ବାସୁଦେବପୁର,୨୯/୦୪: ବାସୁଦେବପୁର ବ୍ଲକ ଜଗନ୍ନାଥପୁର ଗ୍ରାମର ଜଣେ ଯୁବକଙ୍କୁ କାମୁଡ଼ିଲା ନାଗସାପ । ବସ୍ତାରେ ସାପକୁ ଧରି ପହଞ୍ଚିଲେ ଡ଼ାକ୍ତରାଖାନାରେ। ତେବେ ଆହତ ଯୁବକ ହେଲେ ଭାସ୍କର ସେନାପତି ବୋଲି ଜଣାପଡିଛି।
ସୂଚନା ମୁତାବକ, ଗତକାଲି ବର୍ଷା ହେବାରୁ ଘର ପାଖ ଦେଇ ଯାଉଥିବା ଏକ ନାଗସାପ ଜାଲରେ ଛନ୍ଦି ହୋଇଯାଇଥିଲା। ସାପଟି ଜାଲରେ ଗୋଡ଼ାଇ ହୋଇଯାଇଥିବା ଦେଖି ଭାସ୍କର ଏକ ଛୁରୀ ସାହାଯ୍ୟରେ ସାପକୁ ଗାମୁଛାରେ ଧରି ଖୋଲିବାକୁ ଚେଷ୍ଟା କରୁଥିଲା। ହେଲେ ସାପଟି କୌଣସି ପ୍ରକାର ଗାମୁଛା ଭିତରୁ ଭାସ୍କର ହାତ ପାପୁଲିକୁ କାମୁଡ଼ି ଦେଇଥିଲା। ପରେ ଭାସ୍କର ଓ ତାଙ୍କ ପୁତୁରା ସାପକୁ ଏକ ବସ୍ତାରେ ଭର୍ତି କରି ଭାସ୍କରକୁ ଧରି ଡାକ୍ତରଖାନାରେ ପହଞ୍ଚିଥିଲା। ଡାକ୍ତର ସେଠାରେ ଭାସ୍କରର ଚିକିତ୍ସା ଆରମ୍ଭ କରିଥିଲେ। ଖବରପାଇ ବନ ବିଭାଗ ପକ୍ଷରୁ ଡାକ୍ତରଖାନାରେ ପହଞ୍ଚି ସାପକୁ ଉଦ୍ଧାର କରି ନେଇଥିବା ଦେଖିବାକୁ ମିଳିଛି।
