PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜସ୍ଥାନରେ ବାୟୁସେନାର ବିମାନ କ୍ରାସ୍‌: ଖସିବା ମାତ୍ରେ ଲାଗିଲା ନିଆଁ, ପ୍ରଚଣ୍ଡ ଶବ୍ଦରେ ଥରି ଉଠିଲା ପୁରା ଗାଁ
  • ||
  • ଧାନବାଦ: ହସ୍ପିଟାଲରେ ଭୀଷଣ ଅଗ୍ନିକାଣ୍ଡ ଯୋଗୁଁ ଡାକ୍ତର ଦମ୍ପତ୍ତିଙ୍କ ସହ ୬ ମୃତ, ଅଳ୍ପକେ ଉଦ୍ଧାର ହେଲେ ରୋଗୀ
  • ||
  • ମଧ୍ୟପ୍ରଦେଶରେ ବାୟୁସେନାର ଯୁଦ୍ଧ ବିମାନ ସୁଖୋଇ ଓ ମିରାଜ ୨୦୦୦ ଦୁର୍ଘଟଣାଗ୍ରସ୍ତ
  • ||

ଏହି ଏୟାରଟେଲ୍ ୟୁଜର୍ସଙ୍କ ପାଇଁ ସିମ୍ ଚାଲୁ ରଖିବା ହେଲା ମହଙ୍ଗା, ଖର୍ଚ୍ଚ କରିବାକୁ ହେବ ଏତେ ଟଙ୍କା…

ନୂଆଦିଲ୍ଲୀ ୨୭/୧୧: ଏୟାରଟେଲ୍ ଗତ ସପ୍ତାହରେ ନିଜ ମିନିମମ୍ ପ୍ଲାନକୁ ମହଙ୍ଗା କରିଦେଇଥିଲା । ଏଥିରେ ଏୟାରଟେଲର ପ୍ରିପେଡ୍ ୟୁଜର୍ସଙ୍କୁ ସିମ୍ ଆକ୍ଟିଭ୍ ରଖିବା ପାଇଁ ଅଧିକ ମହଙ୍ଗା ରିଚାର୍ଜ ପ୍ଲାନ୍ ନେବାକୁ ପଡିବ । ଗତ ବର୍ଷ କମ୍ପାନୀମାନେ ନିଜ ପ୍ରିପେଡ୍ ପ୍ଲାନ୍ସକୁ ମହଙ୍ଗା କରିଦେଇଥିଲେ । ଏବେ ଲାଗୁଛି କି କମ୍ପାନୀମାନେ ପୁଣି ରିଚାର୍ଜ ପ୍ଲାନ୍ସକୁ ମହଙ୍ଗା କରୁଛନ୍ତି ।

ପୂର୍ବରୁ ଏୟାରଟେଲ୍ ୟୁଜର୍ସଙ୍କୁ ସିମ୍ ଆକ୍ଟିଭ୍ ରଖିବା ପାଇଁ ୯୯ ଟଙ୍କିଆ ପ୍ଲାନ୍ ନେବାକୁ ପଡୁଥିଲା । ଏହି ପ୍ରିପେଡ୍ ପ୍ଲାନ ସହିତ ୟୁଜର୍ସଙ୍କୁ ୯୯ ଟଙ୍କାର ଟକଟାଇମ୍, ୨.୫ ପଇସା ପ୍ରତି ସେକେଣ୍ଡ ଭଏସ୍ କଲ ଏବଂ ୨୦୦ ଏମବି ଡାଟା ଦିଆଯାଉଥିଲା । ଗତ ସପ୍ତାହରେ ଏହାର ଦାମକୁ କମ୍ପାନୀ ୨ ଟେଲିକମ୍ ସର୍କଲ ହରିୟାଣା ଏବଂ ଓଡିଶାରେ ବଢାଇଥିଲା । ରିପୋର୍ଟ ଅନୁସାରେ ଏହି ୨ ସର୍କଲରେ ମିନିମମ୍ ରିଚାର୍ଜ ପ୍ଲାନ୍ ବଢାଇବା ପରେ କମ୍ପାନୀ ଦ୍ୱିତୀୟ ସର୍କଲରେ ମଧ୍ୟ ରିଚାର୍ଜ ପ୍ଲାନ୍ସକୁ ମହଙ୍ଗା କରିପାରେ । ଏହି ୨ ସର୍କଲରେ ମିନିମମ୍ ରିଚାର୍ଜ ପ୍ଲାନକୁ କମ୍ପାନୀ ୧୫୫ ଟଙ୍କା କରିଦେଇଛି ।

କମ୍ପାନୀର ୧୫୫ ଟଙ୍କିଆ ପ୍ରିପେଡ୍ ପ୍ଲାନ୍ ଅନଲିମିଟେଡ୍ କଲ୍, ୧ ଜିବି ଡାଟା ଏବଂ ୩୦୦ ଏମଏମଏସ୍ ସହିତ ଆସିଥାଏ । ଏହି ପ୍ରିପେଡ୍ ପ୍ଲାନର ବୈଧତା ୨୪ ଦିନ । ଅର୍ଥାତ୍ ଏୟାରଟେଲ୍ ୟୁଜର୍ସଙ୍କ ପାଇଁ ଏବେ ସିମ୍ ଚାଲୁ ରଖିବା ମହଙ୍ଗା ହୋଇଯିବ । ଏଥିପାଇଁ ହରିୟାଣା ଏବଂ ଓଡିଶାରେ ଅତି କମରେ ୧୫୫ ଟଙ୍କିଆ ପ୍ଲାନ୍ ନେବାକୁ ହେବ । ଯଦି କମ୍ପାନୀ ଅନ୍ୟ ସର୍କଲରେ ମଧ୍ୟ ଏମିତି କରେ ତେବେ ୟୁଜର୍ସଙ୍କ ପାଇଁ ବଡ ଝଟକା ହେବ । ଅନେକ ୟୁଜର୍ସ ଏୟାରଟେଲ୍ ସିମକୁ ସେକେଣ୍ଡାରୀ ସିମ୍ ରୂପେ ବ୍ୟବହାର କରନ୍ତି । ଏଭଳି କ୍ଷେତ୍ରରେ କେବଳ ସିମ୍ ଚାଲୁ ରଖିବା ପାଇଁ ଯଦି କିଏ ପ୍ଲାନ୍ ନେବାକୁ ଚାହିଁବ ତେବେ ତାଙ୍କୁ ୧୫୫ ଟଙ୍କା ଖର୍ଚ୍ଚ କରିବାକୁ ପଡିପାରେ ।

ସମ୍ବନ୍ଧିତ ଖବର