୬୦ ବର୍ଷ ବୟସରେ ବର ହେଲେ ଏହି ଆକ୍ଟର, ଅନେକ ଫିଲ୍ମରେ ହୋଇଛନ୍ତି ଭିଲେନ୍
ନୂଆଦିଲ୍ଲୀ ୨୫/୫: ଅନେକ ଫିଲ୍ମରେ ଭିଲେନ୍ ରୋଲ୍ କରି ଫେମସ ହୋଇଥିବା କଳାକାର ଆଶିଷ ବିଦ୍ୟାର୍ଥୀ ୬୦ ବର୍ଷ ବୟସରେ ବିବାହ କରିଛନ୍ତି । ଆଶିଷ ଆସାମରେ ରହୁଥିବା ରୂପାଲୀ ବରୁଆଙ୍କୁ କୋର୍ଟ ମ୍ୟାରେଜ୍ କରିଛନ୍ତି । ଏହା ଆଶିଷଙ୍କ ଦ୍ୱିତୀୟ ବିବାହ । ସୂଚନା ଅନୁସାରେ ଏହି ବିବାହରେ ଆଶିଷଙ୍କ ପରିବାରଲୋକେ ଏବଂ କିଛି ଖାସ୍ ବନ୍ଧୁ ସାମିଲ ହୋଇଥିଲେ । ଖୁବ୍ ଶୀଘ୍ର ସେ ରିସେପ୍ସନ ପାର୍ଟି ରଖିବେ ଏବଂ ଅନ୍ୟ ବନ୍ଧୁମାନେ ଏଥିରେ ସାମିଲ ହେବେ ।
ବିବାହ ପରେ ଆଶିଷ ବିଦ୍ୟାର୍ଥୀ ମିଡିଆ ସହିତ ଆଲୋଚନା କରି କହିଛନ୍ତି କି ‘ଜୀବନରେ ଏହି ପର୍ଯ୍ୟାୟରେ ବିବାହ କରିବା ଏକ ଏକ୍ସଟ୍ରା ଅର୍ଡିନାରୀ ଫିଲିଂ ଭଳି ଲାଗିଥାଏ । ସକାଳେ ଆମର କୋର୍ଟ ମ୍ୟାରେଜ୍ ହୋଇଛି ଏବଂ ସନ୍ଧ୍ୟାରେ ଗେଟ୍-ଟୁଗେଦର କରିବୁ । ତେବେ ନିଜ ଲଭ୍ ଷ୍ଟୋରୀରେ ଆଲୋଚନା କରି ଆଶିଷ କହିଛନ୍ତି କି ସେ ଏକ ଲମ୍ବା ଷ୍ଟୋରୀ । ଆଉ କେବେ ଏ ସମ୍ପର୍କରେ ଆଲୋଚନା କରିବା ।’ ତେବେ ବିବାହକୁ ନେଇ ରୂପାଲୀ କହିଛନ୍ତି କି ‘କିଛି ଦିନ ପୂର୍ବରୁ ଆମର ସାକ୍ଷାତ ହୋଇଥିଲା ଏବଂ ଆମେ ସମ୍ପର୍କକୁ ଆଗକୁ ନେଇଯିବାକୁ ନିଷ୍ପତ୍ତି ନେଲୁ ।’
ଆଶିଷ ବିଦ୍ୟାର୍ଥୀ ରୂପାଲୀ ବରୁଆଙ୍କ ସହିତ କୋଲକାତାରେ ବିବାହ କରିଛନ୍ତି । ରୂପାଲୀ ଆସାମରେ ଫ୍ୟାସନ ଇଣ୍ଡଷ୍ଟ୍ରୀ ସହିତ ଜଡିତ । ରୂପାଲୀ ଗୁଆହାଟୀରେ ରୁହନ୍ତି ଏବଂ ତାଙ୍କର ଫ୍ୟାଶନ ଷ୍ଟୋର କୋଲକାତାରେ ଅଛି । ଆଶିଷ ବିଦ୍ୟାର୍ଥୀଙ୍କ କଥା କହିବା ତ ସେ ୨୦୦ରୁ ଅଧିକ ଫିଲ୍ମରେ ୧୧ ଭାଷାରେ କାମ କରିସାରିଛନ୍ତି । ଏହି ଭାଷାଗୁଡିକ ମଧ୍ୟରେ ହିନ୍ଦୀ ବ୍ୟତୀତ ତାମିଲ, କନ୍ନଡ, ମଲୟାଲମ୍ ଏବଂ ଇଂରାଜୀ ସାମିଲ । ସେହିଭଳି ଫିଲ୍ମ କଥା କହିବା ତ ‘ବିଚ୍ଛୁ’, ’ଜିଦ୍ଦୀ’, ’ଅର୍ଜୁନ ପଣ୍ଡିତ’, ’ବାସ୍ତବ’ ‘ବାଦଲ’ ଭଳି ଫିଲ୍ମରେ ସେ ଭିଲେନ୍ ଭୂମିକାରେ ନଜର ଆସିଛନ୍ତି ।
