PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସ୍ୱାସ୍ଥ୍ୟ ମନ୍ତ୍ରୀ ନବ ଦାସଙ୍କ ପରଲୋକ , ଗୁଳିମାଡ଼ ପରେ ତାଙ୍କୁ ଭୁବନେଶ୍ୱରରେ ହସ୍ପିଟାଲରେ ଭର୍ତ୍ତି କରାଯାଇ ଥିଲା
  • ||
  • ମାଲକାନଗିରି : ମାଓଗଡ଼ରେ ସରକାରଙ୍କ ପକ୍ଷରୁ ୨୦୦ ଗରିବ ଆଦିବାସୀଙ୍କୁ ମୋବାଇଲ ଫୋନ ବଣ୍ଟନ
  • ||
  • ପାକିସ୍ତାନରେ ପୁଣି ମହଙ୍ଗା ମାଡ଼, ପେଟ୍ରୋଲ-ଡିଜେଲ ଦାମରେ ୩୫ ଟଙ୍କା ବୃଦ୍ଧି
  • ||
  • ଝାରସୁଗୁଡ଼ା: ମନ୍ତ୍ରୀ ନବ ଦାସଙ୍କୁ ଗୁଳି ମାଡ଼: ଛାତିରେ ବାଜିଛି ଗୁଳି, ଗୁରୁତର ଅବସ୍ଥାରେ ନିଆଯାଉଛି ହସ୍ପିଟାଲ
  • ||
  • ହକି ବିଶ୍ୱକପ୍‌: ସୁପର ସଣ୍ଡେରେ ଫାଇନାଲ୍ ଫାଇଟ୍, ବେଲଜିୟମ-ଜର୍ମାନୀ ମଧ୍ୟରେ ଟାଇଟଲ ଟକ୍କର
  • ||
  • ଭୂକମ୍ପରେ ଥରିଲା ଇରାନ୍, ୭ ମୃତ, ୪୦୦ରୁ ଅଧିକ ଆହତ
  • ||
  • ମୟୂରଭଞ୍ଜ: ହାତୀମୃତ ଦେହ ମିଳିବା ଘଟଣାରେ ୪ ଶିକାରୀ ଗିରଫ, ୨ ହାତୀଦାନ୍ତ ଜବତ…
  • ||
  • ଆଜି ଦ୍ୱିତୀୟ ଟି-ଟ୍ୱେଣ୍ଟି: ଭାରତ ପାଇଁ ‘କର ବା ମର’, ସିରିଜ ଜିତି ସ୍ୱଦେଶ ଫେରିବା ଲକ୍ଷ୍ୟରେ ନ୍ୟୁଜିଲାଣ୍ଡ
  • ||
  • ଭୁବନେଶ୍ୱର: ଫେବ୍ରୁଆରୀ ୧୦ରେ ଓଡ଼ିଶା ଆସିବେ ରାଷ୍ଟ୍ରପତି ! ସଜେଇ ହେଉଛି ରମାଦେବୀ ମହିଳା ବିଶ୍ୱବିଦ୍ୟାଳୟ
  • ||
  • ଭୁବନେଶ୍ୱର: ଚିନାବାଦାମ ଚାଷର ନୂତନ ଜ୍ଞାନକୌଶଳ ଶିଖିବେ ଓଡ଼ିଆ କୃଷକ, ୮୦ ଚାଷୀଙ୍କୁ ଗୁଜରାଟ ପଠାଇଲା ସୋଆ
  • ||

ଅଭିନୟରେ ଜୟନ୍ତଙ୍କ ଯାତ୍ରା:‘ଫେରିଆ’-କମ୍‌ ବ୍ୟାକ୍‌ରେ ଭିଲେନ୍‌ ଭୂମିକାରେ ନଜର ଆସିବେ

ଭୁବନେଶ୍ୱର,୨୫ା୧(ବ୍ୟୁରୋ): ମୁକ୍ତିଲାଭ ଅପେକ୍ଷାରେ ଥିବା ସୁମା ରିୟଲ ମିଡିଆର ପ୍ରଥମ ଫିଲ୍ମ ‘ଫେରିଆ’ରେ କିଛି ଏମିତି କଳାକାରଙ୍କୁ ଦେଖିବାକୁ ମିଳିବ ଯେଉଁମାନେ ଅଭିନୟ କ୍ଷେତ୍ରରେ ବହୁ ମାଇଲଖୁଣ୍ଟ ଅତିକ୍ରମ କରିଥିଲେ ମଧ୍ୟ ଫିଲ୍ମ ‘ଫେରିଆ’ ସେମାନଙ୍କ ପାଇଁ ଏକ ନୂଆ ପରିଚୟ ହୋଇପାରିଛି । ଏହି କଳାକାରଙ୍କ ମଧ୍ୟରୁ ଜୟପୁରର ପ୍ରତିଷ୍ଠିତ ମଞ୍ଚ ଅଭିନେତା ଜୟନ୍ତ ସାନ୍ତରା ଅନ୍ୟତମ । ପୂର୍ବରୁ ‘ପାହାଡ଼ର ଲୁହ’, ‘ପେନ୍‌ସନ୍‌’, ‘ଚଣ୍ଡାଳ’, ‘ଅଲୋଡ଼ା’ ଭଳି ଫିଲ୍ମରେ ଅଭିନୟ କରିସାରିଥିବା ଜୟନ୍ତ ସାନ୍ତରା, ଦକ୍ଷିଣ ଓଡ଼ିଶାର ଥିଏଟର ଜଗତର ଜଣେ ଜଣାଶୁଣା ନାଁ । ସୁନୀଲ କୁମାର ଦାସଙ୍କ ପ୍ରଯୋଜିତ ଫିଲ୍ମ ‘ଫେରିଆ’ରେ ଜୟନ୍ତ ଦୁର୍ଯ୍ୟା ଓ ତା’ର ପତ୍ନୀକୁ ଫିଲ୍ମରେ ଦେଖିବାକୁ ମିଳିବ । ଯେଉଁଥିରେ ମୁଖ୍ୟ ଚରିତ୍ର ପ୍ରକାଶ ସହିତ ତାଙ୍କର ଜମିଜମା, ପାରିବାରିକ ସମ୍ପର୍କ ଓ ମାନସିକ ସ୍ତରରେ ଏକ ପ୍ରକାରର ଟକରାଟକରି ରହିଛି ।
ଜୟନ୍ତଙ୍କ ଅଭିନୟ ଜୀବନ ଶିଶୁ କଳାକାର ଭାବେ ଆରମ୍ଭ ହୁଏ । ସେତେବେଳେ ଆକାଶବାଣୀ ଜୟପୁର ଦ୍ୱାରା ନିର୍ମିତ ବେତାର ନାଟକରେ ସେ ଶିଶୁ କଳାକାର ଭାବେ ଅବତୀର୍ଣ୍ଣ ହୋଇଥିଲେ । ଏହାପରେ ଆକାଶବାଣୀ ସହିତ ସେ ଓତଃପ୍ରୋତ ଭାବେ ଜଡ଼ିତ ହୋଇଯାଇଥିଲେ । ତାଙ୍କ ଅଭିନୀତ ବେତାର ନାଟକ ମଧ୍ୟରୁ ‘ରାସ୍ତା’, ‘ଅନ୍ଧ ପ୍ରତିବିମ୍ବ’, ‘କାଗଜ ଫୁଲର ରଙ୍ଗ’, ‘ଯାତ୍ରୀ’ ସର୍ବଭାରତୀୟସ୍ତରରେ ପୁରସ୍କୃତ ହୋଇଛି ।
କଲେଜ ଜୀବନରେ ବିକ୍ରମ ଦେବ ମହାବିଦ୍ୟାଳୟ ନାଟ୍ୟ ସମ୍ପାଦକ ନିର୍ବାଚିତ ହୋଇଥିଲେ ଜୟନ୍ତ । ସେତେବେଳେ ଶ୍ରେଷ୍ଠ ଅଭିନେତା ଭାବେ ମଧ୍ୟ ସେ ପୁରସ୍କୃତ ହୋଇଥିଲେ । ଏହାପରେ ପରେ ନାଟକ ନିଶାରେ ସେ ଯେମିତି ସବୁକିଛି ଭୁଲିଗଲେ । ଚୌଧୁରୀ ବିକାଶ ଦାସଙ୍କ ନିର୍ଦ୍ଦେଶିତ ‘ଆମେ ସବୁ ଧ୍ରୁତରାଷ୍ଟ୍ର’ରେ ତାଙ୍କୁ ଏକ ବଳିଷ୍ଠ ଭୂମିକାରେ ଦେଖିବାକୁ ମିଳିଥିଲା । ଏହାବାଦ୍‌ ‘ଦେବଯାନୀ’, ‘ମାତୃପୂଜା’, ‘ବିଷକନ୍ୟା’, ‘ରାମଦାସ ତୁମେ ହାରିଗଲ’, ‘ଲୁଲୁବାୟା’ରେ ଅଭିନୟ କରି ବେଶ୍‌ ପ୍ରଶଂସା ସାଉଁଟିଛନ୍ତି ।
‘ଫେରିଆ’-କମ୍‌ ବ୍ୟାକ୍‌ରେ ଏକାଧିକ ଚରିତ୍ରଙ୍କର ସଂଳାପ କୋରାପୁଟିଆ ଭାଷାରେ ରହିଛି । ଏହି କୋରାପୁଟିଆ ଭାଷାର ସଂଳାପ ଜୟନ୍ତ ସାନ୍ତରା ହିଁ ଲେଖିଛନ୍ତି । ଏପରିକି ଫିଲ୍ମରେ ଦେଖିବାକୁ ମିଳିବ କିଛି କୋରାପୁଟିଆ ଢଗଢ଼ମାଳି, ଯାହାକୁ ଜୟନ୍ତ ହିଁ ରୂପ ଦେଇଛନ୍ତି । ଫିଲ୍ମର ଶୁଟିଂ ସମୟରେ ନିଜେ ନିର୍ଦ୍ଦେଶକ ମିହିର ରଞ୍ଜନ ଆଚାର୍ଯ୍ୟଙ୍କ ପାଖେ ପାଖେ ରହି ସଂଳାପ ଉଚ୍ଚରାଣକୁ ତଦାରଖ କରିଥିଲେ ନିଜେ ଜୟନ୍ତ । ଯିଦିଓ ଜୟନ୍ତଙ୍କୁ ଫିଲ୍ମରେ ଭିଲେନ୍‌ ଭୂମିକାରେ ଦେଖିବାକୁ ମିଳିବ କିନ୍ତୁ ଅସଲ ଜୀବନରେ ତାଙ୍କଠାରୁ ଜଣେ ମେଳାପୀ ଓ ଶୃଙ୍ଖଳିତ ବ୍ୟକ୍ତି ଦେଖିନାହାନ୍ତି ବୋଲି ନିର୍ଦ୍ଦେଶକ ମିହିର କୁହନ୍ତି ।