PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ସିଏମ୍ ପଦରୁ ଉଦ୍ଧବ ଠାକରେଙ୍କ ଇସ୍ତଫା ପରେ କଣ ରହିଛି ବିଜେପିର ପ୍ଲାନ୍? ଫଡନବୀସ-ସିନ୍ଦେ ମେଣ୍ଟ ସରକାର ଗଠନ ନେଇ ଜୋରଦାର ଚର୍ଚ୍ଚା
  • ||
  • ‘ଦେଶରୁ କଂଗ୍ରେସ ମୂଳପୋଛ ହୋଇଯିବା ଉଚିତ, ଖାସ୍‌ ସେହି ଦଳ ପାଇଁ ଦୁଇଦୁଇ ଥର ପ୍ରଧାନମନ୍ତ୍ରୀ ହେଲେଣି ମୋଦି’: ଅସଦୁଦ୍ଦିନ ଓଓ୍ବେସୀ
  • ||
  • ମମିତା ମେହେର ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁକୁ ମିଳିଲା ଅନ୍ତରୀଣ ଜାମିନ
  • ||
  • ଅଗଷ୍ଟ ୬ରେ ଉପରାଷ୍ଟ୍ରପତି ନିର୍ବାଚନ, ଜୁଲାଇ ୧୭ ନାମାଙ୍କନର ଶେଷ ତାରିଖ : ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଧିବଦ୍ଧ ଭାବେ ପ୍ରକାଶ ପାଇଲା ବିଜ୍ଞପ୍ତି
  • ||
  • ଡାବୁଗାଁ ବ୍ଲକ ଅନ୍ତର୍ଗତ ଯବାଗୁଡ଼ା ଗ୍ରାମରେ ପ୍ରେମୀଯୁଗଳଙ୍କ ଆତ୍ମହତ୍ୟା
  • ||
  • ପରକୀୟା ପ୍ରୀତି ସନ୍ଦେହ କରି ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ସ୍ବାମୀ
  • ||
  • ଭୁବନେଶ୍ୱର : ରାଜ୍ୟରେ ପୁଣି ବଢ଼ିଲା କରୋନା ମାମଲା, ୨୪ ଘଣ୍ଟାରେ ୧୬୧ କରୋନା ପଜିଟିଭ୍
  • ||
  • ନୟାଗଡ଼ : ଟ୍ରକ୍‌କୁ ପଛପଟୁ ପିଟିଲା କାର୍, ୮ ଆହତ
  • ||
  • କଟକ : ଭିଜିଲାନ୍ସ ପଞ୍ଝାରେ ସହକାରୀ ଯନ୍ତ୍ରୀ, ଏକକାଳୀନ ୪ଟି ସ୍ଥାନରେ ଚାଲିଛି ରେଡ୍
  • ||
  • ପାଟଣା : ଦୁଇ ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଲୁଟେରା, ଝିଅ ବାହାଘର ପାଇଁ ରଖିଥିଲେ ସୁନାଗହଣା
  • ||
  • ମାଲକାନଗିରି : ବିଜାପୁରରେ ମାଓ ହିଂସା, ପୋଲିସ ଇନଫର୍ମର ସନ୍ଦେହରେ ସରପଞ୍ଚଙ୍କୁ ଗଳା କାଟି ହତ୍ୟା
  • ||

ଆମାଜନ୍‌, ୱାଲ୍‌ମାର୍ଟକୁ ଝଟ୍‌କା: ନୂଆ ଇ-କମର୍ସ ନୀତି ଯୋଗୁ ବଜାର ମୂଲ୍ୟ ୩,୬୩,୧୪୭ କୋଟି ହ୍ରାସ

source:http://www.ohmyindia.com

ନୂଆଦିଲ୍ଲୀ,୨ା୨(ଏଜେନ୍ସି): ଶୁକ୍ରବାରଠାରୁ ଭାରତରେ କାର୍ଯ୍ୟକାରୀ ହୋଇଛି ନୂଆ ଇ-କମର୍ସ ନୀତି । ଲାଗୁ ହେବାର ମାତ୍ର କିଛି ଘଣ୍ଟା ପରେ ଏହାର ଝଟ୍‌କା ଅନୁଭବ କରିଛନ୍ତି ଭାରତରେ ସକ୍ରିୟ ଦୁଇ ଆଗଧାଡିର ଇ-କମର୍ସ କମ୍ପାନି ଆମାଜନ୍‌ ଏବଂ ୱାଲ୍‌ମାର୍ଟ । ଭାରତୀୟ ଇ-ରିଟେଲ ବ୍ୟବସାୟରେ ଯୁକ୍ତରାଷ୍ଟ୍ରଭିତ୍ତିକ କମ୍ପାନି ଆମାଜନ୍‌ ଏବଂ ୱାଲ୍‌ମାର୍ଟର ୭୫ରୁ ୮୦% ଅଂଶ ଥିବାବେଳେ ନୂଆ ଇ-କମର୍ସ ନୀତି କାର୍ଯ୍ୟକାରୀ ହେବା ପରେ ଉଭୟ କମ୍ପାନିର ଶେୟାର ମୂଲ୍ୟରେ ବଡ ଧରଣର ହ୍ରାସ ଘଟିଛି । ଶୁକ୍ରବାର କାରବାର ବନ୍ଦ ହେବା ବେଳକୁ ଆମାଜନ୍‌ ଏବଂ ୱାଲ୍‌ମାର୍ଟର ବଜାର ମୂଲ୍ୟରେ ପାଖାପାଖି ୩,୬୩,୧୪୭ କୋଟି ଟଙ୍କାର ହ୍ରାସ ଘଟିଥିବା ଜଣାଯାଇଛି ।
ନାସ୍‌ଦାକ୍‌ରେ ପଞ୍ଜୀକୃତ ଆମାଜନ୍‌ର ଶେୟାର ମୂଲ୍ୟରେ ୫.୩୮% ହ୍ରାସ ଘଟିଛି । ଫଳରେ ଏହା ୧୬୨୬.୨୩ ଡଲାର (ପାଖାପାଖି ୧,୧୫,୮୫୨ ଟଙ୍କା)କୁ ଖସିଆସିଛି । କମ୍ପାନିର ବଜାର ମୂଲ୍ୟରେ ୪୫.୨୨ ବିଲିୟନ୍‌ ଡଲାର (ପାଖାପାଖି ୩,୨୨,୧୪୭.୨୮ କୋଟି ଟଙ୍କା) ହ୍ରାସ ଘଟିଛି । ଅନ୍ୟପକ୍ଷରେ, ୱାଲ୍‌ମାର୍ଟର ଶେୟାର୍‌ ମୂଲ୍ୟ ନ୍ୟୁୟର୍କ ଷ୍ଟକ୍‌ ଏକ୍ସଚେଞ୍ଜ୍‌ରେ ୨.୦୬% ହ୍ରାସ ଘଟି ୯୩.୮୬ ଡଲାର (ପାଖାପାଖି ୬,୭୦୦ ଟଙ୍କା)କୁ ଖସିଆସିଛି । କମ୍ପାନିର ବଜାର ମୂଲ୍ୟରେ ପାଖାପାଖି ୫.୭ ବିଲିୟନ୍‌ ଡଲାର (ପାଖାପାଖି ୪୧,୦୦୦ କୋଟି ଟଙ୍କା) ହ୍ରାସ ଘଟିଛି ।
ଶୁକ୍ରବାର କାରବାର ଶେଷ ହେବା ବେଳକୁ ଆମାଜନ୍‌ର ବଜାର ମୂଲ୍ୟ ୭୯୫.୧୮ ବିଲିୟନ୍‌ ଡଲାର (ପାଖାପାଖି ୫୭ ଲକ୍ଷ କୋଟି ଟଙ୍କା) ଥିବାବେଳେ ୱାଲ୍‌ମାର୍ଟର ବଜାର ମୂଲ୍ୟ ୨୭୨.୬୯ ବିଲିୟନ୍‌ ଡଲାର (ପାଖାପାଖି ୨୦ ଲକ୍ଷ କୋଟି ଟଙ୍କା) ଥିଲା ।
ନୂଆ ନୀତି କାର୍ଯ୍ୟକାରୀ ହେବା ପୂର୍ବରୁ ହିଁ ଆମାଜନ୍‌ର ଅନ୍ତରାଷ୍ଟ୍ରୀୟ କାରବାରରେ ହ୍ରାସ ଘଟିଥିଲା । ଏଥିରେ ଭାରତୀୟ କାରବାର ମଧ୍ୟ ସମ୍ପୃକ୍ତ ଅଛି । ୨୦୧୮ ଡିସେମ୍ବରରେ ଶେଷ ହୋଇଥିବା ତ୍ରୟମାସରେ ଆମାଜନ୍‌ର ଅନ୍ତରାଷ୍ଟ୍ରୀୟ ନେଟ୍‌ ବିକ୍ରିରେ ୧୫% ଅଭିବୃଦ୍ଧି ଦେଖାଦେଇଛି, ଯାହାକି ୨୦୧୭ ସମାନ ସମୟରେ ୨୯% ଥିଲା । ଚଳିତ ମାସ ୱାଲ୍‌ମାର୍ଟ ଏହାର ତ୍ରୟମାସିକ ଫଳାଫଳ ଘୋଷଣା କରିବ । ଭାରତ ସରକାରଙ୍କ ନୂଆ ନୀତିରେ ଉଭୟ ଆମାଜନ୍‌ ଏବଂ ଫ୍ଲିପ୍‌କାର୍ଟ ଅସନ୍ତୁଷ୍ଟ ବ୍ୟକ୍ତ କରିଛନ୍ତି ।

ସମ୍ବନ୍ଧିତ ଖବର