ନୂଆଦିଲ୍ଲୀ,୨୭/୦୮: ଘର ଭିତରେ ପାର୍ଟି ଚାଲିଥିଲା । ସମସ୍ତେ ମଜାମସ୍ତି, ନାଚଗୀତ ହସଖୁସିରେ ମସଗୁଲ ଥିଲେ । ଏହି ସମୟରେ ଘଟିଲା ଅଘଟଣ । ମହାରାଷ୍ଟ୍ର ରାଜଧାନୀ ମୁମ୍ବାଇ ପୂର୍ବୀ ବିରାର ଅଞ୍ଚଳରେ ୪ ମହଳା ବିଲ୍ଡିଂ ଭୁଶୁଡ଼ିଛି । ଏଥିରେ ୩ ଜଣଙ୍କର ମୃତ୍ୟୁ ହୋଇଛି । ୨୦ରୁ ୨୫ ଜଣ ଫସି ରହିଥିବା ଆଶଙ୍କା କରାଯାଉଛି । ପ୍ରତ୍ୟକ୍ଷଦର୍ଶୀଙ୍କ ସୂଚନା ଅନୁସାରେ ପୂର୍ବ ବିରାରର ରମାବାଇ ଆପାର୍ଟମେଣ୍ଟ ଭୁଶୁଡ଼ି ପଡିଛି । ଘଟଣା ବାବଦରେ ଖବର ପାଇ ପୁଲିସ୍, ଉଦ୍ଧାରକାରୀ ଦଳ ଏନଡିଆରଏଫ ଓ ଅଗ୍ନିଶମବାହିନୀ ପହଞ୍ଚି ଉଦ୍ଧାରକାର୍ଯ୍ୟ ଜାରି ରଖିଛନ୍ତି ।
ସ୍ଥାନୀୟ ଲୋକଙ୍କ ସୂଚନା ଅନୁସାରେ ବିଳମ୍ବିତ ରାତିପ୍ରାୟ ୧ଟାରେ ରମାବାଇ ଆପାର୍ଟମେଣ୍ଟର ୪ ମହଲା ବିଲ୍ଡିଂ ଭୁଶୁଡି ପଡିଥିଲା । ଏବେ ବି ୨୦ରୁ ୨୫ ଜଣ ଫସିରହିଥିବା ଆଶଙ୍କା କରାଯାଉଛି । ଚତୁର୍ଥ ମହଳାରେ ଜନ୍ମଦିନ ପାର୍ଟି ଚାଲିଥିଲା । ସେବେ ଅଚାନକ ଆପାର୍ଟମେଣ୍ଟରେ ଗୋଟିଏ ଭାଗ ଭୁଶୁଡ଼ି ପଡିଥିଲା । ଉଦ୍ଧାରକାରୀ ଟମ୍ ୯ଜଣଙ୍କୁ ଉଦ୍ଧାର କରି ବିବିସିଏମସି ଡାକ୍ତରଖାନାରେ ଭର୍ତ୍ତି କରିଛନ୍ତି । ଏହି ବିଲ୍ଡିଂରେ ପ୍ରାୟ ୧୨ ପରିବାର ରହୁଥିଲେ । ପୁଲିସ୍ ଆପାର୍ଟମେଣ୍ଟ ସିଲ କରିଛି । ଲୋକଙ୍କୁ ଅନ୍ୟତ୍ର ସ୍ତାନାନ୍ତର କରାଯାଇଛି ।
ଅଧିକ ପଢନ୍ତୁ...ବୈଷ୍ଣୋଦେବୀରେ ଭୂସ୍ଖଳନ; ୩୧ ଛୁଇଁଲା ମୃତ୍ୟୁସଂଖ୍ୟା, ଉଦ୍ଧାର ଅଭିଯାନ ଜାରି
୧୦ ବର୍ଷ ପୂର୍ବେ ନିର୍ମିତ ହୋଇଥିଲା କୋଠା- ଏହି କୋଠା ୧୦ ବର୍ଷ ପୂର୍ବେ ନିର୍ମିତ ହୋଇଥିଲା । ନଗର ନିଗମ ଏହାକୁ ଅତି ବିପଦପୂର୍ଣ୍ଣ କୋଠା ଘୋଷଣା କରିଥିଲା । ରମାବାଇ ଆପାର୍ଟମେକୁ ଏବେ ଭାଙ୍ଗି ଦିଆଯାଇଛି । ବିଧାୟକ ସ୍ନେହା ପଣ୍ଡିତ ଦୁବେ ସୂଚନା ଦେଇ କହିଛନ୍ତି ଯେ, ବିରାର ନାରଙ୍ଗୀରେ ୧୦-୧୫ ବର୍ଷ ପୁରୁଣା କୋଠା ଭୁଶୁଡ଼ି ପଡ଼ିବା ଯୋଗୁଁ ଦୁର୍ଘଟଣା ଘଟିଛି । ଏପର୍ଯ୍ୟନ୍ତ ୯ ଜଣଙ୍କୁ ଉଦ୍ଧାର କରାଯାଇଛି । ପ୍ରାୟ ୨୦ରୁ ଅଧିକ ଲୋକ ଫସି ରହିଥିବା ଆଶଙ୍କା କରାଯାଉଛି । ଏନଡିଆରଏଫ ଦଳ, ପୁଲିସ ଟିମ୍ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି ।
