ଫିରିଙ୍ଗିଆ,୧୪/୦୨: ଫିରିଙ୍ଗିଆ ବ୍ଲକ ପଲାବୃଡ଼ି ପଞ୍ଚାୟତର ଦରିସୁଗା ଆବାସିକ ସେବାଶ୍ରମରେ ବିଦ୍ୟାଳୟର ବାର୍ଷିକ ଉତ୍ସବ ଅନୁଷ୍ଠିତ ହୋଇଛି । ବିଦ୍ୟାଳୟର ପ୍ରଧାନ ଶିକ୍ଷକ ଗଞ୍ଜା କହଁରଙ୍କ ତତ୍ୱାବଧାନରେ ଅନୁଷ୍ଠିତ ବାର୍ଷିକ ଉତ୍ସବରେ ମୁଖ୍ୟ ଅତିଥି ଭାବରେ ପଲାବୃଡ଼ି ପଞ୍ଚାୟତର ସରପଞ୍ଚ ଲୀଳାବତୀ କହଁର ଯୋଗଦେଇ ଅନୁଷ୍ଠାନିକ ଭାବରେ ଉତ୍ସବକୁ ଉଦଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ବାଲିପଦର ସାଧନ କର୍ମୀ ସଂଯୋଜକ ପ୍ରଦ୍ୟୁମ୍ନ ଦିଗାଲ, ବିଦ୍ୟାଳୟର ସଭାପତି ରାଜେନ୍ଦ୍ର କହଁର, ୱାର୍ଡ ସଭ୍ୟ ବଳରାମ କହଁର, ପଲାବୃଡ଼ି ଅବାସିକ ଶେବାଶ୍ରମର ପ୍ରଧାନ ଶିକ୍ଷକ ଯତୀନ୍ଦ୍ର ପ୍ରସାଦ ରାଉତ ଯୋଗ ଦେଇଥିଲେ । ଉତ୍ସବରେ ଉପସ୍ଥିତ ଅତିଥି ବିଦ୍ୟାଳୟ ଓ ଛାତ୍ର ଛାତ୍ରୀଙ୍କ ଉଦ୍ଦେଶ୍ୟରେ ଅଭିଭାଷଣ ରଖିଥିଲେ ।
ବିଦ୍ୟାଳୟରେ ପୂର୍ବରୁ ବାର୍ଷିକ ଉତ୍ସବ ଉପଲକ୍ଷେ ବିଭିନ୍ନ କ୍ରୀଡା ଅନୁଷ୍ଠିତ ହୋଇଥିଲା। ବିଭିନ୍ନ କ୍ରୀଡାରେ କୃତିତ୍ୱ ହାସଲ କରି ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀମାନଙ୍କୁ ମାନପତ୍ର ଓ ଟ୍ରଫି ଅତିଥିମାନଙ୍କ ଦ୍ୱାରା ପ୍ରଦାନ କରା ଯାଇଥିଲା । ଅନ୍ୟମାନଙ୍କ ମଧ୍ୟରେ ଗୋପୀନାଥ ଦିଗାଲ, ସଂଜୀବ କୁମାର ମହନ୍ତ, ଶିକ୍ଷୟିତ୍ରୀ ବନିତା ପ୍ରଧାନ, ମଞ୍ଜୁଷା ପାତ୍ର, ମେଟ୍ରୋନ ସମ୍ପତି କହଁର କାର୍ଯ୍ୟକ୍ରମକୁ ସହଯୋଗ କରିଥିଲେ । କାର୍ଯ୍ୟକ୍ରମ ଶେଷରେ ବିଦ୍ୟାଳୟର ଛାତ୍ରଛାତ୍ରୀଙ୍କୁ ନେଇ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
