ନୂଆଦିଲ୍ଲୀ,୨୨/୦୪; ଚଳିତ ଆଇପିଏଲ୍ରେ ହାଇଦ୍ରାବାଦ ଚତୁର୍ଥ ବିଜୟ ହାସଲ କରିଛି । ୩୧ତମ ଲିଗ୍ ମୁକାବିଲାରେ ଦଳ ୪୭ ରନରେ ଦିଲ୍ଲୀକୁ ପରାଜିତ କରିଥିଲା । ଏହି ମ୍ୟାଚରେ ପ୍ରଥମେ ବ୍ୟାଟିଂ କରି ହାଇଦ୍ରାବାଦ ୨ ୱିକେଟ୍ ବିନିମୟରେ ୨୪୨ ରନ ସଂଗ୍ରହ କରିଥିଲା । ଜବାବରେ ଦିଲ୍ଲୀ ୯ ୱିକେଟ୍ ହରାଇ ୧୯୫ ରନ କରିବାକୁ ସକ୍ଷମ ହୋଇଥିଲା । ଟସ ଜିତି ଫିଲ୍ଡିଂ ନିଷ୍ପତ୍ତି ନେବା ଦିଲ୍ଲୀ ପାଇଁ ମହଙ୍ଗା ପଡ଼ିଥିଲା । ହାଇଦ୍ରାବାଦର ଦୁଇ ଓପନର ଅଭିଷେକ ଶର୍ମା ଓ ଟ୍ରାଭିସ ହେଡ୍ ବିସ୍ଫୋରକ ବ୍ୟାଟିଂ କରି ୫୨ଟି ବଲ୍ରେ ୯୭ ରନ ସଂଗ୍ରହ କରିଥିଲେ । ଅଭିଷେକଙ୍କୁ କେହି ଆୟତ୍ତ କରିପାରି ନଥିଲେ । ସେ ୪୭ଟି ବଲ୍ରୁ ଶତକ ପୂରଣ କରିଥିଲେ । ଆଇପିଏଲ୍ରେ ଏହା ତାଙ୍କର ଦ୍ୱିତୀୟ ଶତକ ରହିଥିଲା । ଅଭିଷେକଙ୍କ ସହ ହେନରିଚ କ୍ଲାସେନ ମିଶି ଆଉ ୬୬ ରନ ଯୋଗ କରି ଦଳୀୟ ସ୍କୋରକୁ ୨୪୨ରେ ପହଞ୍ଚାଇଥିଲେ । ଅଭିଷେକ ୬୮ଟି ବଲ୍ ଖେଳି ୧୦ ଚୌକା ଓ ୧୦ ଛକା ବଳରେ ୧୩୫ ରନ କରି ଅପରାଜିତ ରହିଥିଲେ । ବାଉଣ୍ଡ୍ରୀ ମାରି ଶତକ ହାସଲ କରିଥିଲେ । ଏହା ସହିତ ଦିଲ୍ଲୀ ବିପକ୍ଷରେ ୫ ବଡ଼ ରେକର୍ଡ କରିଛନ୍ତି ।

ବାଉଣ୍ଡ୍ରୀରୁ ସେଞ୍ଚୁରୀ- ଅଭିଷେକ ୧୦ଟି ଛକା ମାରି ୬୦ ରନ୍ କରିଥିଲେ । ସେ ବାକି ୧୦ଟି ଚୌକା ମାରି ୪୦ ରନ୍ କରିଥିଲେ । ଏହିପରି, ୬୦ ଏବଂ ୪୦କୁ ମିଶାଇ ଅଭିଷେକ କେବଳ ବାଉଣ୍ଡ୍ରୀରୁ ୧୦୦ ରନ୍ ପୂରଣ କରିଥିଲେ ।

ସର୍ବାଧିକ ବ୍ୟକ୍ତିଗତ IPL ସ୍କୋର (ଅଭିଷେକ ତୃତୀୟ)

୧୭୫* କ୍ରିସ୍ ଗେଲ୍, RCB VS Pune(୨୦୧୩)

୧୫୮* ବ୍ରେଣ୍ଡନ୍ ମ୍ୟାକକୁଲମ୍, KKR VS RCB ଆରସିବି (୨୦୦୮)

୧୪୧ ଅଭିଷେକ ଶର୍ମା, SRH VS PBKS (୨୦୨୫)

୧୪୦* କ୍ୱିଣ୍ଟନ୍ ଡି କକ୍, LSGVS KKR, (୨୦୨୨)

୧୩୫* ଅଭିଷେକ ଶର୍ମା, SRH VS DC (୨୦୨୬)

ଟି-୨୦ କ୍ରିକେଟରେ ଗୋଟିଏ ଇନିଂସରେ ସର୍ବାଧିକ ଥର ୧୩୦ରୁ ଅଧିକସ୍କୋର- 

ଅଭିଷେକ ଶର୍ମା – ୪ ଥର

ଆରୋନ୍ ଫିଞ୍ଚ୍

କ୍ରିସ୍ ଗେଲ୍ – ୩ ଥର

ଗୋଟିଏ T20 ଇନିଂସରେ ୧୦ରୁ ଅଧିକ ଛକା

କ୍ରିସ୍ ଗେଲ୍ - ୧୮ ଥର

ଅଭିଷେକ ଶର୍ମା - ୫ ଥର

ଏଭିନ୍ ଲୁଇସ୍ ଏବଂ ଶ୍ରେୟସ ଆୟର - ୪ ଥର

IPLରେ ସର୍ବାଧିକ ଛକା- ଆଇପିଏଲରେ ସର୍ବାଧିକ ୧୦ଟି ଛକା ମାରିବାର ରେକର୍ଡ କ୍ରିସ୍ ଗେଲଙ୍କ ନାମରେ ଅଛି । ଗେଲ୍ ୪ ଥର ଏହି ସଫଳତା ହାସଲ କରିଛନ୍ତି। ଅଭିଷେକ ଦ୍ୱିତୀୟ ଥର ପାଇଁ ଏହି ସଫଳତା ହାସଲ କରିଛନ୍ତି, ଯାହା ତାଙ୍କୁ ତାଲିକାର ଦ୍ୱିତୀୟ ସ୍ଥାନକୁ ନେଇଛି ।

ଏହା ବି ପଢନ୍ତୁ...Doping Crisis; ବିପଦ ସଂକେତ ଉପରେ ଭାରତରେ ଡୋପ କଳଙ୍କ, ସତର୍କ କଲା ଏଆଇୟୁ