ନୂଆଦିଲ୍ଲୀ, ୨୬।: ମହିଳାଙ୍କ ପାଇଁ ପଜିଟିଭ୍ ଟେଷ୍ଟ ଖୁସି ଖବର ହୋଇଥିବା ବେଳେ ପୁରୁଷମାନଙ୍କ ପାଇଁ ଏହା ଘାତକ ହୋଇପାରେ । କିଛି ବର୍ଷ ପୂର୍ବରୁ ଏକ ମାମଲା ସାମ୍ନାକୁ ଆସିଥିଲା । ଯେଉଁଥିରେ ଜଣେ ପୁରୁଷ ଥଟ୍ଟାମଜାରେ ପ୍ରେଗ୍ନେନ୍ସି ଟେଷ୍ଟ କରିଥିଲେ ଏବଂ ଏହା ପଜିଟିଭ୍ ଆସିଥିଲା । ଏହା ଦେଖି ସେ ଆଶ୍ଚର୍ଯ୍ୟ ହୋଇଯାଇଥିଲେ । କିଛି ଦିନ ପରେ, ଜଣାପଡ଼ିଲା ଯେ, ତାଙ୍କ ଟେଷ୍ଟିକ୍ୟୁଲାର ବା ଅଣ୍ଡକୋଷରେ କ୍ୟାନ୍ସର ହୋଇଛି । କିନ୍ତୁ ଏଠି ପ୍ରଶ୍ନ ଉଠୁଛି ଯେ, ପ୍ରେଗ୍ନେନ୍ସି ଟେଷ୍ଟ କିପରି କ୍ୟାନ୍ସରର ଖୁଲାସା କଲା ?
ଯେତେବେଳେ ଜଣେ ମହିଳାଙ୍କଠାରେ hCG ହରମୋନର ସ୍ତର ବୃଦ୍ଧି ପାଏ, ସେତେବେଳେ ପ୍ରେଗ୍ନେନ୍ସି ଟେଷ୍ଟ ପଜିଟିଭ୍ ଆସିଥାଏ । hCG ହେଉଛି ହ୍ୟୁମାନ୍ କୋରିଓନିକ ଗୋନାଡୋଟ୍ରୋପିନ, ଯାହାକୁ ସାଧାରଣତଃ ପ୍ରେଗ୍ନେନ୍ସି ହରମୋନ କୁହାଯାଏ । ଏହି ହରମୋନ ଜଣେ ମହିଳାଙ୍କ ଶରୀରରେ ସେତେବେଳେ ବିକଶିତ ହୁଏ ଯେତେବେଳେ ତାଙ୍କର ମାସିକ ଋତୁସ୍ରାବ ବନ୍ଦ ହୋଇଯାଏ । ପଜିଟିଭ୍ ପରୀକ୍ଷା କରୁଥିବା ପୁରୁଷମାନଙ୍କ ଶରୀରରେ ମଧ୍ୟ ଏହି ହରମୋନ ବିକଶିତ ହୁଏ । ପୁରୁଷମାନଙ୍କ ମଧ୍ୟରେ hCG ସ୍ତର ବୃଦ୍ଧି ହେବା ଟେଷ୍ଟିକୁଲାର କ୍ୟାନସର ରୋଗର ଏକ ଲକ୍ଷଣ । ତେବେ ଏନେଇ କୌଣସି ଠୋସ୍ ପ୍ରମାଣ ନାହିଁ । ଏଭଳି ଲକ୍ଷଣ ଦେଖାଗଲେ ଏହା ପ୍ରତ୍ୟେକ ପୁରୁଷଙ୍କ ମାମଲାରେ ସମାନ ନୁହେଁ । PSRI ହସ୍ପିଟାଲର ବରିଷ୍ଠ ପରାମର୍ଶଦାତା ଅଙ୍କୋଲୋଜିଷ୍ଟ ଡାକ୍ତର ଅମିତ ଉପାଧ୍ୟାୟ କହିଛନ୍ତି ଯେ, ଯଦି ଜଣେ ପୁରୁଷଙ୍କ ରିପୋର୍ଟ ପଜିଟିଭ୍ ଆସେ, ତେବେ ତାଙ୍କୁ ନିଶ୍ଚିତ ଭାବରେ ଟେଷ୍ଟିକୁଲାର କ୍ୟାନସର ପାଇଁ ପରୀକ୍ଷା କରାଇବା ଉଚିତ୍ ।
ଟେଷ୍ଟିକୁଲାର କର୍କଟ କ’ଣ ଏବଂ ଏହାର ଲକ୍ଷଣ କ’ଣ ? ଆସନ୍ତୁ ଜାଣିବା । ପୁରୁଷମାନଙ୍କ ମଧ୍ୟରେ ଟେଷ୍ଟିକୁଲାର କର୍କଟ ହୁଏ । ଯାହା ପୁରୁଷଙ୍କ ଅଣ୍ଡକୋଶରେ ହୁଏ । ଏହା କାମ କାର୍ଯ୍ୟ ହେଉଛି ସ୍ପର୍ମ ଏବଂ ପ୍ରଜନନ ହରମୋନ ରିଲିଜ୍ କରିବା । ଏହା ଏକ ବିରଳ ପ୍ରକାରର କର୍କଟ ରୋଗ ଯାହା ୧୫ରୁ ୩୫ ବର୍ଷ ବୟସର ପୁରୁଷଙ୍କଠାରେ ଦେଖାଯାଏ । ପ୍ରାରମ୍ଭିକ ସ୍ତରରେ ଚିକିତ୍ସା କରାଗଲେ, ଏହି କର୍କଟ ରୋଗ ସମ୍ପୂର୍ଣ୍ଣ ସୁସ୍ଥ ହେବାର ୯୦% ସମ୍ଭାବନା ଥାଏ । ଏବେ ଆସନ୍ତୁ ଜାଣିବା ଟେଷ୍ଟିକୁଲାର କ୍ୟାନସର ରୋଗର ପ୍ରାରମ୍ଭିକ ଲକ୍ଷଣ ବିଷୟରେ । ଅଣ୍ଡକୋଷ ଚାରିପାଖରେ ଭାରୀ ଅନୁଭବ ହେବା, ଯନ୍ତ୍ରଣା ଅନୁଭବ ହେବ, ଅଣ୍ଡକୋଷର ଆକାରରେ ପରିବର୍ତ୍ତନ ଦେଖାଦେବା, ପିଠି, ପେଟ ଏବଂ ଅଣ୍ଟାରେ ଯନ୍ତ୍ରଣା ଆଦି । ଅଣ୍ଡକୋଷ କର୍କଟ ରୋଗର ଏକାଧିକ କାରଣ ରହିଛି । ରାସାୟନିକ ଉତ୍ପାଦଗୁଡ଼ିକର ସଂସ୍ପର୍ଶରେ ଆସିବା, ବଂଶଗତ କର୍କଟ ରୋଗ, ବନ୍ଧ୍ୟାତ୍ୱ, ଅତ୍ୟାଧିକ ତମାଖୁ ସେବନ, HIVରେ ସଂକ୍ରମିତ ହେବା, ଡାଉନ୍ ସିଣ୍ଡ୍ରୋମ୍ ଆଦି ଟେଷ୍ଟିକୁଲାର କ୍ୟାନସରର କାରଣ ହୋଇପାରେ ।
