ପ୍ରମୂଖ ଖବର
  • ନଭେମ୍ଵର ଓ ଡିସେମ୍ଵରରେ ଓଡ଼ିଶା ଆସିବେ ରାହୁଲ, ରାଜ୍ୟ କଂଗ୍ରେସର ହେବ ବିଶାଳ କାର୍ଯ୍ୟକ୍ରମ
  • ||
  • କନ୍ଧମାଳ : ପୋଲ ତଳୁ ଯୁବକଙ୍କ ମୃତଦେହ ଉଦ୍ଧାର; ୫ ଦିନ ହେଲା ଥିଲେ ନିଖୋଜ
  • ||
  • ନବରଙ୍ଗପୁର : ସାମ୍ବାଦିକଙ୍କୁ ଛୁରା ମାଡ଼, ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି
  • ||
  • ପୁରୀରୁ ବିପୁଳ ପରିମାଣର ବ୍ରାଉନ ସୁଗର ଜବତ, ୩ ବେପାରୀଙ୍କୁ ବାନ୍ଧିଲା ପୁଲିସ
  • ||
  • ନିଶାମୁକ୍ତ ହେବ ରାଜଧାନୀ: ନିଶା ବେପାରୀଙ୍କୁ ମିଳିବନି ନିସ୍ତାର, ଏସ୍‌ଟିଏଫ ଆରମ୍ଭ କରିବ ‘ଅପରେସନ ପ୍ରହାର’
  • ||
  • ବନ୍ୟାରେ ଭାସି ଯାଇଥିଲେ ଯୁବକ, ଗାଁ ପୋଖରୀରୁ ଉଦ୍ଧାର ହେଲା ମୃତଦେହ
  • ||
  • ପୁରୁଷୋତ୍ତମ ଏକ୍ସପ୍ରେସ ଶୌଚାଳୟରୁ ଯୁବକଙ୍କ ମୃତଦେହ ଠାବ, ତଦନ୍ତ ଆରମ୍ଭ କଲା ଜିଆର୍‌ପି
  • ||
  • ଦେଶର ଦକ୍ଷ ମୁଖ୍ୟମନ୍ତ୍ରୀ ତାଲିକାରେ ମୋହନ ମାଝୀ, ‘ଇଣ୍ଡିଆ ଟୁଡେ-ସିଭୋଟର’ ପକ୍ଷରୁ ‘ମୁଡ୍‌ ଅଫ ଦ ନେସନ’ ସର୍ଭେରେ ମିଳିଲା ଅଷ୍ଟମ ସ୍ଥାନ
  • ||
  • ଟାରିଫ୍‌କୁ ନେଇ ଡୋନାଲ୍ଡ ଟ୍ରମ୍ପଙ୍କୁ ଶକ୍ତ ଝଟକା; ଶୁଳ୍କକୁ ବେଆଇନ କହିଲେ ୟୁଏସ୍ କୋର୍ଟ
  • ||
  • ୩୧ରୁ ବଢ଼ିବ ବର୍ଷା, ସେପ୍ଟେମ୍ବର ୩ ଯାଏ ଦେଖାଇବ ପ୍ରକୋପ: ଆଜି ଅଧା ଓଡ଼ିଶାକୁ ୟେଲୋ ଆଲର୍ଟ
  • ||

ଅମିତ ଶାହଙ୍କ ବିମାନରେ ଦେଖା ଦେଲା ଯାନ୍ତ୍ରିକ ତ୍ରୁଟି, ଏକନାଥ ସିନ୍ଦେଙ୍କ ପ୍ଲେନ୍‌ରେ ଫେରିଲେ ଗୁଜରାଟ

Published By : Tapas Panda | August 30, 2025 6:35 PM

Image Courtesy: tv9hindi

ମୁମ୍ବାଇ: କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ବିମାନରେ ଯାନ୍ତ୍ରିକ ତ୍ରୁଟି । ଅମିତ ଶାହ ତାଙ୍କର ଦୁଇ ଦିନିଆ ମୁମ୍ବାଇ ଗସ୍ତ ସମାପ୍ତ କରି ଗୁଜରାଟ ଯିବାକୁ ବାହାରିଥିବା ବେଳେ ବିମାନରେ ତ୍ରୁଟି ଦେଖା ଦେଇଥିଲା ବୋଲି ଜଣାପଡ଼ିଛି । ସୂତ୍ର ଅନୁସାରେ, ବିମାନରେ ଯାନ୍ତ୍ରିକ ତ୍ରୁଟି ବିଷୟରେ ଜଣାପଡିବା ମାତ୍ରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେ ଗୃହମନ୍ତ୍ରୀ ଏବଂ ତାଙ୍କ ପରିବାରକୁ ତାଙ୍କ ବିମାନ ଦେଇଥିଲେ । ଶାହା ସିନ୍ଦେଙ୍କ ବିମାନରେ ଗୁଜରାଟ ଯାତ୍ରା କରିଥିଲେ।  ଗୃହମନ୍ତ୍ରୀ ଅମିତ ଶାହ ଶନିବାର ଦିନ ଗଣେଶ ଉତ୍ସବ କାର୍ଯ୍ୟକ୍ରମରେ ଯୋଗଦେବା ପାଇଁ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀସଙ୍କ ବାସଭବନକୁ ଯାଇଥିଲେ । ଏହା ପରେ ସେ ତାଙ୍କ ପରିବାର ସହିତ ପ୍ରସିଦ୍ଧ ଲାଲବାଗଚା ରାଜା ଗଣପତିଙ୍କୁ ଦର୍ଶନ କରିଥିଲେ । 

ସେ ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ରାଜ୍ୟର ଦଳୀୟ ନେତାମାନଙ୍କ ସହିତ ଏକ ବୈଠକ କରିଥିଲେ। ଅମିତ ଶାହ ଶୁକ୍ରବାର ରାତିରେ ମହାରାଷ୍ଟ୍ରରେ ପହଞ୍ଚିଥିଲେ। ସେ ସିନ୍ଦେ ଏବଂ ରାଷ୍ଟ୍ରୀୟ ସ୍ୱୟଂସେବକ ସଂଘର ଯୁଗ୍ମ ସାଧାରଣ ସମ୍ପାଦକ ଅତୁଲ ଲିମାୟେ, ମହାରାଷ୍ଟ୍ର ବିଜେପି ସଭାପତି ରବିନ୍ଦ୍ର ଚୌହାନ ଏବଂ ନବନିଯୁକ୍ତ ମୁମ୍ବାଇ ବିଜେପି ମୁଖ୍ୟ ଅମିତ ସଟମଙ୍କ ସହ ମଧ୍ୟ କଥା ହୋଇଥିଲେ । 

ଦୁଇ ଦିନିଆ ଗସ୍ତ ସମୟରେ ବିଜେପି ରାଷ୍ଟ୍ରୀୟ ସାଧାରଣ ସମ୍ପାଦକ ବିନୋଦ ତାୱଡେ ଗୃହମନ୍ତ୍ରୀ ଅମିତ ଶାହଙ୍କୁ ଭେଟିଥିଲେ। ଦୁଇ ନେତାଙ୍କ ଏହି ସାକ୍ଷାତ ସମୟରେ ଆଗାମୀ ଉପରାଷ୍ଟ୍ରପତି ନିର୍ବାଚନ, ବିହାର ବିଧାନସଭା ନିର୍ବାଚନ ଏବଂ ସାଂଗଠନିକ ପ୍ରସଙ୍ଗରେ ଆଲୋଚନା ହୋଇଥିବା କୁହାଯାଉଛି । ଅମିତ ଶାହ ମରାଠା ସଂରକ୍ଷଣ ଆନ୍ଦୋଳନ ସମ୍ପର୍କରେ ମୁଖ୍ୟମନ୍ତ୍ରୀ ଫଡନବୀସ ଏବଂ ମନ୍ତ୍ରୀ ଆଶିଷ ଶେଲାଙ୍କଠାରୁ ସୂଚନା ଗ୍ରହଣ କରିଥିଲେ ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.