ଭୁବନେଶ୍ବର,୨।୪:  ଲକ୍ଷେ ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡିଲେ  ଯନ୍ତ୍ରୀ। ଜଣେ ଠିକାଦାରଙ୍କ  ଠାରୁ ଲାଞ୍ଚ ନେଉଥିବା ବେଳେ ଜନସ୍ବାସ୍ଥ୍ୟ ବିଭାଗର ସହକାରୀ ଯନ୍ତ୍ରୀ ଭିଜିଲାନ୍ସ ହାତରେ ଧରାପଡିଛନ୍ତି। ଯନ୍ତ୍ରୀ ଜଣକ ହେଲେ ନରେଶ କୁମାର ଦାସ ।

ଜନସ୍ବାସ୍ଥ୍ୟ ବିଭାଗର ଏକ କାମ ଠିକାଦାର ଜଣକ କରିଥିଲେ। ଉକ୍ତ କାମ ପାଇଁ ଠିକାଦାର ୭ ଲକ୍ଷ ଟଙ୍କାର ବିଲ୍ ବାକି ରହିଥିଲା। ଉକ୍ତ କାମର ବିଲ୍  ସହକାରୀ  ଯନ୍ତ୍ରୀ ନରେଶ କୁମାର ମଞ୍ଜୁର  କରି ନ ଥିଲେ। ବିଲ୍ ମଞ୍ଜୁର କରିବା ପାଇଁ ଲକ୍ଷେ ଟଙ୍କା ଦାବି କରିଥିଲେ। ଏ ନେଇ ଠିକାଦାର ଜଣକ ଭିଜିଲାନ୍ସରେ ଅଭିଯୋଗ କରିଥିଲେ। ଯୋଜନା ମୁତାବକ ବୁଧବାର ଠିକାଦାର ଜଣକ ଯନ୍ତ୍ରୀ ନରେଶକୁ ଟଙ୍କା ଦେଉଥିବା ବେଳେ ଭିଜିଲାନ୍ସ ଟିମ୍ ମାଡି ବସିଥିଲେ। ନରେଶଙ୍କ ଠାରୁ ଲକ୍ଷେ ଟଙ୍କା ଜବତ କରିଥିଲେ। ଏଥିସହ ଯାଞ୍ଚ ବେଳେ ଆଉ ୧ ଲକ୍ଷ ୨୬ ହଜାର ଟଙ୍କା ତାଙ୍କ ନିକଟରୁ  ମିଳିଥିଲା। ଉକ୍ତ ଟଙ୍କା ସମ୍ପର୍କରେ ସେ  କୌଣସି ସନ୍ତୋଷଜନକ ଉତ୍ତର ଦେଇ ପାରି ନ ଥିଲେ।   ଭିଜିଲାନ୍ସ ଟିମ ଉକ୍ତ ଟଙ୍କା ମଧ୍ୟ ଜବତ କରିଥିଲେ।