କେନ୍ଦୁଝର,୧୭/୦୭: କଂଗ୍ରେସର ଓଡ଼ିଶା ବନ୍ଦ ପ୍ରଭାବରେ କେନ୍ଦୁଝର ଜିଲ୍ଲାରେ ଦୋକାନ ବଜାର, ଚକ ଅଖ ବନ୍ଦ ରହିଛି । ବାଲେଶ୍ୱରର ଛାତ୍ରୀ ମୃତ୍ୟୁ ଘଟଣା ଏକ ସମ୍ବେଦନଶୀଳ ପ୍ରସଙ୍ଗ ହୋଇଥିବାରୁ ବନ୍ଦ ଡାକରାରେ ବସ୍, ଟ୍ରକ୍ ଓ ଚାରିଚକିଆ ଯାନ ବନ୍ଦ ରହିଛି । ଖଣିଜ ପଦାର୍ଥ ପରିବହନ ମଧ୍ୟ ବନ୍ଦ ରହିଛି । କଂଗ୍ରେସ କର୍ମୀମାନେ ବିଭିନ୍ନ ଛକରେ ଟାୟାର ଜାଳି ଯୋଗାଯୋଗକୁ ପ୍ରତିରୋଧ କରିଛନ୍ତି । ସମସ୍ତ ସରକାରୀ କାର୍ଯ୍ୟାଳୟ ସମ୍ମୁଖରେ କଂଗ୍ରେସ କର୍ମୀମାନେ ପିକେଟିଂ କରିବା ସହିତ କର୍ମଚାରୀଙ୍କୁ ପ୍ରବେଶ କରିବାକୁ ବାରଣ କରୁଛନ୍ତି । ଦୈନିକ ପନିପରିବା କାରବାର ମଧ୍ୟ ବନ୍ଦ ରହିଛି ।
ଜିଲ୍ଲାରେ ସମସ୍ତ ଘରୋଇ ଓ ସରକାରୀ ବିଦ୍ୟାଳୟ ବନ୍ଦ ରହିଛି । ଏହା ସହିତ ମାଲବାହୀ ଟ୍ରେନ୍, ଯାତ୍ରୀବାହୀ ଟ୍ରେନ୍କୁ କର୍ମୀମାନେ ଅଟକ ରଖିଛନ୍ତି। କଂଗ୍ରେସ ସଂଯୋଜକ ସଂଗୀତା ସିଂହ, ପ୍ରତିଭାମଞ୍ଜରୀ ନାଏକ, ଆଲୋକ ମିଶ୍ର, ସଂଗ୍ରାମ ଦାସ, ବିନୋଦବିହାରୀ ନାଏକ, ସୁନେଶ ଧୀର, ପ୍ରମୁଖ ନେତୃତ୍ୱ ନେଇଛନ୍ତି । ଫଳରେ ବ୍ୟାଙ୍କ ଏବଂ ଡାକ ଘର ଇତ୍ୟାଦି ବନ୍ଦ ରହିଛି ।
