ନୂଆଦିଲ୍ଲୀ,୦୧/୩:ଉତ୍ତରପ୍ରଦେଶରେ ମର୍ମନ୍ତୁଦ ସଡ଼କ ଦୁର୍ଘଟଣା । ଟ୍ରକ୍କୁ ଧକ୍କା ଦେଲା ଯାତ୍ରୀବାହି ବସ୍ । ଫଳରେ ୪ ଜଣଙ୍କ ମତ୍ୟୁ ହୋଇଥିବା ବେଳେ ୨୦ ଜଣ ଆହତ ହୋଇଛନ୍ତି । ତେବେ ସମସ୍ତ ଆହତଙ୍କୁ ନିକଟସ୍ଥ ଡ଼ାକ୍ତରଖାନାରେ ଭର୍ତ୍ତି କରାଯାଇଛି । ଉତ୍ତରପ୍ରଦେଶର ଆଗ୍ରା-ଲକ୍ଷ୍ନୌ ଏକ୍ସପ୍ରେସ ଓ୍ବେରେ ଏହି ଘଟଣା ଘଟିଛି ।
ଷ୍ଟେସନ ହାଉସ୍ ଅଫିସର୍ ଡିପି ତିୱାରୀ କହିଛନ୍ତି ଯେ,ସାରା ରାତି ଗାଡ଼ି ଚଲାଇବା ଯୋଗୁଁ ଡ୍ରାଇଭରଙ୍କୁ ନିଦ ଆସିଥିଲା ଏବଂ ସେ ଏକ ଗାଡ଼ିକୁ ଓଭରଟେକ୍ କରିବାକୁ ଚେଷ୍ଟା କରିଥିଲେ। ଏହି ସମୟରେ ବସ୍ ଟି ଭାରସାମ୍ୟ ହରାଇ ଟ୍ରକ୍ ସହିତ ଧକ୍କା ଦେଇଥିଲା। ଧକ୍କା ଏତେ ଜୋରଦାର ଥିଲା ଯେ ବସ୍ର ସମ୍ମୁଖ ଭାଗ ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଥିଲା। ପୋଲିସ ଉଭୟ ଗାଡ଼ିକୁ ଜବତ କରି ଏକ ମାମଲା ରୁଜୁ କରିଛି। ପୋଷ୍ଟମର୍ଟମ ପରେ ମୃତଦେହଗୁଡ଼ିକୁ ପରିବାରବର୍ଗଙ୍କୁ ହସ୍ତାନ୍ତର କରାଯାଇଛି। କ୍ଷତିଗ୍ରସ୍ତ ଗାଡ଼ିଗୁଡ଼ିକୁ କ୍ରେନ୍ ସାହାଯ୍ୟରେ ରାସ୍ତାରୁ ହଟାଇ ଟୋଲ୍ ନମ୍ବର ୨୧ରେ ରଖାଯାଇଛି। ହିନ୍ଦୁସ୍ତାନ ଟାଇମ୍ସର ରିପୋର୍ଟ ଅନୁଯାୟୀ, ଘରୋଇ ସ୍ଲିପର ବସ୍ ୩୦ଜଣ ଭକ୍ତଙ୍କୁ ନେଇ ଯାତ୍ରା କରୁଥିଲା। ପ୍ରୟାଗରାଜ ମହାକୁମ୍ଭରେ ସ୍ନାନ କରିବା ପରେ, ଭକ୍ତମାନେ ବାରଣାସୀ ଯାଇଥିଲେ। ସେଠାରୁ ଜୟପୁର ଫେରୁଥିବା ସମୟରେ ବସ୍ ଟି ଦୁର୍ଘଟଣାଗ୍ରସ୍ତ ହୋଇଥିଲା। ସମସ୍ତ ଭକ୍ତ ଗଭୀର ନିଦ୍ରାରେ ଶୋଇଥିବା ବେଳେ ଏହି ଦୁର୍ଘଟଣା ଘଟିଥିଲା। ହଠାତ୍ ଏକ ଜୋରରେ ବିସ୍ଫୋରଣ ହେଲା ଏବଂ ସମସ୍ତ ଶ୍ରଦ୍ଧାଳୁ ନିଜ ସିଟ୍ରୁ ଉଠିଯାଇଥିଲେ । ସେପଟେ ଦୁର୍ଘଟଣା ପରେ ସ୍ଥାନୀୟ ବାସିନ୍ଦା ଉଦ୍ଧାରକାର୍ଯ୍ୟ ଆରମ୍ଭ କରିଥିଲେ । ଦୁର୍ଘଟଣାରେ ମୃତ୍ୟୁବରଣ ସମସ୍ତ ଲୋକ ରାଜସ୍ଥାନ, ଆଗ୍ରା ଓ ମିର୍ଜାପୁର ବୋଲି ଜଣାପଡିଛି।
