୮ ଲକ୍ଷ ସବସ୍କ୍ରାଇବର୍ସ ଥିଲେ, ୟୁଟ୍ୟୁବ୍ ଚ୍ୟାନେଲ୍ ଫ୍ଲପ୍ ହେବା ପରେ ଆରମ୍ଭ କଲେ ଚୋରି

ନୂଆଦିଲ୍ଲୀ ୨୪/୩: ଉତ୍ତର ପ୍ରଦେଶର ଗୋରଖପୁର ପୋଲିସ ‘ଭୋଜପୁରୀ ଡିସ୍କୋ’ ୟୁଟ୍ୟୁବ୍ ଚ୍ୟାନେଲ୍ ଚଳାଉଥିବା କିଛି ଲୋକଙ୍କୁ ଗିରଫ କରିଛି । ଏହି ଲୋମାନେ ଲୁଟପାଟ୍ କରୁଥିବା ଅଭିଯୋଗ ଲାଗିଛି । ପୋଲିସ ଲୁଟ୍ ସମୟରେ ବ୍ୟବହାର ହୋଇଥିବା ବାଇକ୍, ୩୨ ବୋରର ଏକ ରିଭଲବର୍ ଏବଂ ଖାଲି କାରତୁସ୍ ଜବତ କରିଛି । ତେବେ ଏହାର ମାଷ୍ଟରମାଇଣ୍ଡକୁ ଏପର୍ଯ୍ୟନ୍ତ ଗିରଫ କରିପାରିନି ପୋଲିସ ।

‘ଭୋଜପୁରୀ ଡିସ୍କୋ’ ନାଁରେ ୟୁଟ୍ୟୁବ୍ ଚ୍ୟାନେଲ୍ ଚଲାଉଥିବା କିଛି ଯୁବକ ଲୁଟପାଟରେ ସାମିଲ ହୋଇଥିବା ଜଣାପଡିଛି । ଏହି ଲୋକମାନେ ଭୋଜପୁରୀ ଗୀତରେ ଡ୍ୟାନ୍ସ କରୁଥିଲେ । ପରେ ତାକୁ ୟୁଟ୍ୟୁବରେ ଅପଲୋଡ୍ କରିଦେଉଥିଲେ । ଏମିତି କରି ସେମାନଙ୍କ ଚ୍ୟାନେଲରେ ପ୍ରାୟ ୮ ଲକ୍ଷ ଫଲୋଅର୍ସ ହୋଇଯାଇଥିଲେ । ଚ୍ୟାନେଲ୍ ମନିଟାଇଜ୍ ହେବା ପରେ ଏଥିରେ ପଇସା ମଧ୍ୟ ଆସିବାକୁ ଲାଗିଲା । ଏହା ପରେ ସେମାନେ ଧିରେ ଧିରେ ବହୁତ ଉପରକୁ ଉଠି ଯାଇଥିଲେ । କିନ୍ତୁ ସେମାନେ ୟୁଟ୍ୟୁବରର ଟର୍ମ ଆଣ୍ଡ କଣ୍ଡିସନ ଅନୁସାରେ ଯୋଗ୍ୟ ବିବେଚିତ ହୋଇପାରିନଥିଲେ । ୟୁଟ୍ୟୁବ୍ ପଲିସି ଅନୁସାରେ ଏମାନଙ୍କ ଚ୍ୟାନେଲରେ କେବଳ ଡ୍ୟାନ୍ସ ହେଉଥିଲା । ବାକି କଣ୍ଟେଣ୍ଟ ଅନ୍ୟମାନଙ୍କର ଥିଲା । ତେଣୁ କର୍ପୋରେଟ୍ ପଲିସିର ଶିକାର ହେବା ପରେ ତାଙ୍କ ଆୟ ବନ୍ଦ ହୋଇଯାଇଥିଲା ।

ଲୁଟରେ ସାମିଲ ୫ ସଦସ୍ୟ ଦେବରିୟା ଜିଲ୍ଲାର ବାସିନ୍ଦା । ୟୁଟ୍ୟୁବରେ କମ୍ ଇନକମ୍ ହେବା ଯୋଗୁଁ ସେମାନେ ନିଜ ପ୍ରଡକ୍ସନ ହାଉସ୍ ଖୋଲିବା ପାଇଁ ଚିନ୍ତା କଲେ । କିନ୍ତୁ ପଇସା ଅଭାବରୁ ସେମାନେ ଏହି ରାସ୍ତା ଆପଣାଇଲେ । ନିକଟରେ ୨୧ ମାର୍ଚ୍ଚରେ ସେମାନେ ଜଣେ କ୍ୟାମେରାମ୍ୟାନଙ୍କଠୁ ଲୁଟିଥିଲେ । ସେମାନେ ସୁଟିଂ ପାଇଁ ବାରଣାସୀର କ୍ୟାମେରାମ୍ୟାନ୍ ବୁକ୍ କରିଥିଲେ । କିନ୍ତୁ କ୍ୟାମେରାମ୍ୟାନ୍ ପହଞ୍ଚିବା ପରେ ତାକୁ ଡରାଇ ଧମକାଇ ତାଠୁ ୬-୭ ଲକ୍ଷ ଟଙ୍କା ଦାମର କ୍ୟାମେରା ଏବଂ ଲେନ୍ସ ଲୁଟି ନେଇଥିଲେ ।  ଘଟଣାରେ ପୋଲିସ କହିଛି କି ସେ ଏଭଳି ଅନେକ କାରନାମା କରିଥିବା ଅଭିଯୋଗ ରହିଛି । ୫ ଜଣଙ୍କୁ ଗିରଫ କରାଯାଇଛି ଏବଂ ଏହାର ମାଷ୍ଟରମାଇଣ୍ଡର ସନ୍ଧାନ କରାଯାଉଛି ।