ପ୍ରମୁଖ ଖବର
  • ଏ ବର୍ଷ ଗ୍ରୀଷ୍ମ ଲହରୀ ଲମ୍ବିବ: ମାର୍ଚ୍ଚରୁ କଲବଲ କରିବ ଖରା, ଆକାଶରୁ ନିଆଁ ବର୍ଷିବ
  • ||

ଗଣବଳାତ୍କାର ମାମଲା : ୨ ଅଭିଯୁକ୍ତଙ୍କୁ ୨୦ ବର୍ଷ ସଶ୍ରମ କାରାଦଣ୍ଡ

ନୂଆପଡ଼ା,୨୧।୧(ଆପ୍ର):   ଜଣେ ମହିଳାଙ୍କୁ ଗଣବଳାତ୍କାର କରିବା ମାମଲାର ବିଚାର କରି ଜିଲ୍ଲା ଦୌର ଓ ଦେଓ୍ବାନୀ ଜଜ ସଂଗ୍ରାମ କେଶରୀ ପଟ୍ଟନାୟକ ୨ ଅଭିଯୁକ୍ତଙ୍କୁ ୨୦ ବର୍ଷ ସଶ୍ରମ କାରାଦଣ୍ଡାଦେଶ ଦେଇଛନ୍ତି।  ଏଥିସହ ୫ ହଜାର ଟଙ୍କା ଜରିମାନା କରିଛନ୍ତି । ଜରିମାନା ଅନାଦେୟ ପୁଣି ୩ ମାସ ଆହୁରି ଅଧିକ ଜେଲ ଦଣ୍ଡ ଭୋଗିବାକୁ ପଡ଼ିବ ବୋଲି ରାୟରେ ଦର୍ଶାଇଛନ୍ତି।

ନୂଆପଡ଼ା ଜିଲ୍ଲା ସିନାପାଲି ଥାନା  ଅଧୀନ ଏକ  ଗାଁର ଜଣେ  ମହିଳା ଗତ ୨୦୨୧ ଅଗଷ୍ଟ ୧୦ ତାରିଖରେ ଗାଁ ନିକଟ ପୋଖରୀକୁ ଏକାକୀ ଗାଧୋଇବାକୁ ଆସିଥିଲେ ।  ଗାଧୋଇବା ବେଳେ ଗାଁର ବିଶ୍ବବିହାରିସିଂ ମାଝି ଓ ବରୁଣ ମାଝି ମହିଳାଙ୍କୁ  ମାଡ଼ ମାରି ନିକଟ ଜଙ୍ଗଲକୁ ଟେକି ନେଇଥିଲେ । ସେଠାରେ ଉଭୟ ଯୁବକ ମହିଳାଙ୍କୁ ଗଣ ବଳାତ୍କାର କରିବା ସହ ଚେତାଶୂନ୍ୟ ଅବସ୍ଥାରେ ଛାଡି ଦେଇ ଚାଲି ଯାଇଥିଲେ । ଘରକୁ ଫେରିବାରେ ବିଳମ୍ବ ହେବାରୁ  ମହିଳାଙ୍କ ସ୍ବାମୀ ଗାଁ ପୋଖରୀକୁ ଖୋଜିବାକୁ ଯାଇଥିଲେ । ଏହି ପୋଖରୀ ନିକଟ ଜଙ୍ଗଲରେ ମହିଳା ଜଣକ ଚେତାଶୂନ୍ୟ ଅବସ୍ଥାରେ ପଡ଼ିଥିଲେ । ଗୁରୁତର ଅବସ୍ଥାରେ  ଉଦ୍ଧାର କରି ଡାକ୍ତରଖାନାରେ ଚିକିତ୍ସା କରିଥିଲେ । ଏନେଇ ମହିଳା ଜଣକ  ସିନାପାଲି ଥାନାରେ ଲିଖିତ ଅଭିଯୋଗ କରିଥିଲେ । ଏନେଇ ସିନାପାଲି ପୁଲିସ ଏକ ମାମଲା ରୁଜୁ କରି ଅଭିଯୁକ୍ତ ବିଶ୍ବବିହାରୀ ଓ ବରୁଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । ଏନେଇ ଜିଲ୍ଲା ଦେଓ୍ବାନୀ ଓ ଦୌରା ଜଜଙ୍କ ନିକଟରେ ମାମଲା ବିଚାରାଧୀନ ରହିଥିଲା । ଏହି ମାମଲାରେ ୧୮ ଜଣ ସାକ୍ଷ୍ୟଙ୍କ ବୟାନକୁ ଭିତ୍ତି କରି ଜିଲ୍ଲା ଦୌରା ଓ ଦେଓ୍ବାନୀ ଜଜ ସଂଗ୍ରାମ କେଶରୀ ପଟ୍ଟନାୟକ ଉପରୋକ୍ତ ରାୟ ଦେଇଛନ୍ତି ବୋଲି କ୍ୟାଡର ପିପି ବେଣୁଲାଲ ପ୍ରଧାନ ସୂଚନା ଦେଇଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.