ଭୁବନେଶ୍ଵର, ୦୮/୦୩ : ଖେଳୁ ଖେଳୁ ଷ୍ଟିଲ୍ ଗରାରେ ମୁଣ୍ଡ ପୁରାଇଦେଲା ଶିଶୁ। ବହୁ ଚେଷ୍ଟା ପରେବି ମୁଣ୍ଡରୁ ବାହାରିଲାନି ଗରା। ଶେଷରେ କଟର ଏବଂ କଇଁଚି ସାହାଯ୍ୟରେ ଗରାକୁ କାଟି ବାହାର କଲେ ଡାକ୍ତର। ବଣାଇ ଥାନା ଅନ୍ତର୍ଗତ ଜାଙ୍ଗଳା ଗ୍ରାମରେ ଏଭଳି ଘଟଣା ଘଟିଛି। ବର୍ତ୍ତମାନ ଶିଶୁଟି ସୁସ୍ଥ ଥିବା ଜଣାପଡ଼ିଛି।
ସୂଚନାନୁଯାୟୀ, ବଣାଇ ଥାନା ଅନ୍ତର୍ଗତ ଜାଙ୍ଗଳା ଗ୍ରାମର ବାବୁଲି ମୁଣ୍ଡା ଓ ସାବିନା ମୁଣ୍ଡାଙ୍କର ୪ବର୍ଷର ପୁଅ ଘରେ ଖେଳୁଥିବା ବେଳେ ଏକ ଷ୍ଟିଲ ଗରା ମୁଣ୍ଡରେ ପୁରାଇ ଦେଇଥିଲେ। ଗରାଟି ମୁଣ୍ଡରୁ ଆଉ ବାହାରି ନଥିଲା। ଘରଲୋକ ବହୁ ଚେଷ୍ଟା କରି ବିଫଳ ହୋଇଥିଲେ। ଏହାପରେ ବଣାଇ ଉପଖଣ୍ଡ ଚିକିତ୍ସାଳୟକୁ ନେଇଥିଲେ। ସେଠାରେ ମଧ୍ୟ ମେଡିକାଲ କର୍ମଚାରୀମାନେ ଚେଷ୍ଟା କରି ବିଫଳ ହୋଇଥିଲେ। ଶେଷରେ ଡ୍ୟୁଟିରେ ଥିବା ଡାକ୍ତର ପ୍ରଭାତ ରଞ୍ଜନ ସିଂ ଏବଂ ବୀରେନ୍ଦ୍ର ନାଏକ ଗରାଟିକୁ ଏକ କଟର ଏବଂ କଇଁଚି ସାହାଯ୍ୟରେ କାଟି ଶିଶୁଟିକୁ ଉଦ୍ଧାର କରିଥିଲେ। ବର୍ତ୍ତମାନ ଶିଶୁଟି ସୁସ୍ଥ ଥିବା ଜଣାପଡ଼ିଛି।
ଏହି ଖବରଟିକୁ ପଢନ୍ତୁ-ଟ୍ରେନ୍ ଆଗକୁ ଡେଇଁ ଯୁବକଙ୍କ ଆତ୍ମହତ୍ୟା, କାରଣ ଅସ୍ପଷ୍ଟ
