ମୁମ୍ବାଇ: ଅବୈଧ ବାଂଲାଦେଶୀମାନଙ୍କ ବିରୁଦ୍ଧରେ ମୁମ୍ବାଇ ପୋଲିସର କାର୍ଯ୍ୟାନୁଷ୍ଠାନ ଜାରି ରହିଛି । ଏହି ଅଭିଯାନକୁ ଆଗକୁ ନେବା ସହ ମୁମ୍ବାଇ ପୋଲିସ ୧୬ ଜଣ ବାଂଲାଦେଶୀ ନାଗରିକଙ୍କୁ ଗିରଫ କରିଛି । ଏହି ଅପରେସନ୍ ମୁମ୍ବାଇ ପୋଲିସର ଜୋନ୍-୧ ଅନ୍ତର୍ଗତ ପୋଲିସ ଷ୍ଟେସନର ୧୪ଟି ଭିନ୍ନ ଭିନ୍ନ ଟିମ୍ ଦ୍ୱାରା କରାଯାଇଛି । ପୋଲିସ ଟିମ୍ ମାତ୍ର ଦୁଇ ଦିନ ମଧ୍ୟରେ ମୁମ୍ବାଇ ଏବଂ ଏହାର ଆଖପାଖର ଅଞ୍ଚଳରୁ ଏହି ବାଂଲାଦେଶୀ ନାଗରିକମାନଙ୍କୁ ଗିରଫ କରିଛି । ୧୪ଟି ପୋଲିସ ଟିମ୍ ମାନଖୁର୍ଦ, ଭାସି, କାଲାମ୍ବୋଲି, ପାନଭେଲ ଏବଂ ଅନ୍ୟାନ୍ୟ ସ୍ଥାନରୁ ଏହି ଅଭିଯୁକ୍ତମାନଙ୍କୁ ଗିରଫ କରିଛନ୍ତି ।
ଏହା ସହିତ, ଅନ୍ୟ ଦୁଇ ବାଂଲାଦେଶୀ ନାଗରିକଙ୍କ ବିରୋଧରେ ମଧ୍ୟ ଏକ ମାମଲା ରୁଜୁ କରାଯାଇଛି । ପୂର୍ବରୁ, ପୋଲିସ ମହାରାଷ୍ଟ୍ରର ଥାନେ ଜିଲ୍ଲାରେ ଅବୈଧ ଭାବରେ ରହୁଥିବା ୯ ଜଣ ବାଂଲାଦେଶୀ ନାଗରିକଙ୍କୁ ଗିରଫ କରିଥିଲା । ସୂଚନା ଆଧାରରେ, ପୋଲିସ ଭିୱାଣ୍ଡିର ଠାକୁର ପଡ଼ା ଅଞ୍ଚଳରେ ଚଢାଉ କରି ସେମାନଙ୍କୁ ଗିରଫ କରିଛି । ସେମାନରେ ରହୁଥିବା ଘରର ମାଲିକଙ୍କ ବିରୋଧରେ ମଧ୍ୟ ଏକ ମାମଲା ରୁଜୁ କରାଯାଇଛି ।
ଯାତ୍ରା ଏବଂ ଏଠାରେ ରହିବା ଲାଗି ସେମାନେ ସମ୍ବନ୍ଧୀୟ ବୈଧ କାଗଜପତ୍ର ଦେଖାଇବାରେ ବିଫଳ ହୋଇଥିଲେ। ସେମାନଙ୍କଠାରୁ ମିଳିଥିବା ପରିଚୟ ପତ୍ରଗୁଡ଼ିକ ନକଲି ଥିଲା, ଯାହା ବେଆଇନ ଭାବରେ ସେମାନେ ହାସଲ କରିଥିଲେ । ପୋଲିସ ତାଙ୍କଠାରୁ ୭୦,୦୦୦ ଟଙ୍କା ମୂଲ୍ୟର ୬ଟି ମୋବାଇଲ୍ ଫୋନ୍ ମଧ୍ୟ ଜବତ କରିଛି । ଭାରତୀୟ ନ୍ୟାୟ ସଂହିତାର ଏବଂ ପାସପୋର୍ଟ (ଭାରତରେ ପ୍ରବେଶ) ଆଇନର ଧାରା ୩୩୬ (୨) (ଜାଲିଆତି) ଅନୁଯାୟୀ ଏକ ମାମଲା ପଞ୍ଜିକୃତ ହୋଇଛି । ଘରମାଲିକଙ୍କ ବିରୋଧରେ ମାମଲା ରୁଜୁ ହୋଇଛି ।
