ମାଲକାନଗିରି, ୧୭/୧ : ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡର ନାରାୟଣପୁର ଜିଲ୍ଲାରେ ମାଓବାଦୀଙ୍କ ଆଇଡି ବୋମା ବିସ୍ଫୋରଣରେ ଦୁଇ ଜଣ ଯବାନ ଆହତ ହୋଇଛନ୍ତି । ସୂଚନା ଅନୁଯାୟୀ ନାରାୟଣପୁର ଜିଲ୍ଲାର ଅବୁଝମାଡ ସ୍ଥିତ ଗାରପା ଗ୍ରାମ ନିକଟରେ ବିଏସଏଫ ଯବାନମାନେ ତଲାସି ଅଭିଯାନ କରୁଥିଲେ। ମଓ ଦମନ ନିମନ୍ତେ ଏହି ତଲାସି ଅଭିଯାନ କରିବାବେଳେ ହଠାତ ଏକ ଆଇଡି ବୋମା ବିସ୍ଫୋରଣ ଘଟିଥିଲା।
ତେବେ ଏହି ବୋମାକୁ ମାଓବାଦୀମାନେ ଖଞ୍ଜିଥିବାବେଳେ ଏହାର ବିସ୍ଫୋରଣରେ ଦୁଇ ଜଣ ଯବାନ ଆହତ ହୋଇଥିଲେ। ତୁରନ୍ତ ସାଥି ଯବାନମାନେ ଆହତ ଯବାନମାନଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଇବା ସହ ଅଞ୍ଚଳରେ ତଲାସି ଅଭିଯାନକୁ ବଢାଇ ଦିଆଯାଇଥିବା ଜଣାପଡ଼ିଛି।
