ଆଇପିଏଲ ୨୦୨୩: ୧୨ ଓଭର ବିନିମୟରେ ଚେନ୍ନାଇକୁ ୪ ଝଟ୍କା; ଗାଇକଓ୍ବାର୍ଡଙ୍କ ଅର୍ଦ୍ଧଶତକ, ଦଳୀୟ ସ୍କୋର ୧୨୧
ଅହମ୍ମଦାବାଦ;୩୧/୦୩: କ୍ରିକେଟ ମହାସମର ଆଇପିଏଲ ୨୦୨୩ର ଉଦ୍ଘାଟନୀ ମ୍ୟାଚ୍ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯାଉଛି। ପ୍ରଥମ ମୁକାବିଲାରେ ଚେନ୍ନାଇ ସୁପରକିଙ୍ଗସ୍ ଓ ଗୁଜରାଟ ଟାଇଟନ୍ସ ମୁହାଁମୁହିଁ ହୋଇଛନ୍ତି । ତେବେ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ଗୁଜରାଟ ଟାଇଟନ୍ସ। ପ୍ରଥମରୁ ମୈଦାନକୁ ଓହ୍ଲାଇଥିଲେ ଋତୁରାଜ ଗାଇକଓ୍ବାର୍ଡ ଓ ଡେଭୋନ କନଓ୍ବେ। କିନ୍ତୁ ଦଳିୟ ସ୍କୋର ମାତ୍ର ୧୪ ରନ୍ ହୋଇଥିବା ବେଳେ ଦଳକୁ ପ୍ରଥମ ଝଟ୍କା ଲାଗିଥିଲା। ମହମ୍ମଦ ସାମୀଙ୍କ ଦ୍ବାରା ଆଉଟ ହୋଇ ପାଭିଲିୟନ ଫେରିଥିଲେ ଡେଭୋନ କନଓ୍ବେ।
ପରେ ୫୦ ରନ୍ ବେଳକୁ ଦଳକୁ ଦ୍ବିତୀୟ ଝଟ୍କା ଲାଗିଥିଲା। ମୋଇନ ଅଲ୍ଲୀଙ୍କୁ ଆଉଟ୍ କରିଥିଲେ ରାସିଦ୍ ଖାନ୍। ସେ ୧୭ ବଲ୍ରେ ୨୩ ରନ୍ କରି ଆଉଟ୍ ହୋଇଥିଲେ। ତେବେ ୭.୪ ଓଭର ବେଳକୁ ଦଳକୁ ତୃତୀୟ ଝଟ୍କା ଲାଗିଥିଲା। ବେନ ଷ୍ଟୋକ୍ସଙ୍କୁ ପ୍ୟାଭିଲିୟନ ପୟଠାଇ ଦ୍ବି୍ତୀୟ ଓ୍ବିକେଟ ହାସଲ କରିଥିଲେ ରାସିଦ୍ ଖାନ୍। ଷ୍ଟୋକ୍ ଗୋଟିଏ ଚୌକା ମାରି ମାତ୍ର ୬ ଟି ବଲରେ ୭ ରନ୍ କରି ଆଉଟ୍ ହୋଇଥିଲେ। ଗୁଜୁରାଟ ପାଇଁ ଶାମି ୧ ୱିକେଟ୍ ନେଇଥିବା ବେଳେ ରାସିଦ୍ ୨ ୱିକେଟ୍ ନେଇଛନ୍ତି। ଦଳ ୧୨.୫ ଓଭରରେ ୪ର୍ଥ ଓ୍ବିକେଟ ହରାଇଛି। ଅମ୍ବାତି ରାଇଡ଼ୁ ୧୨ ବଲ୍ରେ ୧୨ ରନ୍ କରି ଜେସୁଆ ଲିଟିନଙ୍କ ଦ୍ବାରା ଆଉଟ୍ ହୋଇଛନ୍ତି। ତେବେ ଗାଇକଓ୍ବାର୍ଡଙ୍କ ଦମଦାର ଅର୍ଦ୍ଧଶତକ ଦଳକୁ ମଜବୁତ ସ୍ଥିତିକୁ ନେଉଥିବା ଦେଖିବାକୁ ମିଳିଛି। ବର୍ତ୍ତମାନ ୧୨ ଓଭର ବିନିମୟରେ ୪ ଓ୍ବିକେଟ ହରାଇ ଦଳୀୟ ସ୍କୋର ୧୨୧ ରହିଛି।
