ନୂଆପଡା,୧୭।୮ : ପାଇଖାନା ଟାଙ୍କି ସେଣ୍ଟ୍ରିଂ ଖୋଲିବା ବେଳେ ଅଘଟଣ। ଶ୍ବାସରୁଦ୍ଧ ହୋଇ ଦୁଇ ଶ୍ରମିକ ମୃତ। ଖଡ଼ିଆଳ ଲକ୍ଷ୍ମୀ ଛକ କଂସାରୀ ପଡାରେ ଏଭଳି ଘଟଣା ଘଟିଛି। ମୃତକ ଖଡ଼ିଆଳ ଥାନା କୋଟେନମୁଣ୍ଡା ଗ୍ରାମର ରଘୁମାନୀ ହାତୀ ଓ ଛତା ଗ୍ରାମର ବାସୁଦେବ ଭୋଇ।
ଖଡ଼ିଆଳ ଲକ୍ଷ୍ମୀ ଛକ କଂସାରୀ ପଡାର ଗୋବିନ୍ଦ ସାହୁଙ୍କ ପାଇଖାନା ଟାଙ୍କି ସେଣ୍ଟ୍ରିଂ ରଘୁମାନୀ ହାତୀ ଓ ବାସୁଦେବ ଭୋଇ ଖୋଲୁଥିଲେ। ତେବେ ପାଇଖାନା ଟାଙ୍କି ଭିତରେ ଜଣେ ଶ୍ବାସରୁଦ୍ଧ ହୋଇଯାଇଥିଲେ। ଅନ୍ୟ ଜଣେ ବଞ୍ଚାଇବାକୁ ଯାଇ ସେ ମଧ୍ୟ ଶ୍ବାସରୁଦ୍ଧ ହୋଇଥିଲେ। ଉଭୟଙ୍କୁ ଉଦ୍ଧାର କରାଯାଇ ଖଡିଆଳ ଉପଖଣ୍ଡ ସ୍ୱାସ୍ଥ୍ୟ କେନ୍ଦ୍ର ଅଣାଯାଇଥିଲା। ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ। ଘଟଣା ସ୍ଥଳରେ ଖଡ଼ିଆଳ ପୋଲିସ ପହଞ୍ଚି ତଦନ୍ତ କରୁଛି।
