PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ : ଶ୍ରୀଗୁଣ୍ଡିଚା ମନ୍ଦିର ଆଗରେ ଲାଗିଲା ତିନି ରଥ
  • ||
  • ଜଳେଶ୍ବର : ରଥଟଣାବେଳେ ଲାଗିଲା ବିଦ୍ୟୁତ ତାର, ଜଣେ ମୃତ ଓ ୭ ଗୁରୁତର
  • ||
  • ସମ୍ବଲପୁର : ପାରିବାରିକ କଳହର କରୁଣ ପରିଣତି, ସ୍ତ୍ରୀକୁ ପିଟିପିଟି ହତ୍ୟା କଲା ପିଶାଚ ସ୍ଵାମୀ
  • ||
  • ଭୁବନେଶ୍ଵର : ନିଅଣ୍ଟିଆ ଜୁନ, ଆସୁଛି ଦୁଇଟି ଲଘୁଚାପ, ୪ରୁ ବଢ଼ିବ ବର୍ଷା
  • ||
  • ପୁରୀ : ସୁଦର୍ଶନଙ୍କ ବାଲୁକାକଳା ରେକର୍ଡ, ପୁରୀ ବେଳାଭୂମିରେ ତିଆରି କଲେ ୧୨୫ ବାଲି ରଥ
  • ||
  • ଭୁବନେଶ୍ୱର : ରାଜ୍ୟରେ ଦ୍ରୁତ ଗତିରେ ବଢ଼ିଲା କରୋନା, ୨୦୦ ଟପିଲା ଦୈନିକ ସଂକ୍ରମଣ
  • ||
  • ଭୁବନେଶ୍ଵର : ଅଧାରେ ରହିଗଲା ପୁରୀ ଯାତ୍ରା, ରଥଯାତ୍ରାରେ ଆରପାରିକୁ ଚାଲିଗଲେ ବରିଷ୍ଠ ଫଟୋଗ୍ରାଫର ଅଶୋକ ପଣ୍ଡା
  • ||
  • ଭୁବନେଶ୍ଵର : ପବିତ୍ର ରଥଯାତ୍ରା ଅବସରରେ ଓଡ଼ିଶାବାସୀଙ୍କୁ ଶୁଭେଚ୍ଛା ଜଣାଇଲେ ରାଜ୍ୟପାଳ ଓ ମୁଖ୍ୟମନ୍ତ୍ରୀ
  • ||

ବିହାରରେ ସୀମାଞ୍ଚଳ ଏକ୍ସପ୍ରେସ୍ ଦୁର୍ଘଟଣାଗ୍ରସ୍ତ: ୭ ମୃତ, ୨୦ରୁ ଅଧିକ ଆହତ

source:www.jagran.com

ପାଟଣା ୩/୨: ବିହାରର ବୈଶାଳୀ ଜିଲ୍ଲାରେ ଆଜି(ରବିବାର) ଟ୍ରେନ୍ ଦୁର୍ଘଟଣା ଘଟି ୭ ଜଣଙ୍କ ମୃତ୍ୟୁ ହୋଇଥିବାବେଳେ ୨୦ରୁ ଅଧିକ ଆହତ ହୋଇଛନ୍ତି । ଜୋଗବନିରୁ ଦିଲ୍ଲୀର ଆନନ୍ଦ ବିହାର ଯାତ୍ରା କରୁଥିବା ସିମାଞ୍ଚଳ ଏକ୍ସପ୍ରେସ୍ ସହଦେଇ ବୁଜୁର୍ଗ ପାଖରେ ଦୁର୍ଘଟଣାଗ୍ରସ୍ତ ହୋଇଥିଲା  । ଟ୍ରେନଟି ଲାଇନଚ୍ୟୁତ ହୋଇଯିବା ଫଳରେ ଏହି ଦୁର୍ଘଟଣା ଘଟିଥିଲା । ଏହି ଦୁର୍ଘଟଣାରେ ଏପର୍ଯ୍ୟନ୍ତ ୮ ଜଣଙ୍କ ମୃତ୍ୟୁ ହୋଇସାରିଲାଣି ତେବେ ରେଳ ପ୍ରଶାସନ ତରଫରୁ ୭ ଜଣଙ୍କ ମୃତ୍ୟୁର ସୂଚନା ପ୍ରଦାନ କରାଯାଇଛି । ଟ୍ରେନରେ କୁମ୍ଭ ପାଇଁ ଯାଉଥିବା ଯାତ୍ରୀଙ୍କ ସଂଖ୍ୟା ଅଧିକ ଥିଲା ।

ଦୁର୍ଘଟଣା ପରେ ରେଳ ମନ୍ତ୍ରୀ ପିୟୁଷ ଗୋୟଲ ମୃତ ଯାତ୍ରୀଙ୍କ ପ୍ରତି ସମବେଦନା ପ୍ରକାଶ କରିବା ସହ ଆହତ ଯାତ୍ରୀଙ୍କ ଆରୋଗ୍ୟ କାମନା କରିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଘଟଣାକୁ ନେଇ ଦୁଃଖ ପ୍ରକାଶ କରିଛନ୍ତି ।

ଏହି ଦୁର୍ଘଟଣାଟି ସକାଳ ୩.୫୮ ମିନିଟରେ ହୋଇଛି । ରେଲୱେର ସୂଚନା ଅନୁସାରେ ଟ୍ରେନଟି ଲାଇନଚ୍ୟୁତ ହୋଇଯିବା ଫଳରେ ଏହି ଦୁର୍ଘଟଣା ଘଟିଛି । ଟ୍ରେନର ୧୧ଟି ବଗି ଲାଇନଚ୍ୟୁତ ହୋଇଥିବା ଖବର ଆସୁଛି । ଏଥିରେ ୩ ସ୍ଲିପର(ଏସ-୮, ଏସ୍-୯ ଓ ଏସ୍-୧୦) ଏବଂ ଏକ ଜେନେରାଲ କୋଚ୍ (ବି-୩) ମଧ୍ୟ ସାମିଲ ଅଛି । ଘଟଣାରେ ଏକ ଡବା ସମ୍ପୂର୍ଣ୍ଣ ଓଲଟି ପଡିଛି ।

ଏହି ଦୁର୍ଘଟଣା ପରେ ବୁଜୁର୍ଗ ଷ୍ଟେସନରେ ଏନଡିଆରଏଫ୍ ଟିମ୍ ପହଞ୍ଚି ଉଦ୍ଧାର କାର୍ଯ୍ୟ ଜାରିରଖିଥିଲେ । ଡବାକୁ କାଟି ଯାତ୍ରୀଙ୍କୁ ଉଦ୍ଧାର କରାଯାଇଥିଲା । ରେଳ ମନ୍ତ୍ରାଳୟ ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ସହାୟତା ରାଶି ଘୋଷଣା କରିଛନ୍ତି । ଗୁରୁତରମାନଙ୍କୁ ୫୦ ହଜାର ଟଙ୍କାର ସମବେଦନା ରାଶି ଘୋଷଣା ହୋଇଛି ।

ସମ୍ବନ୍ଧିତ ଖବର