ଜଗତସିଂହପୁର ୦୧/୧୨: ଜଗତସିଂହପୁର ଜିଲ୍ଲା ପଲ୍ଲୀ ଛକ ନିକଟରେ ଦୁର୍ଘଟଣା । ଜଣେ ମାଛ ବ୍ୟବସାୟୀଙ୍କୁ ଚାପିଦେଲା ହାଇୱା । ଫଳରେ ଘଟଣା ସ୍ଥଳରେ ବ୍ୟବସାୟୀଙ୍କ ମୃତ୍ୟୁ ଘଟିଛି। ମୃତ ମାଛ ବ୍ୟବସାୟୀ ସ୍ଥାନୀୟ କାଂଶ ଗାଁର ରତ୍ନାକର ବେହେରା ବୋଲି ଜଣାପଡିଛି।
ରତ୍ନାକର ଆଜି ସକାଳୁ ଏକ ଲୁନାରେ ମାଛ ନେଇ ବ୍ୟବସାୟ କରିବାକୁ ଯାଉଥିବା ବେଳେ ପଲ୍ଲୀ ଛକ ନିକଟରେ ଏକ ବାଲି ବୋଝେଇ ହାଇୱା ତାଙ୍କ ଉପରେ ମାଡି ଚାଲି ଯିବା ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଛି। ମୃତ ଦେହ ପ୍ରାୟ ଦୁଇ ଘଣ୍ଟା କାଳ ସେହିପରି ରାସ୍ତା ଉପରେ ପଡ଼ିଥିଲେ ମଧ୍ୟ ପୋଲିସ ପହଞ୍ଚି ନଥିବାରୁ ଘଟଣା ସ୍ଥଳରେ ଉତେଜନା ପ୍ରକାଶ ପାଇଥିଲା । ଦୁଇ ଘଣ୍ଟା ପରେ ପୋଲିସ ଦୁର୍ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ଦୁର୍ଘଟଣା ଘଟାଇବା ପରେ ହାଇୱା ଟି ଫେରାର ହୋଇ ଯାଇଛି ।
