କଣ୍ଟାବାଞ୍ଜି,୩୦/୫ : ବେଆଇନ ଭାବେ ରାଜ୍ୟ ବାହାରକୁ ଗଞ୍ଜେଇ ଚାଲାଣ କରୁଥିବା ସନ୍ଦେହରେ ଆରପିଏଫ ଦ୍ୱାରା ଜଣେ ଅଟକ। ପରେ ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ଅବକାରୀ ପୋଲିସ ଖବର ଦେବାରୁ ଜଣକୁ ଗିରଫ କରାଯାଇଛି । ଗିରଫ ଜଣଙ୍କ ହେଲେ ମଧ୍ୟପ୍ରଦେଶର ବଚନ ଲାଲ । ବଚନ ଲାଲଠାରୁ ଅବକାରୀ ପୋଲିସ ୪କେଜି ୭୫୦ଗ୍ରାମ ଗଞ୍ଜେଇ ଜବତ କରିଛି।
ଗିରଫ ବଚନକୁ କୋର୍ଟ ଚାଲାଣ କରାଯାଇଥିବାବେଳେ ଜାମିନ ନାମଞ୍ଜୁର ହେବାରୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି। ସୂଚନା ଅନୁସାରେ କଣ୍ଟାବାଞ୍ଜି ରେଳ ଷ୍ଟେସନରୁ କଣ୍ଟାବାଞ୍ଜିରୁ ମଧ୍ୟପ୍ରଦେଶ ଗଞ୍ଜେଇ ନେଇକି ଯାଉଥିଲା ବଚନ। ଅବକାରୀ ପୋଲିସ ଖବରପାଇ ଆରପିଏଫ ସହଯୋଗରେ ବଚନ ଲାଲକୁ ଅଟକ ରଖି ଅଧିକ ତଦନ୍ତ ପରେ ତା’ ପାଖରୁ ଗଞ୍ଜେଇ ବାହାରିଥିଲା ।ଏହି ଜବତ ସମୟରେ ଅବକାରୀ ଅଧିକାରୀ ସଚିନ ବେହେରା, ପ୍ରବୀଣ କୁମାର ସାହୁ, ଅବକାରୀ କର୍ମଚାରୀଙ୍କ ସମେତ ଆରପିଏଫ କର୍ମଚାରୀ ସାମିଲ ଥିଲେ।
