PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୋବେଲ ଶାନ୍ତି ପୁରସ୍କାର ଘୋଷଣା: ମାନବାଧିକାର ପ୍ରବକ୍ତା ଆଲେସ୍ ବାଲିଆସ୍କି ସହ ଦୁଇଟି ସଂଗଠନକୁ ମିଳିବ ପୁରସ୍କାର
  • ||
  • ଭୁବନେଶ୍ଵର : ଓଡ଼ିଶା ଲଳିତ କଳା ଏକାଡେମୀ ଉପସଭାପତି ତଥା ବିଶିଷ୍ଟ ଶିଳ୍ପୀ ଶ୍ରୀନିବାସ ପଢ଼ିଆରୀଙ୍କ ପରଲୋକ
  • ||
  • ମୁରିବାହାଲ : ଭିଜିଲାନ୍ସ ଜାଲରେ ମୁରିବାହାଲ ବ୍ଲକ APO ସୁଶାନ୍ତ କୁମାର ଦାସ, ୪୫ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡ଼ିଲେ
  • ||
  • ବାଙ୍ଗିରିପୋଷି : ଶୌଚ ହେବାକୁ ଯାଇଥିବା ବେଳେ ଆକ୍ରମଣ କଲା ଦନ୍ତା, ଯୁବକ ମୃତ
  • ||
  • ଭୁବନେଶ୍ୱର : ପୁଣି ଘୂର୍ଣ୍ଣିବଳୟ ସମ୍ଭାବନା, ୨୫ ପୂର୍ବରୁ ଓଡ଼ିଶା ଛାଡ଼ିବନି ମୌସୁମୀ
  • ||
  • ଭଦ୍ରକ : ନଭେମ୍ୱର ୩ରେ ଧାମନଗର ଉପନିର୍ବାଚନ, ଆଜିଠୁ ନାମାଙ୍କନ ପତ୍ର ଦାଖଲ
  • ||
  • ତେଲକୋଇ : ଶୁଝି ପାରିଲେନି କିସ୍ତି, ଆତ୍ମହତ୍ୟା କଲେ ଅସହାୟ ଟ୍ରକ ମାଲିକ
  • ||
  • ମୋହନା : ଜଙ୍ଗଲରୁ ବିପୁଳ ପରିମାଣର କାଠ ଗଣ୍ଡି ଜବତ
  • ||
  • ଭୁବନେଶ୍ଵର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୬୩ ପଜିଟିଭ୍ ଚିହ୍ନଟ
  • ||

ବିଜେପିରେ ସାଂସଦ ଅର୍ଜୁନ ସେଠୀ, ପୁଅ ଅଭିମନ୍ୟୁ

ଭୁବନେଶ୍ୱର,୩୦ା୩(ବ୍ୟୁରୋ): ସକାଳେ ବିଜେଡି ଛାଡ଼ିଲେ, ଅପରାହ୍ନରେ ବିଜେପିରେ ଯୋଗଦେଲେ । ଦୀର୍ଘ ବର୍ଷ ଧରି ଭଦ୍ରକ ଜିଲ୍ଲା ବିଜେଡି ରାଜନୀତିରେ ପ୍ରମୁଖ ଭୂମିକା ତୁଲାଉଥିବା ସାଂସଦ ଅର୍ଜୁନ ଚରଣ ସେଠୀ ବିଜେପିରେ ଯୋଗ ଦେଇଛନ୍ତି । ତାଙ୍କ ସହ ପୁଅ ଅଭିମନ୍ୟୁ ଏବଂ ଭଦ୍ରକ ଜିଲ୍ଲାର ବହୁ ବିଜେଡି ନେତା ମଧ୍ୟ ପଦ୍ମ ଧରିଛନ୍ତି । ବିଜେଡି ଅର୍ଜୁନ କିମ୍ବା ତାଙ୍କ ପୁଅଙ୍କୁ ଦଳୀୟ ଟିକେଟରୁ ବଞ୍ଚିତ କରିବା ପରେ ସେ କ୍ଷୁବ୍ଧ ହୋଇ ଏ ନିଷ୍ପତ୍ତି ନେଇଛନ୍ତି । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଜେପି ଟୋପି ଓ ଉତ୍ତରୀୟ ପିନ୍ଧାଇ ଶ୍ରୀ ସେଠୀଙ୍କୁ ସ୍ୱାଗତ କରିବା ସହ ତାଙ୍କ ଯୋଗଦାନ ବିଜେପିକୁ ଅଧିକ ମଜବୁତ କରିବ ବୋଲି କହିଛନ୍ତି । ଓଡ଼ିଶାରେ ପରିବର୍ତ୍ତନ ନିଶ୍ଚିତ ବୋଲି ମଧ୍ୟ ଧର୍ମେନ୍ଦ୍ର ଦମ୍ଭ ବାଢ଼ିଛନ୍ତି ।

ଏହାଛଡ଼ା ପୂର୍ବତନ ସାଂସଦ ମୋହନ ଜେନା, ଭଦ୍ରକର ପୂର୍ବତନ ବିଧାୟକ ମଧୁସୂଦନ ପାଣିଗ୍ରାହୀ, ରଣପୁରର ପୂର୍ବତନ ବିଧାୟକ ପୂର୍ବତନ ବିଧାୟକ ରମେଶ ପଣ୍ଡାଙ୍କ ପୁଅ ସିଦ୍ଧାର୍ଥ ପଣ୍ଡା, ଡ. ମମତା ମହାନ୍ତି ପ୍ରମୁଖ ଦଳରେ ଯୋଗ ଦେଇଛନ୍ତି । ସେମାନଙ୍କୁ ବିଜେପି ନେତୃମଣ୍ଡଳୀ ଦଳକୁ ସ୍ୱାଗତ କରିବା ସହ ଦଳ ଅଧିକ ବଳୁଆ
ହେବ ବୋଲି କହିଥିଲେ । ବିଜେଡି ଟିକେଟରୁ ବଞ୍ଚିତ ହେବା ପରେ ଭଦ୍ରକ ସାଂସଦ ଅର୍ଜୁନ ସେଠୀ ବିଜେଡି ମୁଖିଆଙ୍କୁ ଭେଟିବାକୁ ଉଦ୍ୟମ କରି ମଧ୍ୟ ସୁଯୋଗ ପାଇନଥିଲେ । ସେ ନବୀନଙ୍କ ନିକଟକୁ ଚିଠି ଲେଖି ଦଳରୁ ଇସ୍ତଫା ଦେବା ସହ ଗଣମାଧ୍ୟମକୁ କହିଲେ, ତାଙ୍କ ପୁଅଙ୍କୁ ଟିକେଟ ଦିଆଯିବ ବୋଲି ନିଜେ ନବୀନ ପ୍ରତିଶ୍ରୁତି ଦେଇଥିଲେ । ମାତ୍ର ଘୋଷଣା ବେଳକୁ କାହାକୁ ମିଳିଲାନି । ଏହା ତାଙ୍କୁ ମର୍ମାହତ କରିଛି । ଦଳ ବହୁ ଅଯୋଗ୍ୟ ଲୋକଙ୍କୁ ଟିକେଟ୍‌ ଦେଇଛି, ମାତ୍ର ତାଙ୍କୁ ଅଣଦେଖା କରିବା ପଛରେ ଷଡ଼ଯନ୍ତ୍ର ଅଛି । ବିଜେଡି ବିଜୁବାବୁଙ୍କ ଆଦର୍ଶରୁ ଦୂରେଇ ଯାଇଛି ବୋଲି ଶ୍ରୀ ସେଠୀ ଅଭିଯୋଗ କରିବା ସହ ଅପରାହ୍ନରେ ବିଜେପି କାର୍ଯ୍ୟାଳୟକୁ ଯାଇ ପଦ୍ମ ଧରିଥିଲେ ।

କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଲେ, ଅର୍ଜୁନ ବାବୁ କେବଳ ଜଣେ ରାଜନୈତିକ ବ୍ୟକ୍ତିତ୍ୱ ନୁହନ୍ତି, ସ୍ୱର୍ଗତ ଅଟଳ ବିହାରୀ ବାଜପେୟୀଙ୍କ ସରକାରରେ ସେ କେନ୍ଦ୍ରରେ କ୍ୟାବିନେଟ୍‌ ମନ୍ତ୍ରୀ ଥିଲେ । ସେ ଆଜି ଯେଉଁ ନିଷ୍ପତ୍ତି ନେଲେ ଓଡ଼ିଶାର ରାଜନୈତିକ ସମୀକରଣରେ ଏହା ବଡ଼ ସଂକେତ । ଆଗକୁ ଓଡ଼ିଶାରେ ଯେ ପରିବର୍ତ୍ତନ ହେବ ତା’ର ଝଲକ ଦେଖିବାକୁ ମିଳିଲାଣି । ଏହି ମିଶ୍ରଣ ପର୍ବରେ ପ୍ରଭାରୀ ଅରୁଣ ସିଂହ, ବରିଷ୍ଠ ନେତା ବିଶ୍ୱଭୂଷଣ ହରିଚନ୍ଦନ, ପ୍ରତାପ ଷଡ଼ଙ୍ଗୀ, ମନମୋହନ ସାମଲ ପ୍ରମୁଖ ଉପସ୍ଥିତ ଥିଲେ ।