ମୁମ୍ବାଇ,୫/୧୧ : ଭାରତୀୟ କ୍ରିକେଟ ଟିମକୁ ନ୍ୟୁଜିଲାଣ୍ଡ ହାତରୁ ଟେଷ୍ଟ ସିରିଜରେ ୦-୩ରେ ଲଜ୍ଜା ଜନକ ଭାବେ ପରାସ୍ତ ହେବାକୁ ପଡ଼ିଲା । ଏହି ପରାଜୟ ପରେ ଓ୍ବାର୍ଲ୍ଡ ଟେଷ୍ଟ ଚାମ୍ପିୟନଶିପର ଆଶା ମଉଳି ଯାଇଛି । ନ୍ୟୁଜିଲାଣ୍ଡ ବିପକ୍ଷ ସିରିଜରେ ବିରାଟ କୋହଲୀ ୬ପାଳିରେ ପ୍ରାୟ ୯୩ରନ୍ କରିଥିଲେ । ଗୋଟିଏ ପଟେ କୋହଲୀ ନିଜ ଫର୍ମକୁ ନେଇ ଟ୍ରୋଲ୍ ହେଉଛନ୍ତି କିନ୍ତୁ ଏବେ ସେ ଲଣ୍ଡନରେ ନିଜ ପିଲାଙ୍କ ସହ ବୁଲୁଥିବା ଫଟୋ ଖୁବ୍ ଭାଇରାଲ ହେବାରେ ଲାଗିଛି ।
୫ନଭେମ୍ବରରେ ବିରାଟ କୋହଲୀଙ୍କ ୩୬ତମ ଜନ୍ମଦିନ ଅଟେ । ଏହି ଅବସରରେ ବିରାଟ କୋହଲୀଙ୍କ ଏକ ସୁନ୍ଦର ଫଟୋ ସାମ୍ନାକୁ ଆସିଛି । ଏହି ଭାଇରାଲ ଫଟୋରେ ସେ ଡାହାଣ ହାତରେ ପୁଅ ଅକାୟ ଏବଂ ବାମ ହାତରେ ଝିଅ ବାମିକାଙ୍କୁ ଧରିଛନ୍ତି । ଏହା ପ୍ରଥମ ଥର ଅଟେ ଯାହାକି ଅନୁଷ୍କା ସୋସିଆଲ ମିଡ଼ିଆରେ ନିଜ ପୁଅର ଫଟୋ ସେୟାର କରିଛନ୍ତି । କିନ୍ତୁ ଏହି ଫଟୋରେ ବି ତାଙ୍କ ଚେହେରାରେ ଏକ ଇମୋଜୀ ଫଟୋ ରଖିଛନ୍ତି । ଏହି ଫଟୋର ପଛ ପଟେ ଦେଖାଯାଉଛି କି ଏହା ଲଣ୍ଡନରେ ବୁଲୁଥିବା ସମୟରେ ଉଠାଯାଇଛି । କୁହାଯାଉଛି କି ନ୍ୟୁଜିଲାଣ୍ଡ ବିପକ୍ଷ ସିରିଜ ପରେ କୋହଲୀ ସିଧା ଲଣ୍ଡନ ଫେରିଯାଇଛନ୍ତି ଏବଂ ଏବେ ସିଧାସଳଖ ଅଷ୍ଟ୍ରେଲିଆ ଗସ୍ତରେ ଟିମ୍ ଇଣ୍ଡିଆ ସହ ଯୋଡ଼ି ହୋଇପାରନ୍ତି ।
