PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଲାୟମ ସିଂହ ଯାଦବ ICUରେ ଭର୍ତ୍ତି ,ଅଖିଳେଶ ଓ ଅପର୍ଣ୍ଣା ଯାଦବଙ୍କ ତୁରନ୍ତ ଦିଲ୍ଲୀ ଯାତ୍ରା
  • ||
  • ଭୁବନେଶ୍ଵର : ରାଜ୍ୟରେ ଉପରତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୧୩୧ ପଜିଟିଭ୍ ଚିହ୍ନଟ
  • ||
  • କଟକ : ହାଇକୋର୍ଟଙ୍କ ଦ୍ୱାରସ୍ଥ ହେଲେ ବିଧାୟକ ମହମ୍ମଦ ମୋକିମ୍, ବିଧାୟକ ପଦ ରଦ୍ଦ ହେବାର ଆଶଙ୍କା
  • ||
  • କେନ୍ଦୁଝର : ସାମାନ୍ୟ ବଚସାରୁ ତୁମୁଳ କାଣ୍ଡ, ଯୁବକଙ୍କୁ ବିଭତ୍ସ ଭାବେ ହତ୍ୟା
  • ||
  • କୋରାପୁଟ : ବିଜୁଳି ଘଡ଼ଘଡ଼ିରେ ଭୁଶୁଡ଼ିଲା କୋରାପୁଟର ଜେଇଏଲ୍ ଚର୍ଚ୍ଚ
  • ||
  • ବ୍ରହ୍ମପୁର : କାର୍‌ରୁ ୩ କେ.ଜି ସୁନା ଏବଂ ୧୭ କେ.ଜି ରୂପା ଜବତ, ୩ ଅଟକ
  • ||

ପଞ୍ଚତାରକା ହୋଟେଲରୁ ୧୮ ପଜିଟିଭ୍, ହୋଟେଲକୁ ତୁରନ୍ତ ସିଲ୍‌ କରିବାକୁ ପଦକ୍ଷେପ‌

ଭୁବନେଶ୍ୱର,୧୨।୮: ରାଜଧାନୀର ଏକ ନାମୀ ପଞ୍ଚତାରକା ହୋଟେଲରୁ ୧୮ଜଣ ସଂକ୍ରମିତ ବାହାରିଛନ୍ତି । ଏମାନେ ସମସ୍ତେ ହୋଟେଲର କର୍ମଚାରୀ । ପୁଣି ସ୍ୱାସ୍ଥ୍ୟ ବିଭାଗର ଜଣେ ମହିଳା ଆଇଏଏସ୍‌ ଅଧିକାରୀ କରୋନାରେ ଆକ୍ରାନ୍ତ ହୋଇଥିବା ଭୁବନେଶ୍ୱର ମହାନଗର ନିଗମ(ବିଏମ୍‌ସି) ସୂତ୍ରରୁ ଜଣାପଡ଼ିଛି । ତାଙ୍କ ସମେତ ବିଭାଗର ୩ଜଣ ଅଧିକାରୀ ସଂକ୍ରମିତ ହୋଇଛନ୍ତି ।

ଏହି ଆଇଏଏସ୍‌ ଅଫିସରଙ୍କ କୌଣସି ଲକ୍ଷଣ ନଥିବାରୁ ହୋମ୍‌ ଆଇସୋଲେସନ୍‌ରେ ଅଛନ୍ତି । ସେ ୟୁନିଟ୍‌-୧ ଅଞ୍ଚଳରେ ଥିବା ନିଜ ସରକାରୀ କ୍ୱାର୍ଟର୍ସରେ ରହୁଛନ୍ତି । ସେହିଭଳି ବିଏମ୍‌ସି ଉତ୍ତର ଜୋନ୍‌ ଅଫିସ୍‌ରୁ ଆଉ ଜଣେ କର୍ମଚାରୀ ପଜିଟିଭ୍‌ ବାହାରିଛନ୍ତି । ସେ ଜଣେ ଶିକ୍ଷକ । କୋଭିଡ୍‌ ଡ୍ୟୁଟିରେ ତାଙ୍କୁ ବିଏମ୍‌ସି ଜୋନ୍‌ ଅଫିସରେ ନିୟୋଜିତ କରାଯାଇଥିଲା ।

କିଛି ଦିନ ତଳେ ଜୋନ୍‌ର ଜଣେ ୱାର୍ଡ ଅଫିସରଙ୍କ ନମୁନା ପଜିଟିଭ୍‌ ଆସିଥିଲା । ୨୧ଜଣ ୱାର୍ଡ ଅଫିସରଙ୍କ ସହ ଉତ୍ତର ଜୋନ୍‌ରେ କାମ କରୁଥିବା ଅନେକ କର୍ମଚାରୀ ତାଙ୍କ ସଂସ୍ପର୍ଶରେ ଆସିଥିଲେ । ଏଥିପାଇଁ ଆଜି ଜୋନ୍‌ ଅଫିସ୍‌ ପକ୍ଷରୁ ଏକ ସ୍ୱତନ୍ତ୍ର ପରୀକ୍ଷା ଶିବିର ହୋଇଥିଲା । ଏଥିରେ ଜୋନ୍‌ର ସମସ୍ତ କର୍ମଚାରୀ ରାପିଡ୍‌ ଆଣ୍ଟିଜେନ୍‌ ପରୀକ୍ଷା କରାଇଥିଲେ । ପରୀକ୍ଷା ରିପୋର୍ଟରୁ ଏହି ଜଣଙ୍କ ନମୁନା ପଜିଟିଭ୍‌ ଆସିଛି । ଏହାକୁ ନେଇ ଜୋନ୍‌ କର୍ମଚାରୀଙ୍କ ଭିତରେ ଭୟ ବଢିଛି । ଜୋନ୍‌ ଅଫିସ୍‌ କର୍ମଚାରୀଙ୍କ ସହ ଏକ ପଞ୍ଚତାରକା ହୋଟେଲର କର୍ମଚାରୀମାନେ ଏହି ପରୀକ୍ଷା ଶିବିରରେ ନମୁନା ଦେଇଥିଲେ । ଆଣ୍ଟିଜେନ୍‌ ପରୀକ୍ଷା ରିପୋର୍ଟରୁ ହୋଟେଲର ୧୮ଜଣ ସଂକ୍ରମିତ ହୋଇଥିବା ବିଏମ୍‌ସି ସୂତ୍ରରୁ ସୂଚନା ମିଳିଛି । ହୋଟେଲକୁ ତୁରନ୍ତ ସିଲ୍‌ କରିବାକୁ ପଦକ୍ଷେପ ନିଆଯିବ ବୋଲି ବିଏମ୍‌ସିର ଜଣେ ଅଧିକାରୀ କହିଛନ୍ତି । ମଙ୍ଗଳବାର ରାଜଧାନୀରୁ ଆଉ ୧୦୯ଜଣ ନୂଆ ସଂକ୍ରମିତ ବାହାରିଛନ୍ତି । ଏଥିରୁ ୬୦ଜଣ କ୍ୱାରେଣ୍ଟାଇନ୍‌ରେ ଥିଲେ । ବାକି ୪୯ଜଣ ସ୍ଥାନୀୟ ସଂକ୍ରମିତ । ତେବେ ସହରରେ ମୋଟ ଆକ୍ରାନ୍ତ ସଂଖ୍ୟା ୪୧୭୧ରେ ପହଞ୍ଚିଛି ।

ପୁରୁଣା ଭୁବନେଶ୍ୱର ରାମେଶ୍ୱରପାଟଣାରୁ ୪ଜଣ, ନୂଆ ଫରେଷ୍ଟ ପାର୍କରୁ ୪, ୟୁନିଟ୍‌-୮ରୁ ୪, ସୁନ୍ଦରପଦାରୁ ୩, ଚନ୍ଦ୍ରଶେଖରପୁର ହାଉସିଂବୋର୍ଡ କଲୋନୀରୁ ୩, ଜିଜିପି କଲୋନୀରୁ ୨, ସାଲିଆ ସାହିରୁ ୨, ଜୟଦେବ ବିହାରରୁ ୨, ଡେଲ୍‌ଟା ଛକରୁ ୨ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ବଡଗଡ ଅଞ୍ଚଳରୁ ୪, ପଟିଆ ତ୍ରିଷ୍ଣା ଏନକ୍ଲେଭ୍‌ ପାଖରୁ ୨, ଚନ୍ଦ୍ରଶେଖରପୁର ହାଉସିଂବୋର୍ଡ କଲୋନୀରୁ ୨, ବୁଦେ୍ଧଶ୍ୱରୀ କଲୋନୀରୁ ୨, କାନନ ବିହାର ଫେଜ୍‌-୨ରୁ ୨ଜଣ ସଂକ୍ରମିତ ବାହାରିଛନ୍ତି । ମଙ୍ଗଳବାର ରାଜଧାନୀରୁ ୧୩୪ଜଣ ସୁସ୍ଥ ହୋଇଛନ୍ତି । ସହରରୁ ବର୍ତ୍ତମାନ ସୁଦ୍ଧା ମୋଟ ୨୮୦୭ଜଣ ସୁସ୍ଥ ହେଲେଣି । କରୋନାରେ ପଜିଟିଭ୍‌ ବାହାରିଥିବା ଜଣେ ରୋଗୀ ଅନ୍ୟ କାରଣରୁ ପ୍ରାଣ ହରାଇଛନ୍ତି ବୋଲି ସ୍ୱାସ୍ଥ୍ୟ ବିଭାଗ ସୂଚନା ଦେଇଛି । ରାଜଧାନୀରୁ କରୋନାରେ ଆକ୍ରାନ୍ତ ୨୨ଜଣ ଏବେସୁଦ୍ଧା ଆଖି ବୁଜିଲେଣି । ସହରରେ ଏବେ ୧୩୩୯ଜଣ ସକ୍ରିୟ ରୋଗୀ ଅଛନ୍ତି ।