କେନ୍ଦୁଝର,୧୬/୧୦: ପାଟଣା ରେଞ୍ଜରେ ଥମୁନି ହାତୀପଲଙ୍କ ଉପଦ୍ରବ । ଏକ ୨୪ ଟିକିଆ ହାତୀପଲ ଏହି ଅଞ୍ଚଳରେ ଆତଙ୍କ ଖେଳାଇଥିବା ବେଳେ ମଙ୍ଗଳବାର ବିଳମ୍ବିତ ରାତିରେ ହାତୀପଲ କେନ୍ଦୁଆପଡା ଗ୍ରାମରେ ପଶି ଗୁରୁବାରୀ ନାଏକଙ୍କ ଘର ଭାଙ୍ଗି ଘର ଭିତରୁ ଧାନ ଚାଉଳ ଖାଇ ନଷ୍ଟ କରିଦେଇଛନ୍ତି ।
ସୂଚନା ମୁତାବକ, ବିଗତ ଦିନରେ ପାଟଣା ରେଞ୍ଜରେ ବଢିଛି ହାତୀପଲଙ୍କ ଉପଦ୍ରବ । ମଙ୍ଗଳବାର ବିଳମ୍ବିତ ରାତିରେ ହାତୀପଲ କେନ୍ଦୁଆପଡା ଗ୍ରାମରେ ପଶି ଗୁରୁବାରୀ ନାଏକଙ୍କ ଘର ଭାଙ୍ଗି ଦେଇଥିଲେ । ଏହା ସହ ଘର ଭିତରୁ ଧାନ ଚାଉଳ ଖାଇ ନଷ୍ଟ କରିଦେଇଥିଲେ । ତେବେ ଏହି ଘଟଣା ପରେ ଗୁରୁବାରୀ ବନବିଭାଗକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପହଞ୍ଚି ସମସ୍ତଙ୍କୁ ସଜାଗ ରହିବାକୁ କହିଛି । ତେବେ ବର୍ତ୍ତମାନ ଏହି ହାତୀପଲ ମାଧପୁର ଗାଁ ନିକଟରେ ଡେରା ପକାଇଛନ୍ତି । ଗାଁ ନିକଟରେ ହାତୀପଲ ବୁଲୁଥିବାରୁ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି । ହାତୀପଲଙ୍କ ଗତିବିଧି ଉପରେ ବନବିଭାଗ ନଜର ରଖିଛି।
