ହାତରେ ଗୁଡାଇ ନେଉଥିଲେ ୧.୫ କିଲୋ ସୁନା, କ୍ୟାବିନ୍ କର୍ମଚାରୀଙ୍କୁ ଗିରଫ କଲା ଏୟାର ଇଣ୍ଡିଆ

କୋଚି ୦୯/୦୩ : ଏୟାର ଇଣ୍ଡିଆର ଜଣେ କ୍ୟାବିନ କର୍ମଚାରୀଙ୍କ ଦ୍ୱାରା ଚୋରା ଚାଲାଣ ମାମଲା ସାମ୍ନାକୁ ଆସିଛି। ସୁନା ଚୋରା ଚାଲାଣ ଅଭିଯୋଗରେ କୋଚି ବିମାନ ବନ୍ଦରରେ ଏୟାର ଇଣ୍ଡିଆର ଜଣେ କ୍ୟାବିନ କର୍ମଚାରୀଙ୍କୁ ଗିରଫ କରାଯାଇଛି। ୱାୟାନାଡର ମୂଳ ବାସିନ୍ଦା ଶାଫିଙ୍କୁ କଷ୍ଟମ୍ସ ଅଧିକାରୀମାନେ କୋଚିରେ ୧ କିଲୋ ୪୮୭ ଗ୍ରାମ ସୁନା ସହିତ ଗିରଫ କରିଛନ୍ତି।

ସୂଚନା ଅନୁଯାୟୀ, କଷ୍ଟମ୍ସ ଅଧିକାରୀଙ୍କୁ ପୂର୍ବରୁ ସୂଚନା ମିଳିଥିଲା ଯେ କ୍ୟାବିନ କ୍ରୁ ସଦସ୍ୟ ଶାଫି ସୁନା ଚୋରା ଚାଲାଣ କରିବାକୁ ଯାଉଛନ୍ତି। ସୁନା ଚୋରା ଚାଲାଣ ପାଇଁ ଶାଫି ଏକ ଭିନ୍ନ ଉପାୟ କରିଥିଲେ, କିନ୍ତୁ ସେ ସେଥିରେ ସଫଳ ହେବା ପୂର୍ବରୁ ଧରାପଡିଗଲେ। ସେ ହାତରେ ସୁନା ଗୁଡ଼ାଇ ସାର୍ଟର ହାତକୁ ଘୋଡାଇ ଗ୍ରୀନ୍ ଚ୍ୟାନେଲ ଦେଇ ଯିବାକୁ ଯୋଜନା କରିଥିଲେ। ତେବେ ଏ ବିଷୟରେ ଶାଫିଙ୍କୁ ଅଧିକ ପଚରାଉଚୁରା କରାଯାଉଛି।

Kochi | Air India cabin crew Shafi, a native of Wayanad, was arrested at Kochi Airport for smuggling 1,487 gms of gold. The cabin crew was of Bahrain-Kozhikode-Kochi service. Further interrogation underway: Customs Preventive Commissionerate pic.twitter.com/1nxVzF2fA7

— ANI (@ANI) March 8, 2023

ଏହା ପୂର୍ବରୁ ସିଙ୍ଗାପୁରର ଦୁଇଜଣ ଯାତ୍ରୀଙ୍କୁ ୩.୩୨ କୋଟି ଟଙ୍କା ମୂଲ୍ୟର ୬.୮ କିଲୋଗ୍ରାମ ସୁନା ନେଉଥିବା ଅଭିଯୋଗରେ ଚେନ୍ନାଇ ବିମାନବନ୍ଦରରେ ଗିରଫ କରାଯାଇଛି। ଅଧିକାରୀଙ୍କ କହିବାନୁସାରେ, ଯାତ୍ରୀ -୩୪୭ ଏବଂ ୬E-୫୨ ସିଙ୍ଗାପୁରରୁ ଚେନ୍ନାଇରେ ପହଞ୍ଚିଥିଲେ।