ଭୁବନେଶ୍ୱର: ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ଶ୍ରୀ ନବୀନ ପଟ୍ଟନାୟକ ଆଜି ନୂଆଦିଲ୍ଲୀସ୍ଥିତ ବିକାନେର ହାଉସ୍ରେ ଆୟୋଜିତ “ହାର୍ଟ ବିଟ୍ସ” ବନ୍ୟଜନ୍ତୁ ସଂରକ୍ଷଣ ପ୍ରଦର୍ଶନୀ ପରିଦର୍ଶନ କରିଛନ୍ତି। ଏସୀୟ ବନ୍ୟପ୍ରାଣୀ ଟ୍ରଷ୍ଟ ଏବଂ ଏସିଆନ୍ ହାର୍ଟ ଇନଷ୍ଟିଚ୍ୟୁଟର ପ୍ରତିଷ୍ଠାତା ତଥା ପଦ୍ମଭୂଷଣ ସମ୍ମାନିତ ଡକ୍ଟର ରାମକାନ୍ତ ପଣ୍ଡା, ଏହି ପ୍ରଦର୍ଶନୀର ଆୟୋଜନ କରିଥିଲେ। ଏହି ଚାରିଟି ପ୍ରଦର୍ଶନୀ "ବନ୍ୟପ୍ରାଣୀ: ଆମର ସହଭାଗୀ ଭବିଷ୍ୟତ" ଥିମ୍ ଅଧୀନରେ ଆୟୋଜିତ ହୋଇଥିଲା।
ଏହି ପ୍ରଦର୍ଶନୀରେ ବନ୍ୟଜନ୍ତୁ ସଂରକ୍ଷଣର କାହାଣୀ, ଫଟୋଗ୍ରାଫ୍ ଏବଂ ପ୍ରକୃତି ସୁରକ୍ଷା ଓ ବିଭିନ୍ନ ପଦକ୍ଷେପ ସ୍ଥାନ ପାଇଥିଲା। ଆକର୍ଷଣୀୟ ପ୍ରଦର୍ଶନୀ ଏବଂ ବାସ୍ତବ ଜୀବନର ପ୍ରଭାବଶାଳୀ କାହାଣୀ ମାଧ୍ୟମରେ ଏହି ଇଭେଣ୍ଟ ବନ୍ୟଜନ୍ତୁ ସୁରକ୍ଷା, ବାସସ୍ଥାନ ପୁନରୁଦ୍ଧାର, ରେସ୍କ୍ୟୁ ଓ ପଶୁ ସ୍ୱାସ୍ଥ୍ୟ ଏବଂ ଆଦିବାସୀ ସମୁଦାୟଙ୍କୁ ସ୍ଥାୟୀ ଜୀବିକା ମାଧ୍ୟମରେ ସଶକ୍ତିକରଣ ପାଇଁ ଉଦ୍ୟମଗୁଡ଼ିକୁ ଉପରେ ମଧ୍ୟ ଆଲୋକପାତ କରିଥିଲା।
