ଭୁବନେଶ୍ଵର, ୧୧/୦୪ : ଛତିଶଗଡ଼ ସୁକୁମା ଜିଲ୍ଲାରେ ସୁରକ୍ଷାବାହିନୀକୁ ବଡ଼ ସଫଳତା। ଚିନ୍ତଲନାଡ଼ ଜଙ୍ଗଲରେ ସିଆରପିଏଫ ଯବାନଙ୍କ କମ୍ଵିଂ ଅପରେସନ ବେଳେ ୩ ଜଣ ହାର୍ଡକୋର୍ ମାଓବାଦୀ ଧରା ପଡିଛନ୍ତି। ସେମାନଙ୍କ ମୁଣ୍ଡ ଉପରେ ଛତିଶଗଡ଼ ସରକାର ପୁରସ୍କାର ରାଶି ଘୋଷଣା କରିଥିଲେ। 

ସୂଚନାନୁଯାୟୀ, ଚିନ୍ତଲନାଡ ଜଙ୍ଗଲରେ ସିଆରପିଏଫ ଯବାନ କମ୍ଵିଂ ଅପରେସନ କରୁଥିବା ବେଳେ ୩ ଜଣ ମାଓବାଦୀ ଦୌଡ଼ି ପଳାଉଥିଲେ। ସେମାନଙ୍କୁ ପିଛା କରି ଯବାନମାନେ କାବୁ କରିବାରେ ସଫଳ ହୋଇଥିଲେ। ଉକ୍ତ ୩ ଜଣଙ୍କୁ ସୁକୁମା ଏସପି କିରଣ ଚୌହାନଙ୍କୁ ହସ୍ତାନ୍ତର କରାଯାଇଛି। 

DKMS ଅଧ୍ୟକ୍ଷ ମାଡକାମ ଭିମାଙ୍କ ମୁଣ୍ଡ ଉପରେ ପୂର୍ବରୁ ଛତିଶଗଡ ସରକାର ଦୁଇ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିବା ବେଳେ ମିଲିସିଆ କମାଣ୍ଡର ମାଡକାମ ଲକ୍ଷ୍ମା ଓ ହେମଲା ନନ୍ଦାଙ୍କ ମୁଣ୍ଡ ଉପରେ ଏକ ଏକ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିଲେ। ସାଧାରଣ ଆଦିବାସୀ ଲୋକଙ୍କୁ ହତ୍ୟା କରିବା ସହ ବିଭିନ୍ନ ହିଂସା କାଣ୍ଡରେ ଜଡିତ ଥିବା ଏହି ତିନି ଜଣ ମାଓବାଦୀଙ୍କୁ ଆଜି କୋର୍ଟ ଚାଲାଣ କରାଯିବ ବୋଲି ସୁକୁମା ଏସପି କହିଛନ୍ତି।

ଏହି ଖବରଟିକୁ ପଢନ୍ତୁ-ସର୍ଚ୍ଚ ଅପରେସନ ବେଳେ ୪ ବୋତଲ ବୋମା ଠାବ, ନିଷ୍କ୍ରିୟ କଲା ସୁରକ୍ଷାବାହିନୀ