ନୂଆଦିଲ୍ଲୀ,୧୪/୦୧: ମହିଳା ପ୍ରିମିୟର ଲିଗ୍ (ଡବ୍ଲ୍ୟୁପିଏଲ୍)ରେ ପ୍ରଥମ ବ୍ୟାଟର ଭାବେ ରିଟାୟାର୍ଡ ଆଉଟ୍ ହୋଇଛନ୍ତି ଗୁଜରାଟ ଜାଏଣ୍ଟ୍ସର ଆୟୂଷୀ ସୋନି । ସେ ମୁମ୍ବାଇ ଇଣ୍ଡିଆନ୍ସ ବିପକ୍ଷ ମ୍ୟାଚ୍ରେ ପଦାର୍ପଣ କରିଥିଲେ । ଅନୁଷ୍କା ଶର୍ମା ଆହତ ହୋଇ ବାଦ୍ ପଡ଼ିବା ଫଳରେ ତାଙ୍କୁ ସୁଯୋଗ ମିଳିଥିଲା । ସେ ୬ନଂ ସ୍ଥାନରେ ବ୍ୟାଟିଂ କରିବାକୁ ଆସି ସଂଘର୍ଷ କରିଥିଲେ । ୧୪ଟି ବଲ୍ ଖେଳି ୧୧ରନ୍ କରିଥିବାବେଳେ ତାଙ୍କୁ ଦଳ ପକ୍ଷରୁ ରିଟାୟାର୍ଡ ଆଉଟ୍ କରାଯାଇଥିଲା ।
ମହିଳା ଟି-ଟ୍ୱେଣ୍ଟି ଲିଗ୍ରେ ଏହା ଦ୍ୱିତୀୟ ଘଟଣା । ୨୦୨୪ ଦ ହଣ୍ଡ୍ରେଡ୍ ଟୁର୍ଣ୍ଣାମେଣ୍ଟରେ ମାଞ୍ଚେଷ୍ଟର ଅରିଜିନାଲ୍ସ ପକ୍ଷରୁ ଖେଳିଥିବା କ୍ୟାଥେରିନ୍ ବ୍ରାଏସ୍ ନଦର୍ଣ୍ଣ ସୁପରଚାର୍ଜସ ବିପକ୍ଷ ମ୍ୟାଚ୍ରେ ରିଟାୟାର୍ଡ ଆଉଟ୍ ହୋଇଥିଲେ । ଚଳିତ ବର୍ଷ ବିଭିନ୍ନ ଘରୋଇ ପୁରୁଷ ଟି-ଟ୍ୱେଣ୍ଟିରେ ଇତିମଧ୍ୟରେ ୬ଜଣ ବ୍ୟାଟର ରିଟାୟାର୍ଡ ଆଉଟ୍ ହୋଇ ସାରିଲେଣି । ବିଗ୍ ବାଶ୍ ଲିଗ୍ରେ ପାକିସ୍ତାନର ଷ୍ଟାର ଖେଳାଳି ମହମ୍ମଦ ରିଜୱାନ୍ଙ୍କ ମଧ୍ୟକ୍ରମରେ ଲଢ଼ିବା ପରେ ଅବସର ନେବାକୁ ପଡିଥିଲା । ଏହା ସମସ୍ତଙ୍କୁ ଆଶ୍ଚର୍ୟ୍ୟ କରିଥିଲା । ଅଷ୍ଟ୍ରେଲିଆରେ ରିଜୱାନ୍ଙ୍କ ଗୋଟିଏ ଦିନ ପରେ, ଭାରତର ଆଉ ଜଣେ ଖେଳାଳି ସମାନ ପରିସ୍ଥିତିର ସମ୍ମୁଖୀନ ହୋଇଥିଲେ। ମହିଳା ପ୍ରିମିୟର ଲିଗ୍ (ଡବ୍ଲୁପିଏଲ ୨୦୨୬)ରେ, ମୁମ୍ବାଇ ଇଣ୍ଡିଆନ୍ସ ଏବଂ ଗୁଜରାଟ ଜାଏଣ୍ଟ୍ସ ମଧ୍ୟରେ ଖେଳାଯାଇଥିବା ମ୍ୟାଚ୍ରେ ଆୟୁଷୀ ସୋନିଙ୍କୁ ମଧ୍ୟକ୍ରମରେ ଲଢ଼ିବା ପରେ ଅବସର ନେବାକୁ ପଡିଥିଲା । ଏହି ମ୍ୟାଚ୍ରେ ଗୁଜରାଟ ଜାଏଣ୍ଟ୍ସ ବ୍ୟାଟ୍ସମ୍ୟାନଭାବେ ସେ ତାଙ୍କର ଡେବ୍ୟୁ ମ୍ୟାଚ ଖେଳିଥିଲେ ।
ଆୟୁଷୀଙ୍କ ଡେବ୍ୟୁ ମ୍ୟାଚ୍ ଭଲ ନଥିଲା- ୧୧ତମ ଓଭରରେ ଆୟୁଷୀଙ୍କୁ ବ୍ୟାଟିଂ କରିବାର ସୁଯୋଗ ମିଳିଥିଲା । ସେତେବେଳକୁ ଗୁଜୁରାଟ ୧୦.୧ ଓଭରରେ ୯୭ ରନ୍ କରିସାରିଥିଲା । ଦିଲ୍ଲୀର ୨୫ ବର୍ଷୀୟା ଆୟୁଷୀ ଏପରି ସୁଯୋଗରେ ନିଜକୁ ପ୍ରମାଣିତ କରିବାକୁ ଆଶା କରିଥାଇପାରନ୍ତି, କିନ୍ତୁ କ୍ରିଜ୍କୁକୁ ପାଦ ଦେବା ପରେ ସବୁକିଛି ତାଙ୍କ ଇଚ୍ଛାରେ ନଥିଲା । ଆୟୁଷୀ ଛଅ ଓଭର ପାଇଁ କ୍ରିଜ୍ରେ ରହି ୧୪ଟି ବଲ୍ ଖେଳିଥିଲେ, କିନ୍ତୁ ଭଲ ପ୍ରଦର୍ଶନ କରିନଥିଲେ । ଆୟୁଷୀ ବିନା ବାଉଣ୍ଡ୍ରୀରେ କେବଳ ୧୧ ରନ୍ କରିଥିଲେ
