ନୀଳଗିରି ୨୬/୦୧: ସାରା ଦେଶ ପାଳୁଛି ୭୬ ତମ ସାଧାରଣତନ୍ତ୍ର ଦିବସ। ବାଲେଶ୍ଵର ଜିଲ୍ଲା ନୀଳଗିରି ଉପଖଣ୍ଡ ସ୍ତରୀୟ ସଧାରଣତନ୍ତ୍ର ଦିବସ ଆଜି ମହାସମାରୋହରେ ପାଳନ ହୋଇଛି।ଭୋର ରାମଧୁନ ଓ ସଂକୀର୍ତ୍ତନ ଦଳ ଦ୍ୱାରା ସହର ପରିକ୍ରମା କରିବା ପରେ ୬.୩୦ ମିନିଟ ସମୟରେ ପ୍ରଭାତଫେରୀ ହୋଇଥିଲା।ଏହାପରେ ଷ୍ଟାଡିଅମ ପରିସରରେ ମୁଖ୍ୟ ଅତିଥୀ ଭାବେ ନୀଳଗିରି ଉପଜିଲ୍ଲାପାଳ ଶୁଭଶ୍ରୀ ରଥ ଯୋଗଦେଇ ଜାତୀୟ ପତାକା ଉତ୍ତୋଳନ କରି ଅଞ୍ଚଳବାସୀଙ୍କୁ ଉଦବୋଧନ ଦେଇଥିଲେ।
ଏହାପରେ ବିଦ୍ୟାଳୟ ଓ ମହାବିଦ୍ୟାଳୟ ସ୍ତରୀୟ ଛାତ୍ରଛାତ୍ରୀ ମାନେ ପ୍ୟାରେଡ଼ ପ୍ରଦର୍ଶନ କରିବା ପରେ କୁନିକୁନି ପିଲା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। ବିଭିନ୍ନ ସ୍ତରରେ ପ୍ରତିଭା ଓ କୃତି ଛାତ୍ରଛାତ୍ରୀଙ୍କୁ ମୁଖ୍ୟଅତିଥି ପୁରସ୍କୃତ କରିଥିଲେ। ଏହାପରେ ଉପଖଣ୍ଡ ହସ୍ପିଟାଲ ଓ ଉପକାରାଗାରରେ ଆନ୍ତେବାସୀଙ୍କୁ ମିଷ୍ଟାନ୍ନ ବଣ୍ଟନ କରାଯାଇଥିଲା।
