୪୦ ଡିଗ୍ରୀ ଉପରେ ୨୨ ସହର , ବଲାଙ୍ଗୀର ଉତ୍ତପ୍ତ ସହର
ଭୁବନେଶ୍ବର, ୨୩।୫ ଜଳୁଛି ଓଡ଼ିଶା। ପଶ୍ଚିମ ଓଡିଶାରୁ ଆଭ୍ୟନ୍ତରୀଣ ଓଡିଶା ପର୍ଯ୍ୟନ୍ତ ତାତିରୁ ନିସ୍ତାର ନାହିଁ। ଡହ ଡହ ଖରାରେ ସନ୍ତୁଳି ହେଉଛନ୍ତି ।ତାତି ସହ ଝାଞ୍ଜି ପବନ ସାଙ୍ଗକୁ ଗୁଳୁଗୁଳି ଜନଜୀବନ ଅସ୍ତବ୍ୟସ୍ତ କରି ପକାଉଛି। ସକାଳ ୯ଟାରୁ ପଦାକୁ ବାହାରିବା ମୁସ୍କିଲ ହୋଇପଡୁଛି। ସତେ ଯେମିତି ଆକାଶରୁ ଅଗ୍ନିବର୍ଷା ହେଉଛି। ସେପଟରେ ଦାଉ ସାଜୁଛି ଗରମ ଝାଞ୍ଜି ପବନ ।
ମଙ୍ଗଳବାର ରାଜ୍ୟରେ ୨୨ଟି ସହରର ତାପମାତ୍ରା ୪୦ ଡିଗ୍ରୀ ଉପରେ ରହିଥିଲା। ଏପରିକି ୮ଟି ସହରର ତାପମାତ୍ରା ୪୨ ଡିଗ୍ରୀ ଉପରେ ରହିଥିଲା। ଟ୍ବିନସିଟି କଟକ- ଭୁବନେଶ୍ବର ତାପମାତ୍ରା ୪୧ ଡିଗ୍ରୀ ଉପରେ ରହିଥିଲା। ତେବେ ବଲାଙ୍ଗୀର ଥିଲା ସବଠୁ ଉତ୍ତପ୍ତ ସହର। ବଲାଙ୍ଗୀରରେ ତାପମାତ୍ରା ୪୩.୩ ଡିଗ୍ରୀ ରହିଥିଲା। ଏହା ପଛକୁ ଉତ୍ତପ୍ତ ସହର ଭାବେ ସମ୍ବଲପୁର ରହିଥିଲା। ସମ୍ବଲପୁରରେ ତାପମାତ୍ରା ୪୨.୯ ଡିଗ୍ରୀ ରହିଥିଲା। ସେହିପରି ଝାରସୁଗୁଡାରେ ୪୨.୮ ଡିଗ୍ରୀ, ସୋନପୁର ୪୨.୬, , ବରଗଡ ୪୨.୪, ହୀରାକୁଦ ୪୨.୧, ବାରିପଦା ୪୨, ସୁନ୍ଦରଗଡ ୪୧.୮, ତାଳଚେର ୪୧.୮ ଅନୁଗୁଳ ୪୧.୭, ରାଉରକେଲା ୪୧.୬, ଖୋର୍ଦ୍ଧା ୪୧.୫, ଢେଙ୍କାନାଳ ୪୧.୪, ବୌଦ୍ଧ ୪୧, ଚାନ୍ଦବାଲି ୪୦.୭, କେନ୍ଦ୍ରାପଡା ୪୦.୬ ଯାଜପୁର ୪୦.୫, ଜଗତସିଂହପୁର, ୪୦.୪, ଟିଟିଲାଗଡ ଓ ନୂଆପଡାରେ ୪୦ ଡିଗ୍ରୀ ତାପମାତ୍ରା ରହିଥିଲା।
ଟ୍ବିନସିଟିବାସୀକୁ ମଧ୍ୟ ତାତିରୁ ନିସ୍ତାର ମିଳୁନି। ଟ୍ବିନସିଟିରେ ତାପମାତ୍ରା ୪୧ ଡିଗ୍ରୀ ଉପରେ ରହିଛି। ଭୁବନେଶ୍ବରରେ ଅଧିକ ତାପମାତ୍ରା ରହିଥିଲା। ଭୁବନେଶ୍ବରରେ ୪୨.୬ ଡିଗ୍ରୀ ପାରଦ ଛୁଇଁଥିଲା। ସେହିପରି କଟକରେ ତାତି ୪୧ ଡିଗ୍ରୀ ରହିଥିଲା।
