ନୂଆଦିଲ୍ଲୀ,୨୭/୦୨; ଚଳିତବର୍ଷ ତାମିଲନାଡୁରେ ନିର୍ବାଚନ ଅନୁଷ୍ଠିତ ହେବ । ଏହା ପୂର୍ବରୁ ରାଜ୍ୟରାଜନୀତିରେ ବଡ଼ ହଲଚଲ ଦେଖିବାକୁ ମିଳିଛି । ନିର୍ବାଚନ ପୂର୍ବରୁ ତାମିଲନାଡୁ ଆଞ୍ଚଳିକ ଦଳରେ ପରିବର୍ତ୍ତନ ଦେଖିବାକୁ ମିଳିଛି । ଡିଏମକେରେ ଯୋଗ ଦେଇଛନ୍ତି ଓ.ପନ୍ନିରସିଲଭମ । ଚେନ୍ନାଇରେ ଷ୍ଟାଲିନଙ୍କ ଉପସ୍ଥିତିରେ ଶାସକ DMKରେ ଯୋଗ ଦେଇଛନ୍ତି ୩ ଥରର ମୁଖ୍ୟମନ୍ତ୍ରୀ ପନ୍ନିରସିଲଭମ । ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଓ. ପନ୍ନିରସେଲଭମ ଆଜି ଡିଏମକେରେ ଯୋଗ ଦେଇଛନ୍ତି । ଏହା ଦକ୍ଷିଣ ତାମିଲନାଡୁରେ ଡିଏମକେର ଭୋଟ ବ୍ୟାଙ୍କକୁ ପ୍ରଭାବିତ କରିପାରେ । କିଛି ଦିନ ପୂର୍ବରୁ ତାଙ୍କୁ AIADMKରୁ ବହିଷ୍କୃତ ପନ୍ନିରସିଲଭମ ।

ଡିଏମ୍‌କେ କାର୍ଯ୍ୟକର୍ତ୍ତାଙ୍କ ମହଲରେ ଖୁସି- ଓ.ପନ୍ନିରସିଲଭମ ୩ ଥର ତାମିଲନାଡୁ ମୁଖ୍ୟମନ୍ତ୍ରୀ ରହିଛନ୍ତି । ତାଙ୍କୁ ଦିବଙ୍ଗତ ମୁଖ୍ୟମନ୍ତ୍ରୀ ଜୟଲଳିତାଙ୍କର ସବୁଠାରୁ ବିଶ୍ୱସ୍ତ ଲେପ୍ଟନାଣ୍ଟ ଭାବେ ବିବେଚନା କାରଯାଏ । ଦୀର୍ଘ ଦିନ ଧରି ପନ୍ନିରସିଲଭମ ଏବଂ ଏଆଇଏଡିଏମକେ ମଧ୍ୟରେ ଚାଲିଥିବା ନେତୃତ୍ୱ ବିବାଦ ପାଇଁ ତାଙ୍କୁ ଦଳକୁ  ବହିଷ୍କାର କରାଯାଇଥିଲା । ରାଜନୈତିକ ବିଶ୍ଳେଷକମାନେ ବିଶ୍ୱାସ କରନ୍ତି କି ପନ୍ନିରସଲଭମଙ୍କ ଡିଏମକେରେ ଯୋଗଦେବା ଦକ୍ଷଣ ତାମିଲନାଡୁ ଭୋଟବ୍ୟାଙ୍କକୁ ପ୍ରଭାବିତ କରିପାରେ । ଯେଉଁଠାରେ ଥେବର ସମ୍ପ୍ରଦାୟ ମଧ୍ୟରେ ତାଙ୍କର ସମର୍ଥନ  ଦୃଢ ବୋଲି ବିବେଚନା କରାଯାଏ । ପନ୍ନିରସଲଭମ ଡିଏମକେରେ ଯୋଗ ଦେବା ପରେ ଦଳୀୟ କର୍ମୀଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ଡିଏମକେ  କର୍ମୀ ଅଭିଷେକ ଖୁସି ପ୍ରକାଶ କରିଛନ୍ତି । ସେ କହିଛନ୍ତି, ''ଏହା ଏକ ସୁନ୍ଦର ଦିନ । ଲୋକମାନେ ପ୍ରମାଣ କରୁଛନ୍ତି ଆମେ ପୁଣି ଏକ ଶକ୍ତିଶାଳୀ ସରକାର ଗଠନ କରିବାକୁ ଯାଉଛି । ଆମେ ଏବେ ଆହୁରି ଶକ୍ତିଶାଳୀ ହେବୁ । ଡିଏମକେରେ ଓପିଏସ ଯୋଗଦେବା ଏହା ଦର୍ଶାଉଛି ଯେ ଏହା ଆମ ନେତୃତ୍ୱ କ୍ଷମତାକୁ ଦର୍ଶାଏ ଯେ ଜଣେ ପୂର୍ବ ମୁଖ୍ୟମନ୍ତ୍ରୀ ଆମ ସହିତ ଯୋଗ ଦେଇଛନ୍ତି । ଆମକୁ ପରାସ୍ତ କରିବାକୁ କେହି ନାହାନ୍ତି । ''​​​​​​​​​​​​​​

ତିକ୍ତ ଅଭିଜ୍ଞତାର ଅନ୍ତ...ଡିଏମକେରେ ଯୋଗ ଦେବା ପରେ ପନ୍ନିରସିଲଭମ କହିଛନ୍ତି, ମୁଁ ଯେଉଁ ନିଷ୍ପତ୍ତି ନେଇଛି ତାହା ମୋର ନିଜସ୍ୱ, ମୋ ପାଇଁ ତିକ୍ତ ଅଭିଜ୍ଞତାର ପୂର୍ଣ୍ଣଚ୍ଛେଦ ପକାଇବା ପାଇଁ ନିଷ୍ପତ୍ତି ନେଇଥିଲି । ଷ୍ଟାଲିନ୍ ଲୋକଙ୍କୁ ସୁଶାସନ ଦେଉଛନ୍ତି, ଏବଂ ଲୋକମାନେ ଏହା ଦେଖୁଛନ୍ତି । EPS ନିଶ୍ଚିତ କରିବାକୁ ଆଗ୍ରହୀ ଯେ ଦକ୍ଷିଣର କୌଣସି ନେତା ଶକ୍ତିଶାଳୀ ନ ହୁଅନ୍ତି। ଦ୍ରାବିଡ଼ ଆନ୍ଦୋଳନକୁ ରକ୍ଷା କରିବା ପାଇଁ, ଦ୍ରାବିଡ଼ଙ୍କ ନୀତି, ଏହା ହେଉଛି DMK ଯାହା କାମ କରୁଛି । ମୁଁ ଏବେ ଏକ କର୍ମୀ ଭାବରେ ଯୋଗ ଦେଇଛି । ମୁଁ ଦଳର କର୍ମୀମାନଙ୍କ ମଧ୍ୟରେ ଜଣେ ହେବି ଏବଂ ଦଳର ବିକାଶ ପାଇଁ କାମ କରିବି ।"

ଏହା ବି ପଢନ୍ତୁ...ମାଡ଼ି ଆସୁଛି ଭୟଙ୍କର ଘୂର୍ଣ୍ଣିଝଡ଼ ‘ହୋରାସିଓ’; ସବୁଠି ହାଇ-ଆଲର୍ଟ, ବଦଳିବ ଦେଶର ପାଗ 

​​​​​​​​​​​​​​୩ ଥରର ମୁଖ୍ୟମନ୍ତ୍ରୀ ଓ.ପନ୍ନିରସିଲଭମ- କହି ରଖୁଛୁ କି, ଓ.ପନ୍ନିରସିଲଭମ ପ୍ରଥମେ ୨୦୦୧ ମସିହାରେ ତାମିଲନାଡୁ ମୁଖ୍ୟମନ୍ତ୍ରୀ ହୋଇଥିଲେ । ମାତ୍ର ୬ ମାସ ପରେ ଇସ୍ତଫା ଦେଇଥିଲେ । ଏହା ପରେ ୨୦୧୪ରେ ଦ୍ୱିତୀୟ ଥର ମୁଖ୍ୟମନ୍ତ୍ରୀ ଭାବେ କାର୍ଯ୍ୟ କରିଥିଲେ । ଏହା ମାତ୍ର ଗୋଟିଏ ମାସରେ ସରିଥିଲା । ପନ୍ନିରସିଲଭମ ଏହାପରେ ୨୦୧୬ରେ ତୃତୀୟ ଥର ପାଇଁ ରାଜ୍ୟର ମୁଖ୍ୟମନ୍ତ୍ରୀ ହୋଇଥିଲେ । ବର୍ଷକ ମଧ୍ୟରେ ଅର୍ଥାତ ୨୦୧୭ରେ ଇସ୍ତଫା ଦେଇଥିଲେ ।

​​​​​​​