ନୂଆଦିଲ୍ଲୀ, ୧।୪: ଏବେ ସାରା ଦେଶରେ IPL ୨୦୨୬ର କ୍ରେଜ୍ । କ୍ରିକେଟ୍ ପ୍ରେମୀମାନେ ଯେପରି ବିନା କୌଣସି ବାଧାରେ ମ୍ୟାଚ୍ର ଆନନ୍ଦ ନେଇପାରିବେ, ସେଥିପାଇଁ ଟେଲିକମ୍ କମ୍ପାନୀମାନଙ୍କ ମଧ୍ୟରେ ଏବେ ‘ପ୍ଲାନ୍ ୱାର୍’ ଆରମ୍ଭ ହୋଇଛି । ଏହି ରେସ୍ରେ ସମସ୍ତଙ୍କୁ ପଛରେ ପକାଇ ଏୟାରଟେଲ୍ ନିଜ ଗ୍ରାହକଙ୍କ ପାଇଁ ଅତି ଶସ୍ତା ଡାଟା ପ୍ଲାନ୍ ଲଞ୍ଚ୍ କରିଛି । ମାତ୍ର ୪୮ ଟଙ୍କାରେ କମ୍ପାନୀ ଏବେ ଡାଟା ସହିତ OTT ବେନିଫିଟ୍ ପ୍ରଦାନ କରୁଛି ।
ଏୟାରଟେଲ୍ର ୪୮ ଟଙ୍କିଆ ପ୍ଲାନ୍ର ବିଶେଷତ୍ୱ:
ଏୟାରଟେଲ୍ ପକ୍ଷରୁ ଅଣାଯାଇଥିବା ଏହି ନୂଆ ପ୍ଲାନ୍ଟି ମୁଖ୍ୟତଃ ଏକ 'ଡାଟା ଭାଉଚର' । ଏହାର ମୁଖ୍ୟ ଆକର୍ଷଣ ଗୁଡ଼ିକ ହେଲା:
ଡାଟା: ଏଥିରେ ୟୁଜର୍ସଙ୍କୁ 1GB 4G ଡାଟା ମିଳିବ ।
OTT ବେନିଫିଟ୍: ସବୁଠାରୁ ବଡ଼ କଥା ହେଉଛି, ଏହି ଅଳ୍ପ ଟଙ୍କାର ପ୍ଲାନ୍ରେ କମ୍ପାନୀ ଜିଓ ହଟ୍ଷ୍ଟାର୍ର ଏକ ମାସ ପାଇଁ ମୋବାଇଲ୍ ସବ୍ସ୍କ୍ରିପସନ୍ ସମ୍ପୂର୍ଣ୍ଣ ମାଗଣାରେ ଦେଉଛି ।
IPL ୨୦୨୬ ଦେଖିବା ପାଇଁ ୟୁଜର୍ସମାନେ ଯେପରି ଜିଓ ହଟ୍ଷ୍ଟାର୍ର ଆକ୍ସେସ୍ ପାଇପାରିବେ, ସେଥିପାଇଁ କମ୍ପାନୀ ଏହି ମାଷ୍ଟରଷ୍ଟ୍ରୋକ୍ ଖେଳିଛି । କେବଳ ୪୮ ଟଙ୍କା ନୁହେଁ, ଏୟାରଟେଲ୍ ପାଖରେ ଜିଓ ହଟ୍ଷ୍ଟାର୍ର ସୁବିଧା ଥିବା ଅନ୍ୟ କେତେକ ପ୍ଲାନ୍ ମଧ୍ୟ ରହିଛି । ସେଗୁଡ଼ିକ ହେଲା:
୧୯୫ ଟଙ୍କା, ୨୭୯ ଟଙ୍କା ଏବଂ ୩୬୧ ଟଙ୍କିଆ ପ୍ଲାନ୍: ଏହି ପ୍ଲାନ୍ଗୁଡ଼ିକରେ ଡାଟା ସହ OTT ସୁବିଧା ମିଳୁଛି ।
Netflix ବେନିଫିଟ୍: ୨୭୯ ଟଙ୍କିଆ ପ୍ଲାନ୍ରେ ଗ୍ରାହକଙ୍କୁ Netflix ଏବଂ ZEE5 ର ସବ୍ସ୍କ୍ରିପସନ୍ ମଧ୍ୟ ମିଳୁଛି, ଯାହାର ବୈଧତା ଏକ ମାସ ରହିଛି ।
ଏହା ବି ପଢ଼ନ୍ତୁ... ଏଣିକି ଇନଷ୍ଟାଗ୍ରାମ ଚଲାଇଲେ ଗଣିବେ ଟଙ୍କା ! ଆସୁଛି ନୂଆ ସବସ୍କ୍ରିପସନ ମଡେଲ, ଜାଣନ୍ତୁ କ'ଣ ରହିଛି ଖାସ୍ ଫିଚର୍ସ
Airtel ବନାମ Jio: କାହାର ପ୍ଲାନ୍ ବେଷ୍ଟ ?
ରିଲାଏନ୍ସ ଜିଓ ମଧ୍ୟ ନିଜ ୟୁଜର୍ସଙ୍କ ପାଇଁ ସ୍ୱତନ୍ତ୍ର ପ୍ଲାନ୍ ରଖିଛି, କିନ୍ତୁ ଏୟାରଟେଲ୍ ତୁଳନାରେ ଏହା ଟିକେ ମହଙ୍ଗା ।
ଜିଓର ୧୦୦ ଟଙ୍କିଆ ପ୍ଲାନ୍: ଜିଓ ୟୁଜର୍ସଙ୍କୁ ଜିଓ ହଟ୍ଷ୍ଟାର୍ର ସବ୍ସ୍କ୍ରିପସନ୍ ପାଇଁ ଅତି କମ୍ରେ ୧୦୦ ଟଙ୍କା ଖର୍ଚ୍ଚ କରିବାକୁ ପଡ଼ିବ ।
ଏୟାରଟେଲ୍ ୪୮ ଟଙ୍କାରେ ମାତ୍ର 1GB ଡାଟା ଦେଉଥିବା ବେଳେ, ଜିଓ ୧୦୦ ଟଙ୍କାରେ 5G ଡାଟା ସହିତ ୩୦ ଦିନ ପାଇଁ ଜିଓ ହଟ୍ଷ୍ଟାର୍ ମୋବାଇଲ୍ ଆକ୍ସେସ୍ ପ୍ରଦାନ କରୁଛି ।
କିପରି କରିବେ ରିଚାର୍ଜ ?
ଗ୍ରାହକମାନେ ଏହି ନୂଆ ୪୮ ଟଙ୍କିଆ ପ୍ଲାନ୍କୁ ଏୟାରଟେଲ୍ର ଅଫିସିଆଲ୍ ୱେବସାଇଟ୍ କିମ୍ବା ‘Airtel Thanks App’ ବ୍ୟବହାର କରି ରିଚାର୍ଜ କରିପାରିବେ । ଏହା ପ୍ରାୟ ସମସ୍ତ ଟେଲିକମ୍ ସର୍କଲ୍ରେ ଉପଲବ୍ଧ ହେଉଛି । ଯଦି ଆପଣ କମ୍ ଖର୍ଚ୍ଚରେ IPL ମ୍ୟାଚ୍ର ଆନନ୍ଦ ନେବାକୁ ଚାହୁଁଛନ୍ତି, ତେବେ ଏୟାରଟେଲ୍ର ଏହି ୪୮ ଟଙ୍କିଆ ପ୍ଲାନ୍ ଆପଣଙ୍କ ପାଇଁ ସର୍ବୋତ୍ତମ ବିକଳ୍ପ ହୋଇପାରେ ।
