ପ୍ରମୂଖ ଖବର
  • ଭୁବନେଶ୍ୱର: ୧୯ରେ ବିଜେଡି ବିଧାୟକ ଦଳ ବୈଠକ, ଅଧକ୍ଷତା କରିବେ ସୁପ୍ରିମୋ ନବୀନ ପଟ୍ଟନାୟକ
  • ||
  • ଦାର୍ଜିଲିଂରେ ଭୟଙ୍କର ଟ୍ରେନ୍ ଦୁର୍ଘଟଣା, ଏକ୍ସପ୍ରେସ୍ ଟ୍ରେନ୍‌କୁ ପଛ ପଟୁ ଧକ୍କା ଦେଲ ମାଲବାହୀ ଟ୍ରେନ୍, ୮ ଯାତ୍ରୀ ମୃତ, ୨୦ରୁ ଅଧିକ ଆହତ
  • ||
  • ନୀଳଗିରି: ରଜ ଉତ୍ସବରେ ଅଘଟଣ।ଝାଡ଼ାବାନ୍ତି ରେ ୯ ଗୁରୁତର ,୨ ଅସୁସ୍ଥ
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କ ରାଜେନ୍ଦ୍ରାଭିଷେକ ନୀତି, ମଙ୍ଗଳବାର ଋକ୍ମିଣୀ ବିବାହ ଉତ୍ସବ
  • ||
  • ସରିଲା ଗ୍ରୀଷ୍ମ ଛୁଟି, କାଲିଠୁ ଖୋଲିବ ସ୍କୁଲ: ଶିକ୍ଷକ ଆସି କରିବେ ସମସ୍ତ ବ୍ୟବସ୍ଥା
  • ||
  • ନୂଆପଡା ଲଛିପୁର ଛକରେ ଟ୍ରାକ୍ଟର୍କୁ ପିଟିଲା କାର, ମର୍ମନ୍ତୁଦ ଦୁର୍ଘଟଣାରେ ଚାଲିଗଲା ୪ ଜୀବନ
  • ||
  • ନାକେଦମ୍‌ କଲାଣି ଭୀଷଣ ତାତି ସାଙ୍ଗକୁ ଗୁଳୁଗୁଳି: ଆଗଉନି ମୌସୁମୀ, ବର୍ଷା ଗାଏବ
  • ||

‘ହାଲ୍’କୁ ବାୟୁସେନା ମୁଖ୍ୟଙ୍କ ସମାଲୋଚନା

ନୂଆଦିଲ୍ଲୀ: ଯୁଦ୍ଧବିମାନ ନିର୍ମାଣରେ ବିଳମ୍ବ କରୁଥିବାରୁ ରାଷ୍ଟ୍ରାୟତ ଉଦ୍ୟୋଗ ହିନ୍ଦୁସ୍ତାନ ଏରୋନଟିକ୍ସ ଲିମିଟେଡ୍ (ହାଲ)କୁ କଡ଼ା ସମାଲୋଚନା କରିଛନ୍ତି । ବାୟୁସେନା ମୁଖ୍ୟ ଏୟାର ଚିଫ ମର୍ଶାଲ ବି.ଏସ୍ ଧନୋଆ କହିଛନ୍ତି, ହାଲ୍କୁ ସମର୍ଥନ କଲେ ଆମର ଲଢ଼ିବା ଶକ୍ତି ପ୍ରଭାବିତ ହେବ । କମ୍ପାନିକୁ ଆମେ ରିହାତି ଦେବ ନାହିଁ ।
ଏଠାରେ ଗୁରୁବାର ଆୟୋଜିତ ଏକ କାର୍ଯ୍ୟକ୍ରମରେ ଅଂଶଗ୍ରହଣ କରି ଏୟାର ଚିଫ୍ ମର୍ଶାଲ ଧନୋଆ କହିଛନ୍ତି ସ୍ୱଦେଶୀ ଜ୍ଞାନ କୋ÷ଶଳରେ ଯୁଦ୍ଧ ବିମାନ ନିର୍ମାଣକୁ ବାୟୁସେନା ନିର୍ମାଣ କରିଛନ୍ତି । କିନ୍ତୁ ସେଥିରେ ବହୁ ବିଳମ୍ବ ହେଉଛି । ହାଲ୍କୁ ୧୯୮୫ରେ ୨୦ଟି ହାଲୁକା ଯୁଦ୍ଧବିମାନ (ଏଲ୍ସିଏ) ‘ତେଜସ’ ନିର୍ମାଣ ପାଇଁ ଅର୍ଡ଼ର ଦିଆଯାଇଥିଲା । କିନ୍ତୁ ୩୪ ବର୍ଷ ପରେ କମ୍ପାନି ମାତ୍ର ୧୦ଟି ବିମାନ ନିର୍ମାଣ କରି ଯୋଗାଇବାରେ ସକ୍ଷମ ହେଇଛି । ତେବେ ଏହି ବିଳମ୍ବ ପାଇଁ ବାୟୁସେନା ନିଜେ ଦାୟୀ ବୋଲି ପ୍ରକାଶିତ ଖବରକୁ ଖଣ୍ଡନ କରିଛନ୍ତି । ବାୟୁସେନାର ମୁଖ୍ୟ ଭାବେ ହାଲ୍କୁ ଆମେ ଏହି ବିଳମ୍ବ ପାଇଁ ରିହାତି ଦେଇପାରିବୁ । କିନ୍ତ ସୀମାରେ ଲଢ଼ିବାବେଳେ ଶତ୍ରୃ କଣ ଆମକୁ ରିହାତି ହେବ କି ବୋଲି ସେ ପଚାରିଛନ୍ତି । ବାୟୁସେନା ଲଗାତାର ମାନଦଣ୍ଡ ପରିବର୍ତନ କରୁଥିବାର ହାଲ୍ ରେ ତେଜସ ନିର୍ମାଣ ବିଳମ୍ବ ହେଉଛି ବୋଲି ଖବର ପ୍ରକାଶ ପାଇବା ପରେ ଏୟାରଚିଫ୍ ମର୍ଶାଲ ଧନୋଆ ଏହା କହିଛନ୍ତି ।
କେନ୍ଦ୍ର ସରକାର ଫ୍ରାନ୍ସର ଦାସଲ୍ଫ ଆଭିଏସନ କମ୍ପାନିଠାରୁ ୩୬ଟି ରାଫେଲ ଯୁଦ୍ଧ ବିମାନ କିଣିବା ପାଇଁ ଚୁକ୍ତି କରିଥିଲା ବେଳେ ସେଥିରେ ହାଲ୍କୁ ବାଦ୍ ଦେଇ ଅନୀଲ ଅମ୍ବାନିଙ୍କ ରିଲାଏନ୍ସ ଠିଫେନ୍ସକୁ ଅଫସେଟ୍ ପାର୍ଟନର କରାଯିବାକୁ ନେଇ ବିରୋଧୀମାନେ ପ୍ରଧାନମନ୍ତ୍ରୀଙ୍କୁ ସମାଲୋଚନା କରିଥିଲା ବେଳେ ବାୟୁସେନା ମୁଖ୍ୟଙ୍କ ଏଭଳି ବୟାନ ବେଶ୍ ଗୁରୁତ୍ୱ ବହନ କରୁଛି । ବାୟୁସେନା ବର୍ତମାନ ହାଲ୍ ନିକଟକୁ ୪୦ଟି ଏଲ୍ସିଏଏମ୍ କେଆଇ-୧ ପାଇବାକୁ ଥିବାବେଳେ ୮୩ଟି ଏଲ୍ସିଏଏମ୍ କେଆଇ-୧ଏ ଯୋଗାଇବାକୁ ମଧ୍ୟ ପ୍ରସ୍ତାବ ଦେଇଛି । ସ୍ୱଦେଶୀ ଜ୍ଞାନକୋ÷ଶଳରେ ନିର୍ମିତ ଯୁଦ୍ଧବିମାନ ପରୀକ୍ଷା କିମ୍ବା ଉଡ଼ାଣ ବେଳେ ଘଟୁଥିବା ଅଘଟଣ ବିଷୟରେ ଏୟ।।ରଚିଫ୍ ମାର୍ଶଲ ଧନୋଆ ଉଲ୍ଲେଖ କରିଥିଲେ । କହିଥିଲେ ସ୍ୱଦେଶୀ ଯୁଦ୍ଧବିମାନ ଦୁର୍ଘଟଣା ଯୋଗୁଁ ଏପର୍ଯ୍ୟନ୍ତ ୧୭ଜଣ ପାଇଲଟ ଓ ଇଞ୍ଜିନିୟରଙ୍କର ମୃତ୍ୟୁ ଘଟିଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.