କଟକ,୧୨।୬ : ଚୌଦ୍ୱାର ଥାନା ନୂଆପାଟଣା କଫିବାର ଛକ ନିକଟରେ  ପୋଲିସ ଗାଡି ଯାଞ୍ଚ କରି ୨ କୁଇଣ୍ଟାଲରୁ ଊର୍ଦ୍ଧ୍ବ ଗଞ୍ଜେଇ ସହ ୨ ଟି କାର ଜବତ କରିଛି। ଜବତ ଗଞ୍ଜେଇର ଆନୁମାନିକ ମୂଲ୍ୟ ୨୦ ଲକ୍ଷ ଟଙ୍କା ହେବ। 

ନୟାଗଡ଼ ଅଂଚଳରୁ ୫୫ ନମ୍ବର ଜାତୀୟ ରାଜପଥ ଦେଇ କଲିକତାକୁ ଏକ ଇନୋଭା  କାର   ଚାମ୍ବର ମଧ୍ୟରେ  ୫୦ରୁ ଉର୍ଦ୍ଧ୍ବ ପ୍ୟାକେଟ ଗଂଜେଇ ଭର୍ତ୍ତି ହୋଇ ଚାଲାଣ ହେଉଥିବା ନେଇ  ଡିସିପିଙ୍କ ନିର୍ଦେଶ କ୍ରମେ ଚୌଦ୍ୱାର ପୁଲିସର ୩ ଟି ଟିମ ଚୌଦ୍ୱାର ଥାନା ନୂଆପାଟଣା କଫିବାର ଛକରେ ଜଗି ରହିଥିଲେ  l 

 ମଧ୍ୟାହ୍ନ ସମୟରେ  ଏକ ନୀଳ ରଙ୍ଗର କାର ଏସକଟ କରି ଆଗରେ ଆସୁଥିବା ବେଳେ ପଛରେ ଇନୋଭା କାର ଆସୁଥିଲା l ପୁଲିସର ଟିମ ସବୁ ରାସ୍ତାକୁ ସିଲ କରିଦେଇଥିବା ବେଳେ ଦୁଇଟି ଗାଡି ଖସି ଯାଇ ପାରିନଥିଲେ l ପୁଲିସ ଦୁଇଟି ଗାଡିକୁ ଅଟକାଇ ଯାଞ୍ଚ କରିଥିଲା l  କାର ମଧ୍ୟରେ ଥିବା ୪ ଜଣଙ୍କୁ କାବୁ କରିବା ପରେ ଇନୋଭା କାର ଯାଞ୍ଚ କରି ପଛ ଡ଼ିକି ମଧ୍ୟରୁ ଗଂଜେଇ ମିଳିଥିଲା l   ପୁଲିସ ଗଂଜେଇ ସହ ଦୁଇଟି ଗାଡିକୁ ଜବତ କରି ତଦନ୍ତ ଜାରି ରଖିଛି।