ସାମ୍ନାକୁ ଆସିଲା ଫିଲ୍ମ ‘କେଶରୀ’ର ଦମଦାର ଟିଜର, ଦେଖନ୍ତୁ ଭିଡିଓ

ମୁମ୍ବାଇ ୧୨/୨: ଅକ୍ଷୟ କୁମାରଙ୍କ ପ୍ରତୀକ୍ଷିତ ଫିଲ୍ମ କେଶରୀର ଟିଜର ରିଲିଜ ହୋଇସାରିଛି । ଗତ କିଛି ଦିନଧରି ସୋସିଆଲ ମିଡିଆରେ ଫିଲ୍ମର ଟିଜର ଆସିବ ବୋଲି ଘୋଷଣା ହେଉଥିଲା । ଦର୍ଶକ ଏଥିପାଇଁ ବହୁତ ଉତ୍ସାହିତ ଥିଲେ । ଏବେ ଫିଲ୍ମର ଟିଜର ସାମ୍ନାକୁ ଆସିଯାଇଛି । ଟିଜରରେ ଦେଖିବାକୁ ମିଳୁଛି ଯେ ଶିଖ୍ ସୈନିକ ଓ ଆଫଗାନୀଙ୍କ ମଧ୍ୟରେ ଯୁଦ୍ଧ ହେଉଛି । ଏହି ସମୟରେ ହଜାର ହଜାର ସୈନିକଙ୍କ ଉପରୁ ନଜର ହଟି କ୍ୟାମେରା ସିଧା ସଳଖ ଜଣେ ଶିଖ୍ ସୈନିକଙ୍କ ଖଣ୍ଡା ଉପରେ ଫୋକସ୍ କରାଯାଉଛି ।

କେଶରୀର ଟିଜର ରିଲିଜ ପୂର୍ବରୁ ଏହାର ପୋଷ୍ଟର ରିଲିଜ କରାଯାଇଥିଲା । ଏଥିରେ ଅକ୍ଷୟକୁମାର ଭିନ୍ନ ରୂପରେ ନଜର ଆସିଥିଲେ । ଏହି ଫିଲ୍ମ ଧର୍ମା ପ୍ରଡକ୍ସନ ବ୍ୟାନରରେ ନିର୍ମାଣ ହେଉଛି । ଫିଲ୍ମକୁ ପ୍ରଡ୍ଯୁସ୍ କରୁଛନ୍ତି କରଣ ଜୋହର ।

ତେବେ ଆପଣଙ୍କୁ କହିରଖୁଛୁ ଫିଲ୍ମର କାହାଣୀ ସାରାଗଢୀର ଯୁଦ୍ଧ ଉପରେ ଆଧାରିତ । ସତ୍ଯ ଘଟଣା ଉପରେ ଆଧାରିତ ଏହି ଫିଲ୍ମରେ ଅକ୍ଷୟ କୁମାର ଦମଦାର ଲୁକ୍ ଓ ଦମଦାର୍ ଭୂମିକାରେ ନଜର ଆସିଛନ୍ତି । ଅକ୍ଷୟ କୁମାରଙ୍କ ବ୍ୟତୀତ ଫିଲ୍ମରେ ପରିଣୀତି ଚୋପ୍ରା ମଧ୍ୟ ନଜର ଆସିବେ । ଏହା ପ୍ରଥମ ଥର ପାଇଁ ହେବ ଯେତେବେଳେ ଅକ୍ଷୟ ଓ ପରିଣୀତିଙ୍କ ଯୋଡି ଦେଖିବାକୁ ମିଳିବ । କହିରଖୁଛୁ ୨୧ ମାର୍ଚ୍ଚରେ ଏହି ଫିଲ୍ମ ରିଲିଜ ହେବ ।