ନୂଆଦିଲ୍ଲୀ,୨।୧୦: ଇସ୍ରାଏଲ ଓ ଇରାନ ମଧ୍ୟରେ ଲଢେଇ ଘମାଘୋଟ ରୂପ ନେଇଛି। ଆଗକୁ ସ୍ଥିତି ଖୁବ୍ ଭୟଙ୍କର ହୋଇପାରେ। ମଙ୍ଗଳବାର ଇରାନର ଘନ ଘନ ମିସାଇଲ ମାଡ଼ରେ ଇସ୍ରାଲରେ ଅନେକ କ୍ଷୟକ୍ଷତି ହୋଇଛି। ଏବେ ଇରାନ ପକ୍ଷରୁ ପୁଣିଥରେ ଦିଆଯାଇଛି ଚେତାବନୀ।  ଇରାନର ଗୁଇନ୍ଦା ମନ୍ତ୍ରଣାଳୟ ଇସ୍ରାଏଲର ମୋଷ୍ଟ ଓ୍ବାଣ୍ଟେଡ୍ ଲିଷ୍ଟ ଜାରି କରିଛି। ଗୁଇନ୍ଦା ଏଜେନ୍ସି ହିବ୍ରୁ ଜାରି ଲିଷ୍ଟରେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ ଓ ତାଙ୍କ ଅନ୍ୟ ଡିଫେନ୍ସ ମାମଲାର ମୁଖ୍ୟ ଅଧିକାରୀଙ୍କୁ ଶେଷ କରିଦେବ। ଲିଷ୍ଟର ଫଟୋ ସହ ଟପ୍‌ ତିନରେ ନେତନ୍ୟାହୁଙ୍କ ନାଁ ଓ ଏହାପରେ ପ୍ରତିରକ୍ଷା ମନ୍ତ୍ରୀ ୟୋଆଭ ଗ୍ୟାଲେଣ୍ଟ ଓ ସେନା ମୁଖ୍ୟ ହର୍ଜି ହେଲେଭିଙ୍କ ନାଁ ରହିଛି। 

ଇରାନ ଗତ କିଛି ଦିନ ହେବ ଇସ୍ରାଏଲ ଉପରେ ଜୋରଦାର ମିସାଇଲ ମାଡ କରିବାରେ ଲାଗିଛି। ଏଥିରେ କିଛି ମିସାଇଲ ଦେଶର କେନ୍ଦ୍ର ଇସ୍ତଫହାନ ଓ ଉତ୍ତର-ପଶ୍ଚିମରେ ଥିବା ଜଞ୍ଜନ ସହର ନିକଟରେ ପଡିଛି। ୪୦୦ରୁ ଅଧିକ ମିସାଇଲ ଓ ରକେଟ ମାଡ଼ କରିଛି ଇରାନ। ପୂରା ଇସ୍ରାଏଲରେ ଆକ୍ରମଣ ଘଣ୍ଟି ବାଜିବା ସହ ସ୍ଥିତି ବେହାଲ  ହୋଇପଡିଥିଲା। ରକେଟ ଆଟାକ ପରେ ପୂରା ଇସ୍ରାଏଲର ଲୋକ ବୋମା ଶେଲଟରକୁ ଚାଲି ଯାଇଛନ୍ତି। ଇସ୍ରାଏଲ ଆକାଶରେ ଇରାନରେ ମିସାଇଲ ଓ ରକେଟ ପ୍ରବେଶ କରିବା କ୍ଷଣି ଇସ୍ରାଏଲ ପକ୍ଷରୁ ଏୟାର ଡିଫେନ୍ସ ସିଷ୍ଟମକୁ ଆକ୍ଟିଭ କରାଯାଇଛି।  ସତର୍କ ସୂଚନା ଜାରି କରାଯାଇଛି। ସତର୍କ ସୂଚନା ପାଇବା ପରେ ଲୋକମାନେ ଜୀବନ ବିକଳରେ ବୋମା ଶେଲଟର ଭିତରେ ପଶି ଯାଇଥିଲେ।