୍କୁ ସାକ୍ଷାତ କରି ଥିଲେ। ଯେବେ ସେ ସୁୟଶ ଶର୍ମାଙ୍କୁ ଭେଟିଥିଲେ, ତାଙ୍କର ଧ୍ୟାନ ହେୟାରଷ୍ଟାଇଲ୍ ଉପରେ ପଡ଼ିଛି। ସେ ତାଙ୍କର ପ୍ରଶଂସା କରୁଛନ୍ତି ଏବଂ ନିଜ ମ୍ୟାନେଜରଙ୍କୁ ଡାକି କହୁଛନ୍ତି ଆସନ୍ତା ଥର ତାଙ୍କର ଏମିତି ହେୟାରକଟ୍ ଦରକାର। ସୁୟଶଙ୍କର ଏହା ପୂର୍ବରୁ ଲମ୍ୱା କେଶ ଥିଲା। ଉକ୍ତ ଭିଡ଼ିଓକୁ କେକେଆରର ଏକ୍ସ ପେଜ ସେୟାର କରିଛି।
ଶାହରୁଖ ପ୍ରଥମେ ସୁୟଶଙ୍କୁ ଆଲଙ୍ଗନ କରୁଛନ୍ତି , ଏହାପରେ କେଶ ବିଷୟରେ ପଚାରୁଛନ୍ତି –କିଏ କହିବା ପରେ ଏମିତି କରିଛ ? ସୁୟଶ ଜବାବରେ କୁହନ୍ତି , ମୁଁ ନିଜେ ନିଜେ । ସେତେବେଳେ ଶାହରୁଖ ମ୍ୟାନେଜର ପୂଜାଙ୍କୁ ଡାକନ୍ତି। କୁହନ୍ତି ,ପୂଜା ମୋର ଏହି ହେୟାରଷ୍ଟାଇଲ୍ ଦରକାର। ଏମିତିକା।
“Pooja mujhe yeh wala haircut chahiye”👌 pic.twitter.com/aIH2B9pUM8
— KolkataKnightRiders (@KKRiders) April 16, 2024
ୱାର୍କଫ୍ରଣ୍ଟ କଥା ଯଦି କହିବା ତ ଶାହରୁଖଙ୍କ ପାଇଁ ୨୦୨୩ ମସିହା ଥିଲା ଖୁବ୍ ଆକର୍ଷଣୀୟ। ତାଙ୍କର ୩ଟି ଫିଲ୍ମ ପଠାନ , ଯବାନ ଓ ଡଙ୍କି ସୁପରହିଟ୍ ହୋଇଥିଲା। ତାଙ୍କର ଆଗାମୀ ଫିଲ୍ମ ସୁଜୟ ଘୋଷଙ୍କ କିଙ୍ଗ୍ ରହିଛି। ଏଥିରେ ସୁହାନା ଖାନ ମଧ୍ୟ ନଜର ଆସିବେ। ବଡ଼ ପରଦାରେ ସୁହାନା ପ୍ରଥମ ଥର ନଜର ଆସିବେ।