ନୂଆଦିଲ୍ଲୀ,୦୧/୧୧: ୨ ନଭେମ୍ବର, ୨୦୨୫, ଭାରତୀୟ କ୍ରିକେଟରେ ସୃଷ୍ଟି କରିପାରେ ଏକ ନୂଆ ଅଧ୍ୟାୟ। ଏହି ଦିନ, ଭାରତ ଏବଂ ଦକ୍ଷିଣ ଆଫ୍ରିକା ୨୦୨୫ ମହିଳା ବିଶ୍ୱକପର ଫାଇନାଲରେ ମୁହାଁମୁହିଁ ହେବେ। କିଏ ଜିତିବ ତାହା ତ ପରକଥା, କିନ୍ତୁ ମହିଳା ଦିନିକିଆ କ୍ରିକେଟ ଏଥର ଏକ ନୂଆ ଚାମ୍ପିଅନ ପାଇବ, କାରଣ ଭାରତ କିମ୍ବା ଦକ୍ଷିଣ ଆଫ୍ରିକା କେବେ ବିଶ୍ୱକପ ଜିତି ନାହାଁନ୍ତି। ଉଭୟ ଦଳ ଜବରଦସ୍ତ ଫର୍ମରେ ଅଛନ୍ତି। ତେଣୁ, ଫାଇନାଲ ପୂର୍ବରୁ, ତିନୋଟି ତ୍ରୁଟି ବିଷୟରେ ଧ୍ୟାନ ଦେବାର ଆବଶ୍ୟକତା ରହିଛି। ଏଥିପ୍ରତି ଯଦି ଟିମ୍ ଇଣ୍ଡିଆ ବିଶେଷ ଗୁରୁତ୍ବ ଦିଏ, ତବେ ପ୍ରାୟତଃ ଭାରତ ପାଇଁ ଏହି ଟାଇଟଲ ଜିତିବା ନିଶ୍ଚିତ ହୋଇଯିବ।
ସେଫାଳି ବର୍ମାଙ୍କ ଉପରେ ନଜର:
ସେମିଫାଇନାଲ ମ୍ୟାଚ୍ ପୂର୍ବରୁ, ପ୍ରତୀକା ରାୱଲ ସ୍ମୃତି ମନ୍ଧାନାଙ୍କ ସହ ଇନିଂସ ଓପନ କରୁଥିଲେ। ଦୁର୍ଭାଗ୍ୟବଶତଃ, ପ୍ରତୀକା ଆଘାତ ଯୋଗୁଁ ଟୁର୍ଣ୍ଣାମେଣ୍ଟରୁ ବାଦ ପଡ଼ିଛନ୍ତି ଏବଂ ତାଙ୍କ ସ୍ଥାନରେ ଶଫାଲି ବର୍ମାଙ୍କୁ ଖେଳାଯାଇଛି। ବର୍ମା ତାଙ୍କ ବିସ୍ଫୋରକ ବ୍ୟାଟିଂ ପାଇଁ ଜଣାଶୁଣା, କିନ୍ତୁ ତାଙ୍କୁ ପ୍ରତୀକା ରାୱଲଙ୍କ ସ୍ଥାନ ପୂରଣ କରିବାକୁ ପଡ଼ିବ, ଯିଏକି ତାଙ୍କ ଆଘାତ ପୂର୍ବରୁ ଟୁର୍ଣ୍ଣାମେଣ୍ଟରେ ୫୧.୩୩ ହାରରେ ୩୦୮ ରନ କରିଥିଲେ। ଶଫାଲି ଏବଂ ସ୍ମୃତି ମନ୍ଧାନାଙ୍କ ମଧ୍ୟରେ ଏକ ଓପନିଂ ପାର୍ଟନରସିପ୍ ଭାରତୀୟ ଦଳକୁ ଏକ ବଡ଼ ସ୍କୋର ପାଇଁ ମୂଳଦୁଆ ପକାଇବାରେ ସାହାଯ୍ୟ କରିବ।
ଫିଲ୍ଡିଂ ଉପରେ ନଜର:
ଦ୍ୱିତୀୟ ସେମିଫାଇନାଲରେ, ଭାରତୀୟ ଦଳ ଅନେକ କ୍ୟାଚ୍ ଛାଡ଼ିଥିଲା, ଏବଂ ୱିକେଟକିପର ରିଚା ଘୋଷ ମଧ୍ୟ ଏକ ସହଜ ଷ୍ଟମ୍ପିଂ ହାତଛଡ଼ା କରିଥିଲେ। ଖରାପ ଫିଲ୍ଡିଂ ଯୋଗୁଁ ଭାରତୀୟ ଫିଲ୍ଡରମାନେ ଦୁଇଟି କ୍ୟାଚ୍ ଛାଡ଼ିଥିଲେ, ଗୋଟିଏ ଷ୍ଟମ୍ପିଂ ହାତଛଡ଼ା କରିଥିଲେ ଏବଂ ଓଭରଥ୍ରୋ ମାଧ୍ୟମରେ ଆଠ ରନ୍ ଦେଇଥିଲେ। ଫାଇନାଲରେ, ଭାରତୀୟ ଦଳକୁ ଦକ୍ଷିଣ ଆଫ୍ରିକା ବିପକ୍ଷରେ ତାର ଫିଲ୍ଡିଂରେ ଉନ୍ନତି ଆଣିବାକୁ ପଡ଼ିବ।
ଲୌରା ବୁଲ୍ବାର୍ଟଙ୍କୁ ଶୀଘ୍ର ଆଉଟ୍ କରିବା ଜରୁରୀ:
ଲୌରା ବୁଲ୍ବାର୍ଟ ହେଉଛନ୍ତି ଦକ୍ଷିଣ ଆଫ୍ରିକା ଦଳର ପ୍ରକୃତ ରନ୍ ମେସିନ୍। ଚଳିତ ବିଶ୍ୱକପ୍ରେ ସେ ଆଠଟି ମ୍ୟାଚ୍ରେ ୪୭୦ ରନ୍ କରିଛନ୍ତି, ଯାହା ଏପର୍ଯ୍ୟନ୍ତ ସର୍ବାଧିକ। ବୁଲ୍ବାର୍ଟ ଲିଗ୍ ପର୍ଯ୍ୟାୟ ମ୍ୟାଚ୍ରେ ଭାରତ ବିପକ୍ଷରେ ୭୦ ରନ୍ ମଧ୍ୟ କରିଥିଲେ। ସେ ଗତ ତିନୋଟି ଆଇସିସି ଟୁର୍ଣ୍ଣାମେଣ୍ଟରେ ଦକ୍ଷିଣ ଆଫ୍ରିକାର ପ୍ରମୁଖ ରନ୍ ସ୍କୋରର୍ ହୋଇଛନ୍ତି। ବୁଲ୍ବାର୍ଟଙ୍କୁ ଆଉଟ୍ କରିବା ଦ୍ୱାରା ଭାରତର ଫାଇନାଲ୍ ଜିତିବାର ସମ୍ଭାବନା ଦ୍ୱିଗୁଣିତ ହୋଇଯିବ।
