PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲେଖକ ସଲମାନ ରୁଶଦୀଙ୍କୁ ଆକ୍ରମଣ , ପଶ୍ଚିମ ନ୍ୟୁୟର୍କର ଏକ କାର୍ଯ୍ୟକ୍ରମରେ ମଞ୍ଚ ଉପରେ ଭାଷଣ ଦେଇଥିବା ବେଳେ ଛୁରାମାଡ଼ , ରକ୍ତ ଜୁଡୁବୁଡୁ ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ଲକ୍ଷ୍ନୌ : ସ୍ୱାଧିନତା ଦିବସ ପୂର୍ବରୁ ୟୁପି ଏଟିଏସ୍‌କୁ ବଡ଼ ସଫଳତା । ସହାରନପୁରରୁ ଦୁଇ ଆତଙ୍କବାଦୀଙ୍କୁ କଲା ଗିରଫ । ସ୍ୱାଧିନତା ଦିବସରେ ବଡ଼ ହମଲା କରିବାର ଯୋଜନା କରୁଥିଲେ
  • ||
  • କୋଏମ୍ବାଟୁର : ବେଙ୍ଗାଲୁରରୁ ମାଳଦ୍ୱୀପର ମାଲେ ଯାଉଥିବା ଗୋ ଫାଷ୍ଟ ବିମାନର ଜରୁରୀ ଅବତରଣ, ୯୨ ଯାତ୍ରୀଙ୍କୁ ନେଇ ଯାଉଥିବାବେଳେ ତାତି ଗଲା ଇଞ୍ଜିନ
  • ||
  • ଉଦୟପୁର : ଉଦୟପୁର କହ୍ନୈୟାଲାଲ ହତ୍ୟାକାଣ୍ଡରେ କଥିତ ଷଡ଼ଯନ୍ତ୍ରକାରୀ ମୁସ୍ଲିମ୍ ଖାନକୁ ଗିରଫ କଲା ଏଏନଆଇ
  • ||
  • ଅନନ୍ତନାଗ : ଜମ୍ମୁ-କଶ୍ମୀରର ଅନନ୍ତାଗରେ ପୁଲିସ୍ ଓ ସିଆରପିଏଫ ଯବାନଙ୍କ ମଳିତ ପାର୍ଟି ଉପରେ ଆତଙ୍କବାଦୀ ଆକ୍ରମଣ, ଆହତ ପୋଲିସ କର୍ମୀ ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ଭାରତୀୟ ବାୟୁସେନାର ଏକ ଦଳ ମାଲେସିଆ ଗସ୍ତରେ ଯାଇଛନ୍ତି, ଏହି ଦଳ ଦୁଇଦେଶ ମଧ୍ୟରେ ଦ୍ବିପାକ୍ଷୀକ ଯୁଦ୍ଧାଭ୍ୟାସକୁ ନେଇ ଆୟୋଜିତ କାର୍ଯ୍ୟକ୍ରମ ‘ଉଦାରଶକ୍ତି’ରେ ଭାଗ ନେବେ
  • ||
  • ମୋହନା : ସଂଗଠନ ଛାଡ଼ିଥିବା ମାଓବାଦୀ ପ୍ରଫୁଲ୍ଲ ପରିଚ୍ଛାକୁ ଗିରଫ କଲା ଅଡ଼ବା ପୋଲିସ, ଥାନାରେ ରହିଛି ୭ ମାମଲା
  • ||
  • ବୌଦ୍ଧ : ବୌଦ୍ଧ ୫୭ନଂ ଜାତୀୟ ଖୁଣ୍ଟବନ୍ଧ ଛକ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା, ୨ ମୃତ
  • ||
  • ଭୁବନେଶ୍ବର : ପିପିଲି ଟୋଲ ପ୍ଲାଜା ନିକଟରେ ଓଲଟିଲା ବସ୍, ଜଣେ ମୃତ ଓ ୨୦ଆହତ
  • ||
  • ନୟାଗଡ଼ : ବାଘ ଶୀକାର କରି ଫଟୋ ଉଠାଇବା ପଡ଼ିଲା ମହଙ୍ଗା, ୫ ବର୍ଷ ପରେ ଧରାପଡ଼ିଲା ବାଘ ଶିକାରୀ
  • ||
  • ବାରିପଦା : ସୁବର୍ଣ୍ଣରେଖା ଓ ଦେଓ ଜଳସେଚନ ପ୍ରକଳ୍ପ ଲୋକାର୍ପଣ କଲେ ମୁଖ୍ୟମନ୍ତ୍ରୀ, ୨୭ ହଜାର ହେକ୍ଟରରୁ ଉର୍ଦ୍ଧ୍ଵ ଜମିକୁ ମିଳିବ ଜଳସେଚନ ସୁବିଧା
  • ||
  • ଉଦଳା : ଉଦଳା ଏନଏସି ଅଧୀନ ୱାର୍ଡ ନମ୍ବର ୩ରେ ଥିବା ଅଙ୍ଗନବାଡି କେନ୍ଦ୍ରରେ କୃମି ଔଷଧ ଖାଇ ଶିଶୁ ପୁତ୍ର ଗୁରୁତର , ଡାକ୍ତରଖାନାରେ ଭର୍ତ୍ତି
  • ||
  • ସମ୍ବଲପୁର : ହୀରାକୁଦର ତଳମୁଣ୍ଡରେ ବନ୍ୟା ପରିସ୍ଥିତି ସୃଷ୍ଟି ସମ୍ଭାବନା, ସତର୍କ ସୂଚନା ଜାରି କଲା ପ୍ରଶାସନ
  • ||
  • ପାଟଣା : ଘର ଉପରେ ମାଡ଼ି ବସିଲା ବିରାଟକାୟ ବଉଳ ବୃକ୍ଷ, ଅଳ୍ପକେ ବର୍ତ୍ତିଲେ ପରିବାର ଲୋକ
  • ||
  • ପୁରୀ : ଶ୍ରୀମନ୍ଦିରରେ ଗହ୍ମା ପୂର୍ଣ୍ଣିମା ଉତ୍ସବ, ବୀରଡୋରିରେ ଦୁଇ ଭାଇଙ୍କ ହାତରେ ୬ ଥାକିଆ ରାକ୍ଷୀ ବାନ୍ଧିଲେ ଭଉଣୀ ସୁଭଦ୍ରା
  • ||
  • ପାଟଣା : ଚୋରାଚାଲାଣ ବେଳେ ମାଡ଼ିବସିଲା ବନ ବିଭାଗ, ଶାଳ କାଠ ବୋଝେଇ ସ୍କର୍ପିଓ ଜବତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ଆଶଙ୍କା
  • ||
  • ଭଦ୍ରକ : ଫୁଲୁଛି ବୈତରଣୀ ଓ ସାଳନ୍ଦୀ, ହଦଗଡ଼ ଡ୍ୟାମ୍‌ରୁ ୨ଟି ଗେଟ୍ ଦେଇ ହେଉଛି ବନ୍ୟାଜଳ ନିଷ୍କାସନ
  • ||

ପାକ୍‌ରେ ଅଭିନନ୍ଦନଙ୍କ ୬୦ ଘଣ୍ଟା: ତଣ୍ଟି ଚିପି ନିର୍ଯାତନା ଦେବା ସହ ଘଣ୍ଟା ଘଣ୍ଟା ଛିଡ଼ା କରାଇଥିଲେ

ନୂଆଦିଲ୍ଲୀ,୭ା୩(ଏଜେନ୍ସି): ଭାରତୀୟ ବାୟୁସେନା ପାଇଲଟ୍‌ ଅଭିନନ୍ଦନ ବର୍ଦ୍ଧମାନ ପାକ୍‌ ସେନା ଦ୍ୱାରା ଅକଥନୀୟ ନିର୍ଯାତନାର ଶିକାର ହୋଇଥିଲେ । ତାଙ୍କୁ ପର୍ଯ୍ୟାୟକ୍ରମେ ନିୟମିତ ବ୍ୟବଧାନରେ ଜେରା କରାଯାଉଥିଲା । ଶୋଇବାକୁ ଦିଆଯାଉନଥିଲା । ଘଣ୍ଟା ଘଣ୍ଟା ଧରି ଛିଡ଼ା କରାଯାଉଥିଲା । ବାୟୁସେନାର ଗୁରୁତ୍ୱପୂର୍ଣ୍ଣ ତଥ୍ୟ ଓଗାଳିବା ପାଇଁ ତାଙ୍କୁ ମାଡ଼ ମରାଯିବା ସହ କିଛି ଅଧିକାରୀ କ୍ରୋଧାନ୍ୱିତ ହୋଇ ଶେଷରେ ତାଙ୍କ ତଣ୍ଟି ଚିପିଥିଲେ । ଦୀର୍ଘ ୬୦ ଘଣ୍ଟା ଧରି ଅଭିନନ୍ଦନଙ୍କୁ ପାକ୍‌ରେ ଏଭଳି ସଂଘର୍ଷ କରିବାକୁ ପଡ଼ିଥିଲା । ପାକ୍‌ରୁ ମୁକୁଳିବା ପରେ ଅଭିନନ୍ଦନଙ୍କୁ ଆଣିବା ପାଇଁ ଯାଇଥିବା ଟିମ୍‌ର ଜଣେ ଅଧିକାରୀ ଏଭଳି ଲୋମଟାଙ୍କୁରା ସୂଚନା ଦେଇଛନ୍ତି ।
ନିଜ ନାମ ଗୋପନ ରଖିବା ସର୍ତ୍ତରେ ଅଧିକାରୀ ଜଣକ କହିଛନ୍ତି, ଶତ୍ରୁ ହାତରେ ଧରାପଡ଼ିବାର ୨୪ ଘଣ୍ଟା ପର୍ଯ୍ୟନ୍ତ କୌଣସି ତଥ୍ୟ ନ ଦେବା ଲାଗି ଭାରତୀୟ ବାୟୁସେନାର ନିୟମ ରହିଛି । କୌଣସି ସେନା ପାଇଲଟ୍‌ ଶତ୍ରୁ ହାତରେ ଧରାପଡ଼ିବାର ୨୪ ଘଣ୍ଟା ମଧ୍ୟରେ ବାୟୁସେନାର ବିଭିନ୍ନ ମୁତୟନ ଯୋଜନାକୁ ପରିବର୍ତ୍ତନ କରାଯାଇଥାଏ । ତେଣୁ ପାକ୍‌ ହାତରେ ଧରାପଡ଼ିବାର ପ୍ରଥମ ୨୪ ଘଣ୍ଟା ଅଭିନନ୍ଦନଙ୍କ ପାଇଁ ସବୁଠୁ ଅଧିକ ସଂଘର୍ଷପୂର୍ଣ୍ଣ ଥିଲା । ଅଭିନନ୍ଦନ ପ୍ରବଳ ଯନ୍ତ୍ରଣାରେ ଛଟପଟ ହେଉଥିଲେ ସୁଦ୍ଧା ଏହି ନିୟମକୁ ସେ ଧୈର୍ଯ୍ୟର ସହ ପାଳନ କରିଥିଲେ । କେବଳ ୨୪ ଘଣ୍ଟା କାହିଁକି ପାକିସ୍ତାନୀ ସେନା କବଳରୁ ମୁକୁଳିବା ପର୍ଯ୍ୟନ୍ତ ତାଙ୍କ ମୁହଁରୁ ସେମାନେ ଗୋଟିଏ ହେଲେ ତଥ୍ୟ ହାସଲ କରିପାରି ନଥିଲେ । ପାକ୍‌ ସେନା କବଳରେ ଅଭିନନ୍ଦନ ପାଖାପାଖି ୬୦ ଘଣ୍ଟା ବନ୍ଦୀ ରହିଥିଲେ । ଏହି ସମୟ ପର୍ଯ୍ୟନ୍ତ ସାରା ଦେଶବାସୀ ତାଙ୍କର ସୁରକ୍ଷିତ ମୁକ୍ତି ପାଇଁ ପ୍ରାର୍ଥନା କରୁଥିଲେ । ସେପଟେ କିନ୍ତୁ ଅଭିନନ୍ଦନ ପ୍ରତିକ୍ଷଣରେ ଯନ୍ତ୍ରଣାକୁ ସାମ୍ନା କରୁଥିଲେ । ପ୍ରଥମ ୨୪ ଘଣ୍ଟା ପାକ୍‌ ସେନା ତାଙ୍କର କୌଣସି ଚିକିତ୍ସା ନ କରାଇ ତାଙ୍କ ମୁହଁରୁ ତଥ୍ୟ ଯୋଗାଡ଼ରେ ଲାଗିଥିଲା । ଭାରତୀୟ ସେନାର ମୁତୟନ ସ୍ଥଳ, ସମ୍ବେଦନଶୀଳ ସୂଚନା, ଉଚ୍ଚସ୍ତରୀୟ ସୁରକ୍ଷା ସଂକ୍ରାନ୍ତ ରେଡିଓ ଫ୍ରିକ୍ୱେନ୍ସି ସମ୍ପର୍କରେ ସୂଚନା ପାଇଁ ସେମାନେ ଲଗାତର ଚେଷ୍ଟା କରୁଥିଲେ । କିନ୍ତୁ ଅଭିନନ୍ଦନ ନିଜ ଜିଦ୍‌ରେ ଅଟଳ ରହିଥିଲେ ।
ଅଧିକାରୀ ଜଣକ କହିଛନ୍ତି, ୱିଙ୍ଗ୍‌ କମାଣ୍ଡର ଅଭିନନ୍ଦନଙ୍କୁ ପାକ୍‌ ସେନାର ବିଭିନ୍ନ ଟିମ୍‌ ସ୍ୱଳ୍ପ ସମୟ ବ୍ୟବଧାନରେ ଜେରା କରୁଥିଲେ । ଯଦିଓ ତାଙ୍କୁ ପାକ୍‌ର ବାୟୁସେନା ଜେରା କରୁଥିଲା, କିନ୍ତୁ ପାକ୍‌ ସେନାର ବହୁ ଅଧିକାରୀ ତାଙ୍କୁ ଘେରି ରହିଥିଲେ । ପ୍ରଥମ କେଇ ଘଣ୍ଟା ପର୍ଯ୍ୟନ୍ତ ତାଙ୍କୁ ଡାକ୍ତରୀ ଚିକିତ୍ସା ଯୋଗାଇ ଦିଆଯାଇନଥିଲା । ମେରୁଦଣ୍ଡରେ ପ୍ରବଳ ଆଘାତ ଯୋଗୁ ଯନ୍ତ୍ରଣାରେ ଛଟପଟ ହେଉଥିଲେ ସୁଦ୍ଧା କାହାର ଦୟା ନଥିଲା । ଚିକିତ୍ସା ତ ଦୂର କଥା, ତାଙ୍କୁ ଶୋଇବାକୁ ଦିଆଯାଉ ନଥିଲା । ଘଣ୍ଟା ଘଣ୍ଟା ଧରି ଛିଡ଼ା କରାଯାଉଥିଲା ।
ଖାଲି ସେତିକି ନୁହେଁ, ତାଙ୍କ ମାନସିକ ସ୍ଥିତିକୁ ବିଗାଡ଼ିବା ପାଇଁ ଖୁବ୍‌ ଜୋରରେ ମ୍ୟୁଜିକ୍‌ ବଜାଯାଉଥିଲା । ଏତେ ନିର୍ଯାତନା ଦେବା ପରେ ମଧ୍ୟ ଅଭିନନ୍ଦନ କିଛି କହିନଥିଲେ । ଏଥିରେ ପାକ୍‌ ସେନାର କିଛି ଅଧିକାରୀ କ୍ରୋଧାନ୍ୱିତ ହୋଇ ତାଙ୍କ ତଣ୍ଟି ଚିପିଥିଲେ ଏବଂ ଆଉ କିଛି ଅଧିକାରୀ ତାଙ୍କୁ ବହୁତ ପିଟିଥିଲେ । ଭାରତୀୟ ବାୟୁସେନାର ମୁତୟନ ସ୍ଥଳ ସମ୍ପର୍କରେ ଠୋସ୍‌ ସୂଚନା ହାସଲ କରି ସେମାନେ ସାଙ୍ଘାତିକ ଆକ୍ରମଣ ପାଇଁ ଯୋଜନା କରୁଥିଲେ । ତେଣୁ ସତକଥା ଜାଣିବାକୁ ପାରୁପର୍ଯ୍ୟନ୍ତ ଚେଷ୍ଟା ଚଳାଇଥିଲେ । କିନ୍ତୁ ପ୍ରତିଥର ଅଭିନନ୍ଦନଙ୍କ ସାହସ ଓ ଧୈର୍ଯ୍ୟ ଆଗରେ ସେମାନେ ହାର୍‌ ମାନିଥିଲେ ବୋଲି ଅଧିକାରୀ ଜଣକ କହିଛନ୍ତି ।
ଉଲ୍ଲେଖଯୋଗ୍ୟ, ପୁଲ୍‌ୱାମା ଆତଙ୍କବାଦୀ ଆକ୍ରମଣର ଜବାବ ଦେବା ପାଇଁ ଭାରତୀୟ ବାୟୁସେନା ଫେବ୍ରୁଆରୀ ୨୬ରେ ପାକିସ୍ତାନର ବାଲାକୋଟ୍‌ରେ ଥିବା ଜୈସ୍‌-ଏ-ମହମ୍ମଦର ଆଡ୍ଡା ଉପରେ ସାଙ୍ଘାତିକ ଆକ୍ରମଣ କରିଥିଲା । ଏହା ପରଦିନ ଅର୍ଥାତ୍‌ ଫେବ୍ରୁଆରୀ ୨୭ରେ କାଶ୍ମୀରର ନୌସେରା ସେକ୍ଟରରେ ଦୁଇଦେଶର ବାୟୁସେନା ମଧ୍ୟରେ ମୁହାଁମୁହିଁ ହୋଇଥିଲା । କିଛି ପାକିସ୍ତାନୀ ଯୁଦ୍ଧ ବିମାନ ଭାରତୀୟ ସୀମା ମଧ୍ୟକୁ ପଶିଆସିଥିଲେ । କିନ୍ତୁ ଭାରତୀୟ ବାୟୁସେନା ସେମାନଙ୍କ ତଡ଼ିଦେଇଥିଲା । ଅଭିନନ୍ଦନ ଏମ୍‌ଆଇଜି-୨୧ ବାଇସନ୍‌ ବିମାନ ଦ୍ୱାରା ଗୋଟିଏ ଏଫ୍‌-୧୬ ବିମାନକୁ ଘଉଡ଼ାଇବା ପାଇଁ ଜୋର୍‌ଦାର ଉଦ୍ୟମ କରିଥିଲେ । କିନ୍ତୁ ଦୁର୍ଭାଗ୍ୟବଶତଃ ସେ ଏହି ଆକ୍ରମଣ ଭିତରେ ପାକିସ୍ତାନ ସୀମା ଭିତରେ ପଶିଯାଇଥିଲେ । ତାଙ୍କ ବିମାନକୁ ପାକ୍‌ ଆକ୍ରମଣ କରିଥିଲା । ବିମାନରେ ନିଆଁ ଲାଗିଯିବା ପରେ ପାରାସୁଟ୍‌ ଦ୍ୱାରା ଅଭିନନ୍ଦନ ଓହ୍ଲାଇଥିଲେ । ଏହାପରେ ତାଙ୍କୁ ପାକ୍‌ ସେନା ବନ୍ଦୀ ବନାଇ ନେଇଥିଲା ।
ଅଭିନନ୍ଦନଙ୍କୁ ନିୟନ୍ତ୍ରଣରେଖାଠାରୁ ପ୍ରାୟ ୭ କିଲୋମିଟର ଦୂର ପିଓକେ (ପାକ୍‌ ଅଧିକୃତ କାଶ୍ମୀର)ର ଭିମ୍ବର ଜିଲ୍ଲା ଅନ୍ତର୍ଗତ ହୋରାନ୍‌ ଗ୍ରାମରୁ ବନ୍ଦୀ କରିନିଆଯାଇଥିଲା । କିନ୍ତୁ ଠିକଣା ଜାଗାକୁ ନେବା ପୂର୍ବରୁ ତାଙ୍କୁ ବିଭିନ୍ନ ଜାଗାକୁ ଜାଣିଶୁଣି ବୁଲାଯାଇଥିଲା । ଏ ସମ୍ପର୍କିତ ଅନେକ ଭିଡିଓ ସୋସିଆଲ୍‌ ମିଡିଆରେ ଭାଇରାଲ୍‌ ହୋଇଥିଲା ।

ସମ୍ବନ୍ଧିତ ଖବର