PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଲାୟମ ସିଂହ ଯାଦବ ICUରେ ଭର୍ତ୍ତି ,ଅଖିଳେଶ ଓ ଅପର୍ଣ୍ଣା ଯାଦବଙ୍କ ତୁରନ୍ତ ଦିଲ୍ଲୀ ଯାତ୍ରା
  • ||
  • ଭୁବନେଶ୍ଵର : ରାଜ୍ୟରେ ଉପରତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୧୩୧ ପଜିଟିଭ୍ ଚିହ୍ନଟ
  • ||
  • କଟକ : ହାଇକୋର୍ଟଙ୍କ ଦ୍ୱାରସ୍ଥ ହେଲେ ବିଧାୟକ ମହମ୍ମଦ ମୋକିମ୍, ବିଧାୟକ ପଦ ରଦ୍ଦ ହେବାର ଆଶଙ୍କା
  • ||
  • କେନ୍ଦୁଝର : ସାମାନ୍ୟ ବଚସାରୁ ତୁମୁଳ କାଣ୍ଡ, ଯୁବକଙ୍କୁ ବିଭତ୍ସ ଭାବେ ହତ୍ୟା
  • ||
  • କୋରାପୁଟ : ବିଜୁଳି ଘଡ଼ଘଡ଼ିରେ ଭୁଶୁଡ଼ିଲା କୋରାପୁଟର ଜେଇଏଲ୍ ଚର୍ଚ୍ଚ
  • ||
  • ବ୍ରହ୍ମପୁର : କାର୍‌ରୁ ୩ କେ.ଜି ସୁନା ଏବଂ ୧୭ କେ.ଜି ରୂପା ଜବତ, ୩ ଅଟକ
  • ||

ପ୍ରିୟଙ୍କାଙ୍କ ରୋଡ୍ ସୋ’ ପରେ ଶାହଙ୍କ ଚାଲେଞ୍ଜ, ୟୁପିରେ ୭୪ ସିଟ୍ ଜିତିବ ବିଜେପି

source:aajtak.intoday.in

ଅହମଦାବାଦ ୧୨/୨: ଲୋକସଭା ନିର୍ବାଚନ ପୂର୍ବରୁ ମଙ୍ଗଳବାର ଅହମଦାବାଦରେ ବିଜେପି ଅଧ୍ଯକ୍ଷ ଅମିତ ଶାହ ‘ମେରା ପରିବାର ଭାଜପା ପରିବାର’ କ୍ୟାମ୍ପେନ୍ ଲଞ୍ଚ କରିଛନ୍ତି । ଏହି କ୍ୟାମ୍ପେନରେ ଇଙ୍ଗିତ କରି ଶାହ ଗାନ୍ଧୀ ପରିବାରକୁ ଟାର୍ଗେଟ୍ କରିଛନ୍ତି ।

ଶାହ କହିଛନ୍ତି ଯେ ‘ୟୁପିର କର୍ମୀଙ୍କୁ ମୁଁ ଜାଣିଛି । ୟୁପିରେ ପୂର୍ବ ଥର ୭୨ ସିଟ୍ ଆସିଥିଲା । ଏଥର ସେଠାର କର୍ମୀ ୭୪ ସିଟ୍ କରିଦେବେ କିନ୍ତୁ ୭୦ ହେବାକୁ ଦେବେନି ।‘ ମହାମେଣ୍ଟକୁ ନେଇ ହେଉଥିବା ରାଜନୀତି ଓ  ବିଜେପି କର୍ମୀଙ୍କ ମଧ୍ୟରେ ହେଉଥିବା ଆଲୋଚନାକୁ ନେଇ କହିଛନ୍ତି ଯେ ‘ମହାମେଣ୍ଟକୁ ଡରିବା ପାଇଁ ଆବଶ୍ୟକ ନାହିଁ । ମହାମେଣ୍ଟ ପୂର୍ବରୁ କୁହନ୍ତୁ ଯେ ତାଙ୍କ ନେତା କିଏ ?’

ଅମିତ୍ ଶାହ କର୍ମୀଙ୍କୁ ସମ୍ବୋନ୍ଧନ କରି କହିଛନ୍ତି ଯେ ୩ ମାର୍ଚ୍ଚ ଭିତରେ ବିଜେପି ୪ କ୍ୟାମ୍ପେନିଂ କାର୍ଯ୍ଯକ୍ରମ ଲଞ୍ଚ କରିବ । ଏଥିରେ ଆଜି ପ୍ରଥମ ‘ମେରା ପରିବାର ଭାଜପା ପରିବାର’ ଲଞ୍ଚ ହୋଇଯାଇଛି । ଦ୍ୱିତୀୟ ସମ୍ପର୍କ ଅଭିଯାନ ହେବ, ତୃତୀୟ କମଲ ଜ୍ୟୋତି ଏବଂ ୪ର୍ଥ ମୋଟର ସାଇକେଲ ରାଲି ଜରିଆରେ ଦେଶର ସବୁ ବିଧାନସଭା କ୍ଷେତ୍ରକୁ ଯିବ । ଏହି କ୍ୟାମ୍ପେନିଂ ସମୟରେ ଦେଶର ୨୨ କୋଟି ଭୋଟରଙ୍କ ସହିତ ବିଜେପି ସମ୍ପର୍କ ସ୍ଥାପନ କରିବ ।

ତେବେ ଏହା ସହିତ ମହାମେଣ୍ଟକୁ ନେଇ ଶାହ କର୍ମୀଙ୍କୁ ଏକ ମଜାକଥା ଶୁଣାଇଛନ୍ତି  ଏବଂ କହିଛନ୍ତି ଯେ ସୋସିଆଲ ମିଡିଆରେ ଆଲୋଚନା ଚାଲିଛି ଯେ ଏମାନଙ୍କ ନେତା କିଏ ହେବ ?  ଏହା ଉପରେ ଲୋକେ କହୁଛନ୍ତି ଯେ ସୋମବାର ମମତା, ମଙ୍ଗଳବାର ମାୟା, ବୁଧବାର ଦେବଗୌଡା ଓ ରବିବାର ଛୁଟି । ଅମିତ ଶାହ ମମତାକୁ ନେଇ ଏକଥା ମଧ୍ୟ କହିଛନ୍ତି ଯେ ପଶ୍ଚିମବଙ୍ଗରେ ବିଜେପି ହାରିବନି । ଯେତେ ଅଧିକ ନିର୍ଯାତନା ପାର୍ଟିର କର୍ମୀଙ୍କ ଉପରେ କରାଯିବ ପାର୍ଟି ସେତେ ମଜଭୁତ ହେବ ।