ନୂଆପଡା, ୫।୨: ୧୫ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରା ପଡିଲେ ନୂଆପଡା ଜିଲ୍ଲା କୋମନା ତହସିଲ ରେଭିନ୍ୟୁ ସୁପରଭାଇଜର ଅକ୍ଷୟ କୁମାର ନାଏକ।
ଜଙ୍ଗଲ ଜମି ପଟ୍ଟା କରି ଦେବା ପାଇଁ ସ୍ଥାନୀୟ କୁମୁଟିମୁଣ୍ଡାର ନୀଳମଣି ମାଝୀଙ୍କ ଠାରୁ ୧୫ ହଜାର ଟଙ୍କା ଲାଞ୍ଚ ଦାବି କରିଥିଲେ । ଉଦ୍ୟାନବନ୍ଧ ଏସବିଆଇ ବ୍ୟାଙ୍କ ସାମ୍ନାରେ ଟଙ୍କା ନେଉଥିବା ବେଳେ ନୂଆପଡା ଓ ଭବାନୀପାଟଣା ଭିଜିଲାନ୍ସ ଟିମ ଟଙ୍କା ସହ ଅକ୍ଷୟ ନାଏକଙ୍କୁ ଧରିଥିଲା। ପରେ ଉଦ୍ୟାନବନ୍ଧ ସ୍ଥିତ ଭଡା ଘରେ ଚଢ଼ାଉ କରି କିଛି କାଗଜ ପତ୍ର ଜବତ କରିବା ସହ ବେଳେ କୋମନା ତହସିଲ ଅଫିସ ରେ ବର୍ତ୍ତମାନ ଚଢ଼ାଉ ଜାରି ରହିଛି।