୨ ଲକ୍ଷ ଟଙ୍କାର କେନ୍ଦୁ କାଠ ଜବତ, କାଠମାଫିଆ ସମେତ ଗାଡ଼ି ଚାଳକ ଫେରାର
ଢେଙ୍କାନାଳ,୩୧/୩: କାମାକ୍ଷନଗର ପଶ୍ଚିମାଞ୍ଚଳ ରେଞ୍ଜ ବନବିଭାଗର ପକ୍ଷରୁ ଗୋଟିଏ ମିନି ଟ୍ରକ୍ ଅଟକ ରଖାଯାଇଛି । ଏହି ଟ୍ରକରୁ ପ୍ରାୟ ଲକ୍ଷାଧିକ ଟଙ୍କାର କେନ୍ଦୁ କାଠ ଜବତ କରାଯାଇଛି l ଜବତ କାଠର ଆନୁମାନିକ ମୂଲ୍ୟ ୨ ଲକ୍ଷ ଟଙ୍କା ହେବ l ସୂଚନା ମୁତାବକ, ମହୁଲି ଗ୍ରାମ୍ୟ ଜଙ୍ଗଲରେ କେନ୍ଦୁ କାଠ ବୋଝେଇ ହେଉଥିବା ସମୟରେ ବନବିଭାଗ ବିଶେଷ ସୁତ୍ରରୁ ଖବର ପାଇ ମାଡ଼ିବସିଥିଲା । କାଠମାଫିଆ ଓ ଗାଡ଼ି ଚାଳକ ଗାଡ଼ି ଛାଡ଼ି ଫେରାର ହୋଇ ଯାଇଥିବାବେଳେ ଗାଡ଼ି ସହ କାଠ ଜବତ କରିଛି ବନ ବିଭାଗ l ସେଥିରେ ପ୍ରାୟ ୨ ଲକ୍ଷ ଟଙ୍କାର କେନ୍ଦୁ କାଠ, ୪ଟି କାଠ ଗଣ୍ଡି ଥିଲା l ଦୀର୍ଘ ଦିନ ହେବ କେନ୍ଦୁ କାଠ ଏହି ରାସ୍ତା ଦେଇ ରାଜ୍ୟ ତଥା ରାଜ୍ୟ ବାହାରକୁ ଚୋର ଚାଲାଣ ହେଉଥିବା ଅଭିଯୋଗ ହୋଇଆସୁଥିଲା l ବିଶେଷ ସୂତ୍ରରୁ ଖବର ପାଇ ଗତ ବିଳମ୍ବିତ ରାତିରେ ଗାଡ଼ିରେ କାଠ ଲୋଡ୍ ସମୟରେ ବନବିଭାଗ ଧରିବାରେ ସକ୍ଷମ ହୋଇଛି l ଗାଡ଼ି ଓ କାଠ ଗୁଡ଼ିକୁ ଜବତ କରି କାମାକ୍ଷାନାଗାର ପଶ୍ଚିମାଞ୍ଚଳ ବନ ବିଭାଗ ଅଧିକ ତଦନ୍ତ ଜାରି ରଖିଛି l
