ନୂଆଦିଲ୍ଲୀ,୧୮/୦୫: ଦକ୍ଷିଣ ଆମେରିକାର ଦୁଇ ରାଜ୍ୟ ମିସୌରୀ ଓ କେଣ୍ଟକୀରେ ଭୟଙ୍କର ଘୂର୍ଣ୍ଣିଝଡ ଦେଖିବାକୁ ମିଳିଛି । ଏଥିରେ ୨୭ ଜଣ ପ୍ରାଣ ହରାଇଥିଲା ବେଳେ ଅନେକ ଆହତ ହୋଇଛନ୍ତି । କେଣ୍ଟକିରେ ୧୮ ଜଣଙ୍କ ମୃତ୍ୟୁ ହୋଇଥିଲା ବେଳେ ମିସୌରୀରେ ୯ ଜଣଙ୍କ ଜୀବନ ଯାଇଛି । ମୃତ୍ୟୁସଂଖ୍ୟା ଆହୁରି ବଢ଼ିିପାରେ ବୋଲି ଆଶଙ୍କା କରାଯାଉଛି।
କେଣ୍ଟକୀ ଗଭର୍ଣ୍ଣର ଆଣ୍ଡି ବେସିୟର ନିଜ ସୋସିଆଲ ମିଡିଆ ଏକ୍ସରେ ଏହି ସୂଚନା ଦେଇଛନ୍ତି । ସେଥିରେ ସେ ଲେଖିଛନ୍ତି ଘୂର୍ଣ୍ଣିଝଡ ଯୋଗୁ ବ୍ୟାପକ କ୍ଷୟକ୍ଷତି ଘଟିଛି । ଘରଦ୍ୱାର ଭାଙ୍ଗିବା ସହ ଗଛ ଉପୁଡି ପଡିଛି । ବିଦ୍ୟୁତ ସଂଯୋଗ ବିଚ୍ଛିନ୍ନ ହୋଇଯାଇଛି । ମୃତ୍ୟୁସଂଖ୍ୟା ମଧ୍ୟ ବଢ଼ିବାର ସମ୍ଭାବନା ରହିଛି । କାରଣ ବିଭିନ୍ନ ସ୍ଥାନରୁ କ୍ଷୟକ୍ଷତି ନେଇ ରିପୋର୍ଟ ହସ୍ତଗତ ହେବାରେ ଲାଗିଛି । ସେହିଭଳି ମିସୌରୀ ମେୟର କାରା ସ୍ପେନସର ଗଣମାଧ୍ୟମକୁ କହିଛନ୍ତି ଯେ ଘୂର୍ଣ୍ଣିଝଡ ଯୋଗୁ ବ୍ୟାପକ ଧନଜୀବନ ହାନି ହୋଇଛି । ଅନେକ ଘର ଭାଙ୍ଗିଯାଇଛି । ବିଦ୍ୟୁତ ଖୁଣ୍ଟ କ୍ଷତିଗ୍ରସ୍ତ ହୋଇଥିବାରୁ ବହୁ ଲୋକ ଅନ୍ଧାରରେ ରହିଛନ୍ତି ।
