ଗୁଜରାଟ, ୧୦।୭: ଗୁଜରାଟ ବଡ଼ୋଦରା ଜିଲ୍ଲାରେ ବ୍ରିଜ୍ ଭୁଶୁଡ଼ିବା ଘଟଣା । ଏପର୍ଯ୍ୟନ୍ତ ମୃତ୍ୟୁସଂଖ୍ୟା ୧୬ରେ ପହଞ୍ଚିଲାଣି । ଗୁଜରାଟ ବଡ଼ୋଦରା ଜିଲ୍ଲାର ମାହିସାଗର ନଦୀ ଉପରେ ନିର୍ମିତ ସେତୁର କିଛି ଅଂଶ ଭୁଶୁଡ଼ି ପଡିବା ଘଟଣାରେ ଏପର୍ଯ୍ୟନ୍ତ ୧୬ ଜଣଙ୍କ ମୃତ ଦେହ ଉଦ୍ଧାର କରାଯାଇଛି । ଏବେ ବି ୪ଜଣ ନିଖୋଜ ଥିବାରୁ ସେମାନଙ୍କୁ ଉଦ୍ଧାର ପାଇଁ ପ୍ରୟାସ ଜାରି ରହିଛି । ୫ଜଣ ଗୁରୁତରଙ୍କ ମେଡିକାଲରେ ଭର୍ତ୍ତି କରାଯାଇଥିବା ଜଣାପଡ଼ିଛି । ବଡ଼ୋଦରାର ଜିଲ୍ଲାପାଳ ଅନିଲ ଧାମେଲିଆ କହିଛନ୍ତି, ମାହି ନଦୀ ସେତୁ ଦୁର୍ଘଟଣାରେ ଗୁରୁବାର ସକାଳେ ୩ଟି ମୃତଦେହ ଉଦ୍ଧାର କରାଯାଇଛି । ଯାହା ଫଳରେ ମୃତ୍ୟୁ ସଂଖ୍ୟା ୧୬କୁ ବୃଦ୍ଧି ପାଇଛି । ଏବେ ବି ଉଦ୍ଧାର କାର୍ଯ୍ୟ ଜାରି ରହିଛି । ଉଦ୍ଧାର କାର୍ଯ୍ୟରେ ଏନଡିଆରଏଫ୍ ଏବଂ ଅନ୍ୟାନ୍ୟ ଦଳ ସାମିଲ ରହିଛନ୍ତି । ଏହି ସେତୁ ଭଦୋଦରା ଏବଂ ଆନନ୍ଦକୁ ସଂଯୋଗ କରୁଛି । ଏହା ଭୁଶୁଡ଼ି ପଡ଼ିବା ଦ୍ୱାରା ଲକ୍ଷ ଲକ୍ଷ ଲୋକ ପ୍ରଭାବିତ ହୋଇଛନ୍ତି । ଦୁଇ ଜିଲ୍ଲା ମଧ୍ୟରେ ଯୋଗାଯୋଗ ବିଚ୍ଛିନ୍ନ ହେବା ଯୋଗୁଁ ଲୋକଙ୍କ କାମ ମଧ୍ୟ ପ୍ରଭାବିତ ହେଉଛି । ଗତକାଲି ରିପୋର୍ଟ ଆସିଥିଲା ଯେ, ଏହି ସେତୁଟି ଦୀର୍ଘ ସମୟ ଧରି ମରାମତି ଆବଶ୍ୟକ ଥିଲା, କିନ୍ତୁ ଏଥିପ୍ରତି କୌଣସି ଧ୍ୟାନ ଦିଆଯାଇ ନଥିଲା ।
ଏହି ସେତୁ ଭଦୋଦରା ଏବଂ ଆନନ୍ଦକୁ ସଂଯୋଗ କରୁଛି । ଏହା ଭୁଶୁଡ଼ି ପଡ଼ିବା ଦ୍ୱାରା ଲକ୍ଷ ଲକ୍ଷ ଲୋକ ପ୍ରଭାବିତ ହୋଇଛନ୍ତି । ଦୁଇ ଜିଲ୍ଲା ମଧ୍ୟରେ ଯୋଗାଯୋଗ ବିଚ୍ଛିନ୍ନ ହେବା ଯୋଗୁଁ ଲୋକଙ୍କ କାମ ମଧ୍ୟ ପ୍ରଭାବିତ ହେଉଛି । ଗତକାଲି ରିପୋର୍ଟ ଆସିଥିଲା ଯେ ଏହି ବ୍ରିଜ୍ଟି ଦୀର୍ଘ ସମୟ ଧରି ମରାମତି ଆବଶ୍ୟକ ଥିଲା, କିନ୍ତୁ ଏଥିପ୍ରତି କୌଣସି ଧ୍ୟାନ ଦିଆଯାଇ ନଥିଲା । ଏହି ସେତୁ ପ୍ରାୟ ୪୩ ବର୍ଷ ପୂର୍ବେ ନିର୍ମିତ ହୋଇଥିଲା, ଯାହା ୧୦୦ ଗାଁର ଲୋକଙ୍କ ପାଇଁ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ପରିବହନର ମାଧ୍ୟମ ଥିଲା ।
