PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆପଡା ସାଲେଭଟା ଛକରେ ରକ୍ତାକ୍ତ ଅବସ୍ଥାରେ ଯୁବକ-ଯୁବତୀ ଉଦ୍ଧାର
  • ||
  • ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁରକ୍ଷାରେ ଗୁରୁତର ତ୍ରୁଟି, ହେଲିକପ୍ଟର ଉଡାଣ ଭରିବା କ୍ଷଣି ମଝି ଆକାଶରେ ଦେଖାଗଲା କଳା ବେଲୁନ୍, ୪ କଂଗ୍ରେସ କର୍ମୀ ଗିରଫ
  • ||
  • ବିଧାନସଭା ଭିତରକୁ ଧସେଇ ପଶିବାକୁ ଉଦ୍ୟମ ବେଳେ ପୋଲିସ-ଛାତ୍ର କଂଗ୍ରେସ ମଧ୍ୟରେ ଧସ୍ତାଧସ୍ତି
  • ||
  • ନୂଆପଡା ଉଦ୍ୟାନବନ୍ଧ କ୍ରିଷ୍ଣା ଛକରେ ଟ୍ରକ ଧକ୍କାରେ ୪ ଜଣଙ୍କ ମୃତ୍ୟୁ
  • ||
  • ବୌଦ୍ଧ : କଣ୍ଟାମାଳ ବ୍ଲକ୍ ମନମୁଣ୍ଡା ରେଞ୍ଜ୍ ଅନ୍ତର୍ଗତ ରତାଖଣ୍ଡି ସଂରକ୍ଷିତ ଜଙ୍ଗଲରେ ଫାଶରେ ପଡ଼ି ଏକ ଭାଲୁର ମୃତ୍ୟୁ
  • ||
  • କୋଲକାତା : ମାତ୍ର ୭୫ ଟଙ୍କା ପାଉଣା ଫେରସ୍ତ ଦାବିରେ ଦେଖାଦେଇଥିଲା ଅଶାନ୍ତି, ନମାଜ ପଢ଼ି ଫେରିବା ବାଟରେ ବୃଦ୍ଧଙ୍କୁ ପିଟିପିଟି ହତ୍ୟା
  • ||
  • ଭୁବନେଶ୍ବର : ୨୦୧୯ ରୁ ୨୦୨୨ ମଧ୍ୟରେ ରାଜ୍ୟରେ ପଞ୍ଜିକୃତ ହୋଇଛି ୧୦ ହଜାର ୧୨୯ ଦୁଷ୍କର୍ମ ମାମଲା : ଗୃହରାଷ୍ଟ୍ର ମନ୍ତ୍ରୀ
  • ||
  • ଭୁବନେଶ୍ବର : ଜୁଲାଇ ୬ରେ ମାଟ୍ରିକ ପରୀକ୍ଷା ଫଳ ଘୋଷଣା । ଦିନ ୧ଟାରେ ପ୍ରକାଶ ପାଇପ ରେଜଲ୍ଟ । ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ସୂଚନା ।
  • ||
  • ଗୋଚ୍ଛାପଡ଼ା/ଫୁଲବାଣୀ : ବହୁଚର୍ଚ୍ଚିତ ଯୋଡ଼ାମୁଣ୍ଡ ଶିଶୁ ଜଗାର ଖପୁରି ୩ ବର୍ଷ ମଧ୍ୟରେ ପ୍ରତିରୋପଣ କରାଯିବ । ଦିଲ୍ଲୀ ଏମସ୍‌ ନ୍ୟୁରୋ ସର୍ଜରୀ ଡାକ୍ତର ଦୀପକ ଗୁପ୍ତାଙ୍କ ସୂଚନା ।
  • ||
  • ନୂଆଦିଲ୍ଲୀ : ଆନ୍ଧ୍ରପ୍ରଦେଶ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଅଲ୍ଲୁରୀ ସୀତାରାମ ରାଜୁଙ୍କ ପ୍ରତିମୂର୍ତ୍ତି କରିବେ ଉନ୍ମୋଚନ
  • ||
  • କୋଟପାଡ଼ : କୋଟପାଡ଼ ମୀନାବଜାରରେ ଦୋଳି ଖେଳୁଥିବା ବେଳେ ଜଣେ ନାବଳିକାଙ୍କ ହୃଦ୍‌ଘାତରେ ମୃତ୍ୟୁ
  • ||
  • ମୁମ୍ବାଇ: ମହାରାଷ୍ଟ୍ର ରାଜନୀତିରେ ପୁଣିଥରେ ଏକନାଥଙ୍କ ବାଜିମାତ୍। ଫ୍ଳୋର ଟେଷ୍ଟରେ ବହୁମତ ହାସଲ କରିଛନ୍ତି ସିନ୍ଦେ। ସିନ୍ଦେଙ୍କୁ ୧୬୪ ସଦସ୍ୟ ସମର୍ଥନ କରିଥିବା ସୂଚନା।
  • ||
  • ଧର୍ମଗଡ଼ : କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଚଞ୍ଚରମୁଣ୍ଡା ଛକ ବିଜୁ ଏକ୍ସପ୍ରେସ୍ ରାସ୍ତା କଡ଼ରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ନୂଆଦିଲ୍ଲୀ : ହିମାଚଳ ପ୍ରଦେଶର କୁଲ୍ଲୁରେ ବସ୍ ଦୁର୍ଘଟଣା, ସ୍କୁଲ ପିଲାଙ୍କ ସମେତ ୧୬ଜଣଙ୍କର ମୃତ୍ୟୁ ଆଶଙ୍କା
  • ||
  • ନୂଆଦିଲ୍ଲୀ : ମିସ୍ ଇଣ୍ଡିଆ ୱାର୍ଲ୍ଡ ୨୦୨୨ : ବିଜୟ ମୁକୁଟ ପିନ୍ଧିଲେ ସିନି ଶେଟ୍ଟୀ
  • ||
  • ନୂଆଦିଲ୍ଲୀ : ଭାଙ୍ଗିଗଲା ଆଲପାଇନ୍ ଗ୍ଲାସିୟରର ବିଶାଳ ଖଣ୍ଡ, ୫ ମୃତ
  • ||
  • ଭୁବନେଶ୍ବର : ମାଟ୍ରିକ୍ ରେଜଲ୍ଟ ପ୍ରକାଶ ନେଇ ବୋର୍ଡର ସମସ୍ତ ପ୍ରସ୍ତୁତି ଶେଷ, ସଚିବାଳୟରେ ଆଜି ନିଆଯିବ ଚୂଡ଼ାନ୍ତ ନିଷ୍ପତ୍ତି
  • ||
  • ବାଲିପାଟଣା : ବାଲିଘାଟକୁ କେନ୍ଦ୍ର କରି ଯୁବକଙ୍କୁ ଖଣ୍ଡାମାଡ଼, ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି
  • ||
  • ନୂଆଦିଲ୍ଲୀ : ଆଇସିୟୁରେ ଭର୍ତ୍ତି ହେଲେ ଲାଲୁ ଯାଦବ, ପଡ଼ିଯିବା କାରଣରୁ ହୋଇଥିଲେ ଆହତ
  • ||
  • ଡେନମାର୍କ : ଡେନମାର୍କର ସପିଂ ମଲରେ ଫୁଟିଲା ଗୁଳି, ୩ଜଣଙ୍କର ମୃତ୍ୟୁ
  • ||

ପ୍ରାର୍ଥୀ ଘୋଷଣା ପରେ ତେଜିଲା ବିଦ୍ରୋହର ନିଆଁ

source:www.oneindia.com

ଭୁବନେଶ୍ୱର,୧୯ ।୩(ବ୍ୟୁରୋ): ‘ଟିକେଟ ମିଳିବ ବୋଲି ପ୍ରତିଶ୍ରୁତି ମିଳିଥିଲା । ଏପରିକି ମୋ ବଦଳରେ ପତ୍ନୀଙ୍କୁ ମିଳିବ ବୋଲି କହିଲେ । ମାତ୍ର ଘୋଷିତ ତାଲିକାରେ ନାଁ ରହିଲାନି । ଏହା ବେଶ୍‌ ଆଘାତ ଦେଇଛି । ନାମାଙ୍କନ ଦାଖଲ ପାଇଁ ୫ ଦିନ ବାକି ଅଛି । ଶୁଭେଛୁ ଓ କର୍ମୀଙ୍କ ସହ ଆଲୋଚନା କରି ନିଷ୍ପତ୍ତି ନେବି । ମୋ ଟିକେଟ କାହିଁକି କଟିଲା, ଦଳ ଜବାବ ଦେଉ ।’ ବିଜେଡି ଟିକେଟରୁ ବଞ୍ଚିତ ହେବା ପରେ ଏମିତିି ନାଲିଆଖି ଦେଖାଇଛନ୍ତି କଳାହାଣ୍ଡି ସାଂସଦ ଅର୍କ କେଶରୀ ଦେଓ । ବିଜେଡିକୁ କରିଛନ୍ତି ବାଏ ..ବାଏ.. । ବରଗଡ଼ର ପୂର୍ବତନ କଂଗ୍ରେସ ବିଧାୟକ ସାଧୁ ନେପାକ ବି ଅସନ୍ତୋଷ ଝାଡ଼ିଛନ୍ତି । ଟିକେଟ କଟିବା ପରେ ପ୍ରତିକ୍ରିୟାଶୀଳ ହୋଇ କହିଛନ୍ତି, ଏଠି ଷଡ଼ଯନ୍ତ୍ର ଚାଲିଛି । କଂଗ୍ରେସରୁ ଇସ୍ତଫା ମଧ୍ୟ ଦେଇଛନ୍ତି ସାଧୁ । ବିଜେପିରେ ଭେଟେରାନ ଦାମୋଦର ରାଉତ ଯୋଗ ଦେବା ପରେ ବାଲିକୁଦାଏରସମା ବିଜେପି ନେତା ରଘୁନନ୍ଦନ ଦାସ ନବୀନ ନିବାସମୁହାଁ ହୋଇଛନ୍ତି ।

ବିଜେଡି, କଂଗ୍ରେସ ଓ ବିଜେପି, ତିନି ଦଳରେ ଏବେ ସମାନ ଅବସ୍ଥା । ପ୍ରାର୍ଥୀପତ୍ର ଦାଖଲ ପୂର୍ବରୁ ଅସନ୍ତୋଷ ଓ ବିଦ୍ରୋହର ନିଆଁ ତେଜିଛି । ଗୋଟିଏ କି ଦୁଇଟି ଜାଗାରେ ନୁହେଁ ଅଧିକାଂଶ ନିର୍ବାଚନମଣ୍ଡଳୀରେ ଟିକେଟ୍‌ ଆରମ୍ଭ ହୋଇଛି ଛକାପଞ୍ଝା । ଦଳରେ ଉପୁଜିଥିବା ଅସନ୍ତୋଷକୁ କେମିତି ପ୍ରଶମିତ କରିହେବ ତା’ର ବାଟ ଖୋଜୁଛନ୍ତି ଦଳପତି । ମାତ୍ର କିଛି ବୁଦ୍ଧିବାଟ ଦିଶୁନି । ବିଦ୍ରୋହୀଙ୍କ ଗୋଟିଏ ଦାବି, ଆମକୁ ଟିକେଟ
ଦିଅ । ତିନି ଦଳରେ ତେଜିଛି ଅସନ୍ତୋଷର ଝଡ଼ । ଗୋଦରା କୋଡ଼େ ଯେତେ ମାଡ଼େ ସେତେ ଭଳି ତିନି ଦଳରେ ଏବେ ବିଦ୍ରୋହୀଙ୍କ ଟେନସନରେ ମୁଣ୍ଡବିନ୍ଧା ଆରମ୍ଭ ହୋଇଛି । ଭୋଟ ପୂର୍ବରୁ ତିନି ଦଳରେ ଏବେ ବିଦ୍ରୋହର ବହ୍ନି । ଟିକେଟରୁ ବଞ୍ଚିତ ହେବା ପରେ କିଏ ଦଳ ଛାଡ଼ିଲାଣି, ଆଉ କିଏ ଧମକ ଦେଲାଣି । ଏ ସ୍ଥିତିକୁ ନିୟନ୍ତ୍ରଣ କରିବାକୁ କିଛି ବି ରଣକୌଶଳ କାଟୁ କରୁନି । ବାଲିବନ୍ଧ ଭାଙ୍ଗିଲାଣି । ଦଳପତିଙ୍କ ଘଳିଆ ବାନ୍ଧିବା ଉଦ୍ୟମ ଫେଲ୍‌ ମାରୁଛି । ଅନ୍ୟ ଦଳକୁ ଡେଇଁବାକୁ ଗୋଟିି ଚଳାଉଛନ୍ତି ବିଦ୍ରୋହୀ । ଚଳିତ ନିର୍ବାଚନ ପୂର୍ବରୁ ଏ ଟଣାଓଟରା ବେଶ୍‌ ତେଜିଛି । କଳାହାଣ୍ଡିରୁ ତାଙ୍କୁ ବିଜେଡି ଟିକେଟ ନଦେଲେ ମଧ୍ୟ ପତ୍ନୀ ମାଳବିକାଙ୍କୁ ନିଶ୍ଚୟ ଦେବ । ଏମିତି ଆଶା ବାନ୍ଧିଥିଲେ କଳାହାଣ୍ଡି ବିଜେଡ଼ି ସାଂସଦ ଅର୍କକେଶରୀ ଦେଓ ।

ମାତ୍ର ତାଲିକାରେ ସାଂସଦ ଟିକେଟ ପାଇଲେ ପୂର୍ବତନ ମନ୍ତ୍ରୀ ପୁଷ୍ପେନ୍ଦ୍ର ସିଂହଦେଓ । ଅର୍କଙ୍କ ଅଭିଯୋଗ, ପୁଷ୍ପେନ୍ଦ୍ରଙ୍କ ନେତୃତ୍ୱରେ ବିଜେଡି ପଞ୍ଚାୟତ ନିର୍ବାଚନ ଲଢ଼ି ଶୋଚନୀୟ ପରାଜୟ ବରଣ କରିଥିଲା । ମାତ୍ର ଏହା ସତ୍ତେ୍ୱ ଦଳ ପୁଷ୍ପେନ୍ଦ୍ରଙ୍କୁ ଭରସା କଲା, ଅର୍କଙ୍କ ହାତ ଛାଡ଼ିଦେଲା । କ୍ଷୁବ୍ଧ ଅର୍କ ଦିଲ୍ଲୀରେ ଡେରା ପକାଇଛନ୍ତି । ବିଜେପି ସହ ଯୋଗସୂତ୍ର ଆରମ୍ଭ କରିଥିବା ସୂଚନା ମିଳିଛି । ବିଧାନସଭା ଟିକେଟ ହରାଇଥିବା ବିଧାୟକମାନେ ମଧ୍ୟ ଯୁଦ୍ଧଂ ଦେହି ଡାକରା ଦେଇଛନ୍ତି । ପାରଳାଖେମୁଣ୍ଡି ଆସନରୁ ପୁଣି ଶଙ୍ଖ ଟିକେଟ୍‌ ପାଇବେ ବୋଲି ପୂର୍ବତନ ବିଧାୟକ କେ.ନାରାୟଣ ରାଓ ଆଶାବାଦୀ ଥିଲେ । ମାତ୍ର ସେଠି ରାଜକନ୍ୟା କଲ୍ୟାଣୀ ଗଜପତିଙ୍କୁ ଧରି ମଇଦାନକୁ ଓହ୍ଲାଇବ ବୋଲି ଦଳ ନିଷ୍ପତ୍ତି ନେବା ପରେ ଶ୍ରୀ ରାଓ ବିଜେଡିରୁ ଇସ୍ତଫା ଦେଇଛନ୍ତି । ଦଳ ଜଣେ ଅଜଣା ମହିଳାଙ୍କୁ ଟିକେଟ ଦେଇ ମୋ ପ୍ରତି ଅନ୍ୟାୟ କରିଛି ବୋଲି ସେ ଅଭିଯୋଗ ଆଣିଛନ୍ତି । କନ୍ଧମାଳ ସାଂସଦ ପ୍ରତ୍ୟୁଷା ରାଜେଶ୍ୱରୀଙ୍କ ଟିକେଟ କଟିବା ପରେ ସେ ବିଗିଡ଼ି ଯାଇଛନ୍ତି । ଦିଲ୍ଲୀରେ ଡେରା ପକାଇଛନ୍ତି । ନୟାଗଡ଼ରୁ ସେ ଲଢ଼ିବାକୁ ଆଗ୍ରହୀ ଅଛନ୍ତି ।ଯଦି ଦଳ ତାଙ୍କୁ ଟିକେଟ୍‌ ନ ଦିଏ ସେ ଅନ୍ୟ ଦଳରୁ କିମ୍ବା ସ୍ୱାଧୀନ ଭାବେ ଭୋଟ ଲଢ଼ିବେ ବୋଲି ମୃଦୁ ଧମକ ଦେଇଛନ୍ତି । ନବୀନ ତାଙ୍କୁ ନୟାଗଡ଼ରେ ଅରୁଣ ସାହୁଙ୍କ ସ୍ଥାନରେ ଟିକେଟ ଦେବେ ବୋଲି ଆଶା କମ୍‌ ।

ପୋଲସରା ପାଇଁ ବିଜେଡି ଆଶାୟୀ ଆରତୀ ଦେବୀ ଦଳ ବିରୋଧରେ ଗର୍ଜନ କରିଥିଲା ବେଳେ ଜୁନାଗଡ଼ ଆସନରୁ ଟିକେଟ ଆଶାରେ ଥାଇ ବଞ୍ଚିତ ପ୍ରମୋଦ ପଟ୍ଟନାୟକ ଦଳ ଛାଡ଼ିଛନ୍ତି । ସୁନ୍ଦରଗଡ଼ ଆସନରେ କଂଗ୍ରେସ ଛାଡ଼ି ଆସିଥିବା ଯୋଗେଶ ସିଂହଙ୍କ ଉପରେ ନବୀନ ଭରସା କରିବାରୁ ଅସନ୍ତୁଷ୍ଟ ହୋଇ କୁସୁମ ଟେଟେ ଆଜି ଦଳରୁ ଇସ୍ତଫା ଦେଇଛନ୍ତି । ୫ ବର୍ଷ କାଳ ତାଙ୍କୁ ଖଟାଇ ଏବେ ଅନ୍ୟ ଲୋକଙ୍କୁ ଟିକେଟ ଦେବା ତାଙ୍କୁ ବାଧିଛି ବୋଲି କୁସୁମ କାନ୍ଦି କାନ୍ଦି କହିଛନ୍ତି । କଣ୍ଟାବାଞ୍ଝି ବିଧାୟକ ଆୟୁବ ଖାଁ ଟିକେଟ ନପାଇ ବିଦ୍ରୋହ ଆରମ୍ଭ କରିଛନ୍ତି ।

ପୂର୍ବରୁ ଏହି ଟିକେଟ୍‌ ବଣ୍ଟାକୁ ନେଇ ସାଂସଦ ବଳଭଦ୍ର ମାଝୀ ଓ ବିଧାୟକ ସୁକାନ୍ତ ନାୟକ ଦଳ ଛାଡ଼ି ସାରିଛନ୍ତି । ବିଜେଡି ଆହୁରି ୧୨ ଲୋକସଭା ଏବଂ ୯୩ ବିଧାନସଭା ଟିକେଟ ଘୋଷଣାକୁ ବାକି ଅଛି । ଦ୍ୱିତୀୟ ଦ‘ା ଟିକେଟ ଘୋଷଣା ପରେ ବିଜେଡିରେ ଅସନ୍ତୋଷ ଆହୁରି ଉଗ୍ର ରୂପ ନେଇପାରେ । ଏପରିକି କିଛି ଦିନ ମଧ୍ୟରେ ଦଳରୁ ଆଉ କିଛି ହେଭିୱେଟ୍‌ ଅନ୍ୟ ଦଳକୁ ଡେଇଁ ପାରନ୍ତି ବୋଲି ଅନୁମାନ କରାଯାଉଛି ।
କଂଗ୍ରେସ ପ୍ରଥମ ଦ‘ାରେ ୬ ଲୋକସଭା ୩୬ ବିଧାନସଭା କ୍ଷେତ୍ର ପାଇଁ ଟିକେଟ ଘୋଷଣା କରିଛି । ପ୍ରାର୍ଥୀ ତାଲିକା ଘୋଷଣା ପରେ କଂଗ୍ରେସରେ ବି ଅସନ୍ତୋଷ ଉଗ୍ର ରୂପ ନେଇଛି । ବରିଷ୍ଠ ନେତା ତଥା ଦଳର ମୁଖ୍ୟ ଛାଟିଆ ତାରା ପ୍ରସାଦ ବାହିନୀପତି ଟିକେଟ ବଣ୍ଟନ ନେଇ ଖୋଲା ଅସନ୍ତୋଷ ଜାହିର୍‌ କରିଛନ୍ତି । ବରଗଡ଼ର ପୂର୍ବତନ ବିଧାୟକ ସାଧୁ ନେପାକ ଟିକେଟରୁ ବଞ୍ଚିତ ହେବା ପରେ ଦଳ ଛାଡ଼ିଛନ୍ତି । ବରିଷ୍ଠ କଂଗ୍ରେସ ନେତା ପୂର୍ବତନ ବିଧାୟକ ନିମାଇଁ ସରକାର ମଧ୍ୟ ଟିକେଟରୁ ବଞ୍ଚିତ ହେବା ପରେ କଂଗ୍ରେ ଛାଡ଼ିବାକୁ ନିଷ୍ପତ୍ତି ନେଇଛନ୍ତି ।

ମହିଳା କଂଗ୍ରେସ ସଭାନେତ୍ରୀ ସୁମିତ୍ରା ଜେନା ମଧ୍ୟ ଟିକେଟ ବଣ୍ଟନରେ ମନମାନିକୁ ନେଇ ନିଜ ଅସନ୍ତୋଷ ଝାଡ଼ିଛନ୍ତି । ସେ ଗଣମାଧ୍ୟମକୁ କହିଛନ୍ତି, ୩୬ ଜଣ ମହିଳାଙ୍କ ତାଲିକା ଦେଇଥିଲୁ, ମାତ୍ର ଜଣେ ମହିଳା ଟିକେଟ୍‌ ପାଇଛନ୍ତି । ଯଦି ଉପଯୁକ୍ତ ଭାବେ ମହିଳାଙ୍କୁ ଟିକେଟ ନମିଳେ, ତେବେ ଆମେ ପ୍ରତିବାଦ କରିବୁ । ତାଙ୍କୁ ଭଦ୍ରକ ଟିକେଟ ନମିଳିଲେ, ଆଉ ଯିଏ କଂଗ୍ରେସରୁ ପାଇବ ୫ ହଜାର ଭୋଟ୍‌ ମିଳିବନି ବୋଲି ସୁମିତ୍ରା ଧମକାଇଛନ୍ତି ।
ବିଜେପି ପ୍ରାର୍ଥୀ ତାଲିକା ଘୋଷଣା ହୋଇନି । ତେଣୁ ଦଳରେ ଏଯାଏ ଅସନ୍ତୋଷ ପଦାକୁ ଆସିନି । ମାତ୍ର ଦଳକୁ ଅନ୍ୟ ଦଳରୁ ବିଦ୍ରୋହୀମାନେ ଡିଆଁ ମାରୁଥିବାରୁ ପୁରୁଖା ନେତାମାନେ ନିଜ ଟିକେଟ କଟିବା ଚିନ୍ତାରେ ଅଛନ୍ତି । ବାଲିକୁଦାରେ ଦାମଙ୍କୁ ରଘୁନନ୍ଦନ ବିରୋଧ କରି ବିଜେଡିମୁହାଁ ହେଲା ଭଳି ଅନ୍ୟ କିଛି ସ୍ଥାନରେ ମଧ୍ୟ ସମାନ ସମସ୍ୟା । ବିଜେପି ଟିକେଟ ଘୋଷଣା ପରେ ଅସନ୍ତୋଷ ଲକ୍ଷ୍ମଣରେଖା ଯେ ଡେଇଁବ ତାହା ଜଳଜଳ ।

ସମ୍ବନ୍ଧିତ ଖବର